Huko Afrika Mashariki na Pembe ya Afrika ambako huko kwa kipindi kirefu sasa njaa na ukame vimekuwa tatizo kubwa. Mwezi uliopita wa Januari shirika la Umoja wa Mataifa la Chakula na Kilimo FAO lilitoa ombi la zaidi ya dola milioni 138 za ufadhili wa dharura ili kusaidia watu milioni 1.5 walio hatarini katika jamii za vijijini huko Afrika Mashariki na Pembe ya Afrika. Kufahamu hali halisi mashinani iko vipi, Leah Mushi wa Idhaa ya Kiswahili ya Umoja wa Mataifa amezungumza na Dokta. Paul Mutungi Afisa wa mashinani wa FAO akihusika na wafugaji katika Ukanda wa Afrika Mashariki na anaanza kwa kueleza hali ya kibinadamu ilivyo huko mashinani. 

Habari za UN

FAO yatoa ushauri kwa wafugaji pindi ukame unapotishia mifugo yao

Miongoni mwa yaliyomo  Leah Mushi amefanya mazungumzo na Dokta. Paul Mutungi Afisa wa mashinani wa Shirika la Umoja wa Mataifa la Chakula na Kilimo, FAO akihusika na wafugaji katika Ukanda wa Afrika wakiangazia suala la ukame na njaa kali unavyoathiri wananchi walioko Afrika Mashariki na pembe ya Afrika. Mashindano ya Olimpiki ya majira ya baridi kwa mwaka huu wa 2022 yameng’oa nanga hii leo huko Beijing China huku Katibu Mkuu wa Umoja wa Mataifa akitoa wito wa mshikamano wakati wa michezo na hata baada. Umoja wa Mataifa kwa kushirikiana na Serikali ya Madagascar na washirika wake wengine wa misaada ya kibinadamu wanaongeza juhudi za kujitayarisha na Kimbunga Batsirai ambacho kinatarajiwa kuipinga nchi ya Madagascar mwishoni mwa wiki hii. Ikiwa leo ni siku ya saratani duniani, mashirika ya Umoja wa Mataifa ikiwemo la nishati ya atomiki, IAEA, na afya duniani WHO yamezindua programu iitwayo Rays of Hope, au ‘Miale ya Matumaini’ kwa ajili ya kuwezesha nchi wanachama hususan za kipato cha chini na cha kati. Na leo katika neno la Wiki tunakwenda Tanzania, kupata ufafanuzi wa msemo "HIARI YASHINDA UTUMWA" na mchambuzi wetu ni Onni Sigalla.  

Jarida 04 Februari 2022

Mashindano ya michezo ya Olimpiki ya majira ya baridi kali yakianza Ijumaa ya tarehe 4 mwezi huu wa Februari mwaka 2022 huko nchini China, Katibu Mkuu wa Umoja wa Mataifa Antonio Guterres ametaka kila mtu kuzingatia azimio la sitisho la mapigano wakati wa mashindano hayo. Wanamichezo wa kiwango cha juu wakiwa tayari huko jijini Beijing China na viunga vingine ya taifa hilo la bara la Asia kwa ajili ya mashindano hayo ya olimpiki ya majira ya baridi kali, Katibu Mkuu wa Umoja wa Mataifa Antonio Guterres anakumbushia makubaliano yaliyopitishwa na Baraza Kuu la Umoja wa Mataifa mwezi Desemba mwaka jana ya kusitisha mapigano.  Katika ujumbe wake Guterres anasema wanamichezo wanashiriki mashindano hayo kwa misingi ya maelewano, kujituma na bila kuoneana.  “Misingi hii inatuvutia sote. Azimio la Olimpiki kuhusu sitisho la mapigano linatoa wito kwa pande zote kusitisha mapigano katika kipindi chote cha mashindano ya olimpiki.” Amesema Guterres.  Kwa mujibu wa azimio hilo, nchi zinatakiwa kusiweko na mapigano siku 7 kabla ya kuanza kwa michezo hiyo hadi siku saba baada ya kumalizika kwa mashindano ya olimpiki ya majira ya baridi kwa watu wenye ulemavu, ambayo yatafikia ukomo tarehe 13  mwezi ujao wa Machi.  Katibu Mkuu amesema mapigano yakisambaa na mivutano ikiongezeka, ombi la sitisho la mapigano linatoa fursa ya kuamliza tofauti na kusaka njia bora ya amani ya kudumu.  “Tunavyohaha kutokomeza janga la COVID-19, hebu na tuungane kwa mustakabali salama zaidi, wenye ustawi na endelevu kwa kila mtu. Natoa wito kwa kila mtu kuzingatia mkataba wa Olimpiki wa sitisho la mapigano wakati wa mashindano ya olimpiki sambamba na yale ya walemavu. Kupitia nguvu ya michezo, na maadili ya Olimpiki, hebu na tujenge utamaduni wa amani.” Ametamatisha Guterres.  Azimio hilo lililopatiwa jina Kujenga dunia yenye amani na bora zaidi kupitia michezo na maadili ya Olimpiki, lilipitishwa kwa kauli moja na lilikuwa limewasilishwa na mataifa 173.     

Guterres - Tusitishe mapigano kwa heshima na maadili ya Olimpiki

Shirika la Umoja wa Mataifa la kuhudumia wakimbizi UNHCR linaendelea kufanya kila jitihada kuwasaidia wakimbizi na raia wa Lebanon ambao wanakabiliana na  moja ya misimu yenye baridi kali zaidi kushuhudiwa katika kipindi cha miaka 10, huku theluji ikidondoka katika maeneo ambayo hayajashuhudia theluji kwa muongo mmoja. Taarifa zaidi anayo Anold Kayanda. Katika eneo la bonde la Bekaa, moja ya mikoa nchini Lebanon. Safu ya milima iliyogubikwa na baridi imelizunguka eneo hili lenye nyumba za maturubai nazo zikiwa zimezungukwa na theluji. Hali ni baridi mno na fauka ya hayo paa nyingine za nyumba zinavuja.  Familia za wakimbizi kutoka Syria pamoja na wenyeji wao ambao nao wamekuwa wakipambana na hali mbaya ya uchumi, sasa wanahangaika kujaribu kuiona kesho yao kwakuwa wanakumbana na baridi hili kali kuwahi kuonekana hapa katika miaka ya hivi karibuni.    Hali ya joto imeshuka mno kiasi cha kuwa chini ya nyuzi joto sifuri na kuacha wakimbizi wengi na familia za Walebanon zikihangaika kupambana na baridi. Wengine wanachoma moto karatasi na wengine kuni, ilimradi wapate joto kiasi. UNHCR inasema katika wiki iliyopita takribani familia 4,000 za wakimbizi ziliathiriwa vibaya na dhoruba hili la theluji na zinahitaji msaada.  UNHCR imeshuhudia, “hata maji ambayo watu wamejihifadhia majumbani kwa ajili ya matumizi yao, yameganda na kuwa vipande vya barafu.”   Shirika hili la Umoja wa Mataifa la kuhudumia wakimbizi na wadau wake wameendelea kutoa usaidizi wa mara kwa mara wa majira ya baridi pamoja na usaidizi wa dharura kama vile mahitaji kwa ajili ya malazi, blanketi za joto, vifaa vya usafi na kadhalika ili kusaidia familia katika wiki hii ngumu. Hata hivyo, inakuwa vigumu kuzifikia baadhi ya jamii kutokana na miundombinu ya mawasiliano kama simu na barabara kutatizwa na theluji kubwa.    Lebanon inakabiliwa na mzozo mkubwa wa kiuchumi ambao unaungana na idadi kubwa ya maambukizi ya ugonjwa wa COVID-19. UNHCR imeingilia kati kutoa msaada angalau kwa wakimbizi na wenyeji wao na hadi sasa imewafikia watu 260,000 kuwapatia usaidizi katika majira haya ya baridi kali.      

UNICEF - Hata maji ya kutumia ndani ya familia yanageuka barafu kutokana na baridi kali Lebanon-

Ukame mkali katika maeneo ya nyanda za chini huko Ethiopia uliosababishwa na mvua kutonyesha katika misimu mitatu mfululizo umekausha visima vya maji, kuua mifugo na kusababisha zaidi ya wananchi 2000 kuyakimbia makazi yao. Taarifa ya UNICEF inasomwa na Evarist Mapesa wa redio washirika Redio SAUT ya Mwanza Tanzania. Video ya shirika la Umoja wa Mataifa la kuhudumia watoto, UNICEF ikionesha kambi ya wakimbizi wa ndani ya Awralyas, kwenye jimbo la Somali nchini Ethiopia, eneo ambalo ni makazi ya takriban watu 2000 wanaume, wanawake na watoto walioathirika na ukame.   Upepo mkali unavuma na kupeperusha vumbi! Makundi ya watu yamekusanyika yakiangalia mizoga ya mifugo yao iliyokufa kutokana na kukosa chakula na maji kwa muda mrefu, mizoga ya ng’ombe imesambaa kila mahala katika eneo hili la Ethiopia.  Bashir Sheik Mohammed ni mtaalamu wa lishe wa UNICEF na anasema mbali na ukame huu kusababisha watoto 155,000 kutoka maeneo ya Somali na Oromia kuacha shule ili waweze kusaidia wazazi wao kusaka maji, watoto wengi na wajawazito wanakabiliwa na utapiamlo, “UNICEF inasaidia vituo vya muda vya afya ikiwa ni njia mojawapo ya kuzuia, kugundua mapema na kutibu watoto wanaokabiliwa na utapiamlo mkali. Hii ni sehemu ya mkakati ambao tunauthamini katika kupunguza vifo visivyo vya lazima miongoni mwa watoto, na hii ni sehemu muhimu katika harakati za kuokoa maisha , kuweka mazingira safi, kutibu utapiamlo na matibabu mengine ya magonjwa ya kawaida na ikiwa ni pamoja na kutoa chanjo.”  Kauli ya Bashiri inathibitishwa na Iman Magan aliyepata huduma hiyo, “naitwa Iman Magan, ninatoka Wilaya ya Debele. Niliondoka Gelile-el mapema leo asubuhi. Kule kuna ukame mkali. Kuna kiu kubwa, uchovu, na shida nyingine nyingi. Hali ni ngumu. Mtoto wangu anateseka, na tunakabiliwa na changamoto. Nilikuja kutafuta dawa kwa ajili ya mtoto wangu. Alichunguzwa na kukutwa na utapiamlo. Alipewa dawa na vyakula vyenye lishe. Nimepata huduma bora.”  Hadi sasa katika maeneo yaliyoathiriwa na ukame katika mikoa ya Oromia na Somali nchini Ethiopia, kuna takriban watu  milioni 4.4 wakikabiliwa na uhaba mkubwa wa maji kati yao hao ni watoto 850,000 wanaougua utapiamlo.  UNICEF inaomba dola milioni 351 kwa ajili ya matibabu ya utapiamlo na pia mahitaji mengine ya kibinadamu nchini Ethiopia     

Nchini Ethiopia, UNICEF yasaidia familia zinazokabiliwa na ukame na utapiamlo

Ufugaji na kilimo ni moja ya mambo mtambuka ambayo yakifanikiwa yanachangia katika kufanikisha idadi kubwa ya malengo ya Umoja wa Mataifa ya maendeleo endelevu, SDGs kati ya 17 ambayo yanalengwa kufikiwa ifikapo mwishoni mwa muongo huu, mwaka 2030.   Mathalani lengo namba moja linazungumzia kutokomeza umaskini, namba mbili linaongelea kutokomeza njaa, namba tatu linaongelea afya bora, namba saba linazungumzia nishati bora na ambayo ni nafuu na lengo namba nane likizungumzia ukuaji wa uchumi. Malengo yote hayo yanaguswa moja kwa moja na kilimo.   Kwa msingi huo, kijana daktari wa mifugo nchini Uganda, Dkt. Anthony Kiiza anasema hajutii kuwekeza katika kilimo na ufugaji kwani hiyo inampa fursa ya kukuza uchumi wake huku akitekeleza utaalamu wake kwa vitendo. Zaidi ya hayo, anahamasisha vijana wenzake kujihusisha na shughuli mbalimbali za kujipatia kipato ili kukuza uchumi wao na wajamii zinazowazunguka. Mwandishi wetu wa Uganda John Kibego amezungumza na kijana huyo katika makala ifuatayo.  

Tutumie elimu tulizonazo kwa vitendo kwa ajili ya ustawi wa jamii zetu – Dkt. Anthony Kiiza 

Miongoni mwa yaliyomo UNICEF yasaidia familia zinazokabiliwa na ukame na utapiamlo katika maeneo ya nyanda za chini nchini Ethiopia uliosababishwa na mvua kutonyesha katika misimu mitatu. Shirika la Umoja wa Mataifa la kuhudumia wakimbizi UNHCR linaendelea kufanya kila jitihada kuwasaidia wakimbizi na raia wa Lebanon ambao wanakabiliana na moja ya misimu yenye baridi kali.  Katibu Mkuu wa Umoja wa Mataifa Antonio Guterres ametaka kila mtu kuzingatia azimio la sitisho la mapigano wakati wa mashindano ya michezo ya Olimpiki ya majira ya baridi kali. Na leo mashinani tutaelekea nchini Iraq kusikia ndoto ya mkimbizi ya kutaka kuisaidia dunia. Karibu!  

Jarida 03 Februari 2022

Shirika la Umoja wa Mataifa la afya duniani, WHO limetoa ripoti mpya inayoonesha kuwa mifumo ya usimamizi wa taka za afya duniani kote hivi sasa imezidiwa uwezo kutokana na maelfu ya tani za taka zinazotokana na vifaa vilivyotengenezwa kwa ajili ya kukabiliana na janga la COVID-19 na hivyo kutishia afya ya binadamu na mazingira na wakati huo huo kufichua hitaji kubwa la kuboresha udhibiti wa taka zinazozalishwa kutokana na huduma ya tiba.   Dkt. Margaret Montgomery, Afisa wa Kiufundi wa WHO Kitengo cha Maji, Kujisafi, Usafi na Afya akizungumzia ripoti hiyo akiwa katika makao makuu ya shirika hilo mjini Geneva, Uswisi amesema,"kwa hivyo, matokeo makuu ya utafiti ni kwamba kuna taka za ziada zinazozalishwa. Ni mara tatu hadi nne ya kiwango cha taka ambacho kimezalishwa wakati wa janga hili la Covid-19. Na katika vituo ambavyo havitenganishi taka, idadi hiyo inaongezeka hadi mara 10. Wakati huo huo, wakati  tunafahamu kuwa vituo vya afya vinazidiwa nguvu kushughulikia suala hili la taka.”  Kuhusu ushauri wa WHO wa jinsi ya kulishughulikia tatizo hili la taka, Dkt. Montgomery anasema,"kwa hivyo kitu cha kwanza ni kutotumia vifaa tiba ambayo haihitajiki. Kwa mfano Glovu hazihitajiki wakati wa chanjo na hazihitajiki katika matibabu mengi achilia mbali kwa umma. Kwa hivyo ikiwa tunaweza kupunguza glovu katika nchi, kama Uingereza, ambayo tayari ilikuwa na kampeni ya kutotumia glovu hata kabla ya COVID- 19, itakuwa vizuri sana.”  Aidha afisa huyo wa WHO ametaja njia nyingine ya kupambana na taka zizazotokana na vifaa tiba kuwa ni pamoja na kuanza kufikiria matumizi ya karatasi katika vifungashio, urejereshaji wa baadhi ya taka na namna ambavyo vitu kama barakoa na vifaa vingine vinaweza kutumiwa tena katika uzalishaji wa bidhaa nyingine mathalani vifaa vya ujenzi.    Na kuhusu ni ujumbe gani anao, Dkt. Margaret Montgomery anasema,"ujumbe ni kwamba hatuwezi tena kupuuza suala la taka. Habari njema ni kwamba tunaweza kukinga na kuzuia dhidi ya COVID-19 na tunaweza kulinda mazingira. Kwa hivyo mambo kama kupunguza matumizi ya vifaa vya kujikinga wakati wa tiba visiyo vya lazima, mambo kama kutumia tena vifaa ambavyo ni salama, hasaa kwa umma mahali zilipo, kama barakoa. Na suala la tatu ni kuwekeza zaidi katika mifumo ya taka na wafanyakazi wa kushughulikia taka ili kuhakikisha kuwa suala hili linashughulikiwa kwa usalama na uendelevu." 

Hitaji la dharura kuboresha mifumo ya udhibiti wa taka laonekana baada ya taka zilizotokana na kudhibiti COVID-19 kuwa tishio

Tathmini mpya ya uhakika wa upatikana wa chakula iliyotolewa mwishoni mwa mwezi Januari 2022 na Shirika la Umoja wa Umoja wa Mataifa la Mpango wa Chakula la Umoja wa Mataifa WFP, inaonesha takriban asilimia 40 ya wakazi wa Tigray Ethiopia wanakabiliwa na ukosefu mkubwa wa chakula ikiwa ni miezi 15 ya migogoro kaskazini mwa Ethiopia. Taarifa inasomwa na Evarist Mapesa. Video ya WFP ikimuonesha Hiwot, mama wa watoto wanne ambaye kwa sasa ni mjamzito akiwa na binti yake ambaye awali alikuwa na utapiamlo lakini msaada wa chakula chenye lishe kutoka WFP umemsaidia sasa kuwa na hali nzuri. Mama huyu anaeleza kuwa hata yeye anategemea usaidizi wa lishe ya WFP katika kipindi chote cha ujauzito wake kwani familia yake inaishi kwa chai na injera, “kwa sababu ya uhaba wa chakula tunawapa watoto wetu kwanza na ikiwa kuna kitu chochote kimebaki ndio tunaweza kula. Vinginevyo, tunaenda kulala tumbo likiwa tupu. Ingawa mimi ni mjamzito sijapata mlo kamili.” Hali hii si kwa Hiwot peke yake, utafiti wa WFP ulibaini asilimia 13 ya watoto wa Tigray walio chini ya miaka 5, nusu ya wanawake wote wajawazito na wale wanaonyonyesha wana utapiamlo, hivyo kusababisha matokeo mabaya ya ujauzito, uzito mdogo, udumavu na vifo vya uzazi. Adrian Van Der Knaap, Naibu Mkurugenzi wa WFP nchini Ethiopia anasema inakadiria kwa wastani, familia zilizoathiriwa na mzozo kaskazini mwa Ethiopia zilikuwa zikipata chini ya asilimia 30 ya mahitaji yao ya kalori katika miezi iliyopita, na kwamba uhitaji wa chakula utaendelea kwa mwaka mzima wa 2022, “migogoro inaendelea kusababisha njaa zaidi na zaidi. Tuna watu milioni kadhaa huko Tigray katika hali mbaya sana, mamia ya maelfu ya watoto wenye utapiamlo sana huko Afar, huko Amhara pia hali sio nzuri. Kwa jumla zaidi ya watu milioni 9 hawana chakula kwa sasa.” WFP imetoa ombi la msaada wa dola milioni 337 kusaidia wakazi wa  Kaskazini mwa Ethiopia katika kipindi cha miezi sita ijayo.  Na katika nchi ya Ethiopia ina pengo la ufadhili ambalo halijawahi kushuhudiwa la dola milioni 667  ili kuweza kubadili maisha ya watu milioni 12 katika kipindi cha miezi sita ijayo.  

Mjamzito nchini Ethiopia aeleza kuwa wakati mwingine analala bila kula

Shirika la chakula na kilimo la Umoja wa Mataifa, FAO linasema ingawa teknolojia ya ufugaji wa Samaki nchini Zimbabwe imekua bado lengo la kufanikisha uhakika wa chakula kwa kuhakikisha Samaki anafika mezani bado linakabiliwa na changamoto kwa kuwa gharama ya ufugaji ni ya juu halikadhalika gharama ya kitoweo hicho. Kariba nchini Zimbabwe katika mabwawa ya ufugaji Samaki yanayomiliwa na Lake Harvest Farm, teknolojia ni ya kisasa kuanzia shambani hadi kiwandani ikiwemo uchambuzi wa samaki aina ya sato.  Kutoka Kariba tunaingia Karoi, shamba lingine lingine la ufugaji samaki likimilikiwa na kampuni ya ufugaji samaki ya Edeni, na mmiliki wake Hafra Nanhanga, naye anafuga sato na anasema, “nilipoingia kwenye ufugaji wa sato, nilidhani ni rahisi, hasa tulipoanza kujenga mabwawa tulijua tunaweza kuchimba tu mashimo yetu na kujenga kuta, kumbe tunahitaji mashine za kuchimba.”  Tariro Chari, Meneja Mkuu wa shamba la Lake Harvest  anasema samaki anafugwa majini kwa kati ya miezi sita hadi tisa kulingana na uzito anaotaka mnunuzi wa kati ya gramu 300 hadi 900 na “suala kubwa kwa mfugaji yoyote wa sato ni lishe ya Samaki, kwa sababu chakula kinagharimu asilimia 60 ya gharama zote za uendeshaji.”  Kwa kutambua kuwa Zimbabwe ni nchi isiyo na baharí, shirika la chakula na kilimo la Umoja wa Mataifa, FAO lilianzisha mradi wa kusaidia wafugaji wa Samaki ili kuongeza kipato na kuimarisha afya kupitia kitoweo cha Samaki, mradi unaoitwa FISH4ACP uliobuniwa na shirika la nchi za Afrika, Karibea na PAsifiki, na kutekelezwa na FAO.  Mradi unawekeza kwenye mnyororo wa thamani wa ufugaji wa Samaki kuanzia shambani hadi mezani lakini bado ulaji samaki nchini Zimbabwe ni wastani wa kilo 2.6 kwa mtu mmoja kwa mwaka ilhali katika nchi za ukanda huo wastani wa ulaji ni kilo 6.   Gilles Van De Walle wa kitengo cha ufugaji Samaki FAO anasema, “tunataka kufanya kazi kuanzia kwenye boti au kwenye nyavu hadi kwa walaji. Tunataka huu mnyororo uwe na manufaa kama inavyotakiwa.”  FAO imetangaza mwaka 2022 kuwa mwaka wa kimataifa wa uvuvi wa kienyeji na ufugaji wa Samaki. 

Nchini Zimbabwe FAO kuhakikisha ufugaji samaki una tija shambani hadi mezani 

Umoja wa Mataifa kupitia malengo yake ya maendeleo endelevu, SDGs ya mwaka 2015 unataka vijana wapatiwe kipaumbele katika kufanikisha malengo hayo ikiwemo namba moja la kutokomeza umaskini. Serikali zinachagizwa kuweka mazingira wezeshi kwa vijana kujiajiri na ndio maana nchini Tanzania mikopo isiyo na masharti kwa vijana imekuwa mkombozi kwa vijana mkoani Mbeya ambapo takribani vijana 10 mjini Tukuyu wilaya ya Rungwe wametumia mkopo waliopatiwa kununua mashine ya kisasa ya kufyatua matofali. Awali bila mashine hiyo walifyatua matofali kati ya 300 hadi 500 kwa siku lakini sasa inatoa matofali 1000 kwa siku na zaidi ya yote wamepatiwa ajira vijana wengine. Kwa kina basi tuungane na Moses Aswile wa radio washirika Rungwe FM kutoka Tanzania. 

Mkopo wa masharti nafuu kwa vijana Tanzania waleta kipato na kufungua ajira

Miongoni mwa tuliyonano kutoka UN Leo ni mara ya kwanza kuadhimishwa kwa siku ya kimataifa ya maeneo oevu  tangu Baraza Kuu la Umoja wa Mataifa lipitishe azimio mwezi Agosti mwaka jana 2021. Tunabisha hodi nchini Laos kuona harakati za kuhifadhi maeneo hayo adhimu. Shirika la Umoja wa Mataifa la kuhudumia watoto duniani, UNICEF limelaani vikali mauaji ya watoto 15 katika jimbo la Ituri nchini Jamhuri ya Kidemokrasia ya Congo, DRC. Shirika la Umoja wa Mataifa la afya ulimwenguni, WHO pamoja na shirika la Umoja wa Mataifa la Kazi, ILO wametaka hatua ziwekwe kulinda afya ya wafanyakazi wakati wa kufanya kazi kutokea nyumbani. Na mashinani tutausikia ujumbe na wito wa Katibu Mkuu wa Umoja wa Mataifa kuhusu msimamo wa UN kwa mapinduzi ya kijeshi ambayo yameonekana kushika kasi katika siku za hivi karibuni.   

Jarida 02 Februari 2022

Miongoni mwa tuliyonayo hii leo kutoka Umoja wa Mataifa  Shirika la Umoja wa Mataifa la afya duniani, WHO limetoa ripoti mpya inayoonesha kuwa mifumo ya usimamizi wa taka za afya duniani kote hivi sasa imezidiwa uwezo kutokana na maelfu ya tani za taka zinazotokana na vifaa vilivyotengenezwa kwa ajili ya kukabiliana na janga la COVID-19 na hivyo kutishia afya ya binadamu na mazingira na wakati huo huo kufichua hitaji kubwa la kuboresha udhibiti wa taka zinazozalishwa kutokana na huduma ya tiba.  Tathmini mpya ya uhakika wa upatikanaji wa chakula iliyotolewa mwishoni mwa mwezi Januari 2022 na Shirika la Umoja wa Umoja wa Mataifa la Mpango wa Chakula la Umoja wa Mataifa WFP, inaonesha takriban asilimia 40 ya wakazi wa Tigray Ethiopia wanakabiliwa na ukosefu mkubwa wa chakula ikiwa ni miezi 15 ya migogoro kaskazini mwa Ethiopia.  Shirika la chakula na kilimo la Umoja wa Mataifa, FAO linasema ingawa teknolojia ya ufugaji wa Samaki nchini Zimbabwe imekua bado lengo la kufanikisha uhakika wa chakula kwa kuhakikisha Samaki anafika mezani bado linakabiliwa na changamoto kwa kuwa gharama ya ufugaji ni ya juu halikadhalika gharama ya kitoweo hicho.  Na leo mashinani tunakwenda nchini Bangladesh ambako mradi wa ILO umemgeuza mtoro wa shule kuanza kupata kipato ambacho hakutarajia. Karibu! 

Jarida 01 Februari 2022

Miongoni mwa tuliyonayo kutoka Umoja wa Mataifa  Wakimbizi wa Burundi walioishi kwa vipindi tofauti na hata miongo kadhaa ukimbizi nchini Jamhuri ya Kidemokrasia ya Congo, DRC kwa msaada wa shirika la kuhudumia wakimbizi UNHCR wameanza kurejea nyumbani Burundi. Kundi la kwanza katika mwaka huu wa 2022 waeleza furaha yao kurejea nchini mwao.   Shirika la UNAIDS limeeleza kuwa katika maambukizi mengi mapya 150,000 ya Virusi Vya UKIMWI miongoni mwa wa watoto katika mwaka 2020 yangeweza kuzuiwa. UNAIDS inasema maambukizi ya watoto 65,000 yalitokea mwaka wa 2020 kwa sababu wanawake ambao tayari wanaishi na VVU hawakutambuliwa wakati wa ujauzito na hawakuanza matibabu. Zaidi ya maambukizi 35,000 ya ziada ya watoto yalitokea kwa sababu wanawake walipata VVU wakati wa ujauzito au kunyonyesha, ambayo ilisababisha kuongezeka kwa kiwango cha virusi vyao na hatari kubwa ya maambukizi.  Ikiwa hapo kesho Jumanne, Februari mosi ni maadhimisho ya mwaka mmoja tangu jeshi la Myanmar kupindua Serikali ya kiraia iliyochaguliwa kwa njia ya kidemokrasia na kuwaweka kizuizini kiholela viongozi wa Serikali, akiwemo Mshauri wa Serikali Aung San Suu Kyi na Rais Win Myint. Katibu Mkuu wa Umoja wa Mataifa amesema anasimama katika mshikamano na watu wa Myanmar na matarajio yao ya kidemokrasia kwa jamii jumuishi na ulinzi wa jamii zote, ikiwa ni pamoja na Rohingya. Wakati huo hii shirika la kazi la Umoja wa Mataifa, ILO limesema mwaka mmoja baada ya jeshi  kutwaa mamlaka ya kijeshi nchini humo Myanmar hali ya ajira bado ni tete.  Na Mfuko wa Elsie wa kufadhili wanawake walioko kwenye operesheni za ulinzi wa amani, EIF, hii leo umetangaza mchango wa dola 357,000 kwa ajili ya ujumbe wa Umoja wa Mataifa wa kulinda amani nchini Lebanon, UNFIL. 

hubhopper

Habari za UN

hubhopper