Ketill Hugi Hafdal Halldórsson heimsækir Hemma í hátíðlegu hlaðvarpi hæstánægður með hetjudáð, hárið, og hestana sína. Hressari mann í verkfræðinámi er ekki hægt að finna enda alveg með á hreinu hvað krítískur hiti og þrýstingur eru. Svo spilar hann á risavaxna fiðlu í þokkabót. Selt!

Hemmi frændi

71 - Hemmi Hugar að Katli

Annar þáttur Hemma frænda árið 2021 er kominn í loftið og einhverra hluta vegna er hljóðið komið í lag. Rapparinn MC Bjór, Róbert Sveinn Lárusson, heiðrar Hemmana með nærveru sinni, ræðir tónlistarferil sinn og komandi verkefni. Ef þið kunnið að meta rapp, jólin og fermingar þá er það alveg frábært en þátturinn fjallar eitthvað smá um það. Splæsið „MC Bjór“ í leitarreitinn á Spotify, Youtube eða Soundcloud til að fræðasta meira um kauða.

70 - Hemmi fær sér MC Bjór

Eftir langa bið er Hemmi frændi loksins kominn úr sumarfríi. Ekkert sérstakt var undirbúið við endurkomuna heldur er einungis að finna sama gamla röflið. Græjurnar í Hemma frænda eru orðnar eitthvað ryðgaðar eins og heyrist á pirrandi aukahljóðunum í upptökunni. Athugið að ekki er verið að vinna að því að bæta gæðin á hljóðinu.

69 - Hemmi kemur úr sumarfríi

Vegna tæknilegra örðugleika í mixernum hjá Hemma frænda þurfti töluverða klippingu fyrir þennan þátt. Þess vegna kemur Kristófer Þorri Haraldsson (Klipptófer) í þáttinn til að snyrta Hemmana til og segja þeim sögur úr sveitinni þar sem hann hefur gripið í margan spenann.Hemmi frændi er nú kominn í smá sumarfrí og hlakkar til að kvelja eyru ástkærra hlustenda aftur von bráðar. Gleðilegt sumar og heyrumst síðar!

68 - Hemmi fær Kristófer í kaffi

Davíð Már Gunnarson, hinn nýjungagjarni lífskúnstner, heiðrar Hemma frænda með viðveru sinni í þessum þætti. Hann er einn hressasti og jákvæðasti maður sem hægt er að finna á árinu 2020 og geislar af vinsemd og virðingu. Athugasemdir í þættinum gætu fengið þig til að brosa.

67 - Hemmi fær Davíð í sögur

Listamaðurinn Almar Steinn Atlason er gestur Hemma frænda í einum mest sextugasta og sjötta þætti sem gerður hefur verið. Almar ræðir við Hemmana um listina, tímann og Íslandspóst en á mörgu þarf að taka innan veggja skriffinskubáknsins ógurlega sem heltekið hefur sál þjóðarinnar. Þess má geta að Bjarni og Almar eru skyldir í fimmta og fjórða ættlið. Ættliði að trúa þessu?

66 - Hemmi fær Almar í kaffi

Af einskærri manngæsku heimsækir Valgerður Briem Magnúsdóttir Hemma frænda og segir frá ævintýrum sínum um heim allan. Valgerður er hrædd um að barnaverndarstofa taki af henni son sinn vegna viðtalsins og er hún því flutt til Noregs þar sem þau mæðgin eru óhult fyrir oti þeirra og poti.

65 - Hemmi fær skoðun hjá Valgerði

Hann er kominn aftur til Hemma frænda. Grallarinn, brallarinn og súpumallarinn Gunnar Þór Böðvarsson. Ævintýrin sem einn maður getur lent í eru með ólíkindum og fá Hemmarnir að heyra allt um þau. Verði ykkur að góðu.

64 - Hemmi fær lánaðan súpupott

Ferðalangurinn Elísabet Ýr Guðjónsdóttir kemur aftur í heimsókn til Hemma frænda en hún er betri helmingur víðförla dúósins @twotravellingidiots. Hlutir, fólk og staðir verða ræddir í þættinum og er því lítið frá brugðið fyrir elskulega aðdáendur þáttarins.

63 - Hemmi ferðalangar í sumarfrí

Í forsvari fyrir unga fólkið í landinu er Gná Elíasdóttir Tik Tok stjarna. Hún kann að olla á bretti, kann alls konar skammstafanir og segist hafa verið markvörður FC Barcelona á yngri árum sem er helber lygi. Við bjóðum hana samt velkomna og heyrum hvað unga fólkið er að gera þessa dagana.

62 - Hemmi fær Gná í spjall

Tónlistarmaðurinn Holy Hrafn er við það að gefa út nýja plötu og leyfir okkur að fá smakk af henni í seinni hluta þáttarins. Arnar "leikaravinur" Hauksson fær að vera með og segir já og einmitt allan þáttinn. Annars erum við bara að tala um allt og ekkert eins og venjulega hjá Hemma frænda.

61 - Hemmi Ólar Arnar

Þegar Hemmi frændi hleypur á tug má alltaf vænta þess að minnsta mögulega orka fór í gerð þáttarins enda eru Hemmarnir að þessu sinni bara að tuða við hvorn annan um allt og ekkert að venju. Bjarni fær vinnu hjá Reykjavíkurborg og getur ekki haldið kjafti á meðan Einar hefur voða lítið að segja.

60 - Hemmi sextugur

Þegar Hemmi frændi hleypur á tug má alltaf vænta þess að minnsta mögulega orka fór í gerð þáttarins enda eru Hemmarnir að þessu sinni bara að tuða við hvorn annan um allt og ekkert að venju. Bjarni fær vinnu hjá Reykjavíkurborg og getur ekki haldið kjafti á meðan Einar hefur voðalega lítið að segja.

Hún er að læra lögfræði, gefa út bók og tónlist með hægri hendinni á meðan hún tekur á móti verðlaunum og berst fyrir réttlátara samfélagi með vinstri hendinni. Svo situr þú og tuðar af því þér finnst árið 2020 vera aflýst. Sólborg Guðbrandsdóttir fórnaði smá tíma úr lífi sínu til að koma í létt spjall og heiðraði Hemma frænda með nærveru sinni.

59 - Hemmi spjallar við Sólborgu

Isaac Jameson er gestur Hemma frænda að þessu sinni og ræðir hann m.a. hvernig tónlistin hefur hjálpað honum í gegnum erfiðleika lífsins. Síðasta föstudag gaf hann út sína fyrstu hljómplötu á Spotify: Forest, undir sínu nafni þar sem hann spreytir guðdómlega söngrödd sína og fagran gítarleik.

58 - Hemmi hlustar á Isaac

Hefur þú áhuga á bulli og vitleysu? Hemmi frændi býður upp á grín og gys, spjall um allt milli himins og jarðar, og gesti sem vita hluti. Er hægt að biðja um meira? Erum einnig á Spotify, iTunes, Youtube, Instagram og Twitter

hubhopper

Hemmi frændi

hubhopper