Jæja kæru kastarar. Fyrst við fögnuðum okkar fyrsta starfsári á dögunum og gátum ekkert gert fyrir ykkur og ástandið er eins og það er, reynum við okkar allra besta til að stytta ykkur stundirnar og bjóða ykkur upp á smá nýjung. Sögustund. Ef þið eruð sátt með þetta þætti okkur gaman að heyra frá ykkur með það. Fyrstur ríður á vaðið Hvíti hvalurinn sjálfur, Árni Baldursson. Hann hendir hér í magnaðar sögur. Vonandi njótið þið því við nutum. Holy cow

Flugucastið

Flugucastið - Bónus þáttur - Sögustund með Árna Baldurssyni

Nils Folmer Jörgensen er fyrir löngu orðinn þekktur meðal veiðimanna fyrir sérstakt lag sitt á því að veiða stóra laxa hvar sem hann kemur. Allt frá barnsaldri hefur Nils verið límdur við flugustöngina og ferðast heimshorna á milli í leit sinni að lónbúanum. Við förum yfir alla söguna og snertum á skuggahliðum sportsins sem Nils hefur því miður fengið að kynnast. Njótið kæru kastara því við nutum og reinum nú að hemja okkur stundum

Flugucastið #37 - Stórlaxarnir og kvíðinn - Nils Folmer Jörgensen

Ragnheiður Thorsteinsson hefur frá unga aldri verið heilluð af veiði. Hún hefur víða veitt, framleitt veiðiefni fyrir sjónvarp, sitið í skemmtinefnd og stjórn SVFR. Góður veiðimaður, skemmtilegur viðmælandi og sannarlega góð fyrirmynd fyrir konur í sportinu. Njótið, takið upp kampavínið en þó varlega því við tókum það ekki upp varlega.

Flugucastið #36 - Þrákastað með Ragnheiði Thorsteinsson

Pétur og Birgir Steingrímssynir (ekki bræður) hafa helgað stórum hluta ævi sinnar í eltingarleik við þann silfraða í Laxá í Aðaldal. Báðir hafa þeir fylgt veiðimönnum um áratugaskeið og marga fjöruna sopið og ölduna stigið á bökkum Laxár. Við þökkum Veiðitorg.is og Avis bílaleigu sérstaklega fyrir að gera okkur kleift að leggja land undir fót og hitta þessa höfðingja. Njótið því við þið vitið þetta

Flugucastið #35 - Lávarðar Laxár

Jæja kæru kastarar þá er það er enginn annar en þjóðargersemin Pálmi Gunnarsson sem er gestur 34. þáttar Flugucastsins. Pálmi hefur víða komið við sínum veiðiferli og ekki gert mikið af því að liggja á skoðunum sínum. Við viljum svo sértaklega þakka AVIS og Veiditorg.is fyrir það að gera okkur kleift að fara norður og taka viðtöl við veiðimenn þar.

Flugucastið #34 - Sami gamli þorparinn- Pálmi Gunnarsson

Jæja kæru kastarar, við Flugucastarar erum enn fyrir norðan og hittum þar engan annan en Matthías Þór Hákonarson en Matthías Þór rekur fyrirtækið Iceland Fishing Guide og hefur undir sinni regnhlíf þó nokkur veiðisvæði sem við ræðum við hann um. Einnig segir Matti okkur frá ákaflega skrautlegri byrjun hans í veiðibransanum. Vonum að þið hafið jafn gaman af þessum og við.

Flugucastið #33 - Þá beit helvítið á - Matti Hákonar

Halló Akureyri og aðrir kastarar. Í þessum þætti tökum við hús á Ella Steinari sem er fyrrum formaður SVAK og eigandi hinnar sívinsælu og góðu sölusíðu Veiðitorg.is. Elli, sem er sjávarútvegsfræðingur og sjálftitlaður letingi sem byrjaði sinn veiðiferil ekki fyrr en 25 ára, fer með okkur í gegnum veiðisögu sína og köfum við djúpt í bleikjur og bleikjuveiði. Hann ætti nú að vita eitt og annað um þau málefni því hann skrifaði mastersritgerð sína um að veiða og sleppa bleikjunni. Við förum einnig örlítið inn á laxeldið í opnum sjókvíum, Eyjafjarðará og auðvitað fær hundurinn Jójó aðeins að koma inn í þáttinn. Þannig þessi vika er spennandi fyrir ykkur. Njótið því við nutum og munið Veiðitorg.is

Flugucastið #32 - Íslenskar bleikjur og Erlendur Steinar

Kæru kastarar þá bjóðum við ykkur uppá Ingimund Bergsson í þætti vikunnar. Ingimundur fer með okkur í gegnum sinn veiðiferil og ekki síst hugmyndina af Veiðikortinu og hvernig það hefur breytt veiðinni fyrir margan veiðimanninn. Svo við segjum njótið því jú við nutum.

Flugucastið #31 - Maðurinn sem gjörbreytti veiðinni, Ingimundur Bergsson

Hilmar Hansson, dúkalagningarmeistara, kannast flestir veiðimenn við. Hann hefur snert á ýmsu í gegnum tíðina en rauði þráðurinn í hans dellu er draumurinn um þann stóra.

Flugucastið #30 - Hilmar Hansson og stórlaxaþráhyggjan

Haraldur Eiríksson hefur gert veiðina að ævistarfi og er flestum veiðimönnum af góðu kunnur. Einstakur veiðimaður og umfram allt baráttumaður fyrir villtan lax. Njótið kæru kastarar

Flugucastið #29 - Engisprettufaraldur-Haraldur Eiríksson

Það er líklega enginn veiðimaður í heiminum sem hefur ferðast jafnvíða og Árni Baldursson. Ótrúlegur karakter sem hefur alls staðar stungið niður fæti. Verði ykkur að góðu!

Flugucastið #28 - Hvíti hvalurinn, Árni Bald

Þröst Elliðason og fyrirtæki hans, Strengi, þekkja allir veiðimenn. í 27. þætti Flugucastsins förum við yfir hans mögnuðu sögu, feril hans í veiðinni og lítum til framtíðar.

Flugucastið #27 - Strengir, Jökla og Nürnberg réttarhöldin

Kæru kastarar Það var hann Elvar Örn Friðriksson sem mætti til okkar þessa vikuna hann fékk veiðina í vöggugjöf og hefur komið víða við. En hann hefur starfað við leiðsögn, veiðileyfasölu en nú berst hann fyrir verndun villtra laxastofna sem framkvæmdastjóri North Atlantic Salmon Fund á Íslandi. Þannig við komum víða við í þætti vikunnar Svo njótið því við nutum.

Flugucastið #26 - Dusty Miller, Harpa og NASF

Jóhannes Sturlaugsson hefur helgað líf sitt laxfiskum. Hann fer vítt og breitt með okkur í þætti vikunnar og dregur ekkert undan í gagnrýni sinni á Hafrannsóknarstofnun. Þessum má enginn missa af!

Flugucastið #25 - Laxfiskar, Jóhannes Sturlaugsson og vísindin

Jæja kæru kastarar hér kemur jólagjöfin okkar til ykkar. Heill þáttur með engum öðrum en Verði Marel Einarssyni. Við þökkum ykkur kærlega fyrir stuðninginn og hlustunina á árinu sem er að líða. Vonandi hafið þið jafn gaman að þessum þætti og við höfðum að gera hann. Jóla- og áramóta kveðja til ykkar kastara frá okkur Flugucösturum. Sjúbbí dú

# - Vörður Marel Jóla-special

Flugucastið er hlaðvarp um fluguveiði. Umsjónarmenn eru Hafsteinn Már Sigurðsson og Sigþór Steinn Ólafsson. Markmið þáttarins er að auka afþreyingarefni fyrir veiðimenn og miðla þekkingu. Tight lines.

hubhopper

Flugucastið

hubhopper