Mit Plan A,B,C und D und 3 Weisheitszähnweniger, si Lara und Sara back. Sie wei mitem sogenannte Outosarg usem 2020 abhoue. D Sara isch während de ganze Episode am Zeichne und das ghört me oh, mau wieder extremi Profis am Wärk! Exet schnäu 3Liter Bier, so wies d Lara empfiut fürs 2021, gniessets. 

Hopfeblüetetee

14. OUTOSARG

Die zwöi unluschtigschte Siechine vor Schwiz si zrüg (oh ohni Wisheit vor Lara). Im Läbensupdate regt säch d'Sara scho zerschte mau uf, auso chas nume guet wärdä. Es wird über Kunscht und Künschtler diskutiert, aber zum ne gnaue Schluss chömme die Zwöi nid. Wie scho ir letschte Foug sie das mau wieder aui Rubrikene vrträte plus no ä nöi obe druf und zwar d'Beleidigung vom Tag. Schnappet näch ä guete Schluck Hopfe und loset dri. Ah und nid vrgässä, göht gah Abstimme am 29. Novämber.

13. CHURZI EPISODE, WO IRGENDWIE LÄNG ISCH

Nachere längere Ruhephase sie die zwöi grösste Vouidiote vor ganze Schwiz wieder zrüg. Langsam erkenne mer es paar Muster...guet, viu gits nid zsäge, gredet wird wieder über Politik. Es haubs Wunder isch o passiert...de Duschgedanke und de Witz des Tages zämä i eire Foug. Sara rastet etlichi mau wieder us und d Lara chunnt diesmau sogar zu Wort. Zapfet euch chli Miuch ab de Brust und let's go. 

12.MÄNNERMIUCH

I dere Episode rede mer über sexuelli Belästigunge a Froue aber o angeri Sache, wo Männer mache, wo de Froue z Läbä erschwäre. Uf Instagram heimer e Ufruef gmacht gha und Gschichtene womer becho hei, düemer hie diskutiere. Isch nüt für schwachi Närve, mir si beidi etlechi mau fasch usgrastet. Danke a aui Froue wo ihri Story mit üs teilt hei, blibet stark, mir liebe euch. 

11. FROUE HEI Z WORT

D Sara isch zrüg, was ein Wunder...da sie lang nüm zu Wort cho isch, het sie hüt grosse Sprächbedarf gha und o es paar intressanti Themene. Wäutchartene, Feminismus und Pädophilie, was fürnes Trio. De Witz des Tages diesmau säuber komponiert, chasch di freue. Beidi si die ganz Zyt am ässä und am schlürfe, viu Spass mit ASMR. Flöss der chli Hopfe ine und gniesses, Prost!

10. SARAS SPRECHSTUNDE

D'Sara isch z'depressiv fürne Foug ufznähm, us däm Grund het sie ds dr Lara überlah. D'Lara het die Chance gnützt fürne churzi, unnötigi Quizshow. Sie het näbschte Fründe oh ihrem Vater ahglüte. Schnapp dr es Bier und los dri wenn de wüsse wosch wies glofe isch.

9.LARAS SOLO

Well well well long time no see! Die Episode isch vor 2 Wuche ufgno worde, sorry für dä. Es git wieder mau nume chli trash-talk über d Madame Rona, Memes und augemein über üsi Generation. D'Sara schiesst irgendwie während de ganze Episode z Mikrophon dür z Zimmer...wie gseit unprofessionell. Gönnet euch es Bier und gniessets, Prost. 

8. MEMES UND GEN Z

It's corona time! ( tb zude erste Episode, wo d Sara Corona düre Dräck zoge het). Mir hocke beidi iz für 7 Wuche ire "Fasch-Quarantäne"und aus ob d Medie nid scho gnue übere Virus rede, gäbe mir iz ohno üse Sänf dezue. Mir rege üs mau wieder über huere viu Sache uf aber hey, wär hätts dänkt, diesmau wird sogar omau über Positives gredet! D Titanic isch leider grad bi beidne wieder am sinke, aber was chame mache, oder? Faus du oh i Quarantäne bisch, schrib es E-Mail, de chöimer chli ploudere. 

7. ABWARTE UND BIER TRINKE

Nach faschemne Monet Pouse simer zrüg. Sorry für dä. Mir brichte live us Paris und genau wäg däm, cha d Sara ke Dütsch me. Ke Satz, wo us ihre usechunnt, isch korrekt. D'Lüftig im Hotelzimmer heimer oh nid usgaschaute, passiert. Loset zue, wiemer wie zwöi Griesgrämer über d Gseuschaft rede und wie truurig es isch, dass d Wichtigkeit vor Kunst immer meh abnimmt. Santé, ufe Ludiwg! 

6. ZWÖI IDIOTE I PARIS

I dr hütige jubiläums Foug (lol) rede mer über d'Zyt im Wallis. Usserdäm wird der Zautag vor Sara's Seele churz erwähnt. D'Lara fragt sech bim hütige Duschgedanke, ob d Seele e begränzti Zyt het? Wenn mau sie keni Problem bim Rede het, hets defür d Sara, sie redet hüt nämlech wie die neue Kampfjets (göt z Referendum go unterschriebe).

2. KRÜKEMÜNZ FÜRNE GRUSIGE TEE

Hüt erwartet öich ä grossi Portion Schnoderbombe für öi Ohre. Dr Gölä isch ä gaz linggi Sach ;) und de Coronavirus isch nume Promo für z Bier. 

5. BÜEZER WIIBER

Letschti Wuche isch für beidi Payasse, wo dä Podcast füehre, schlimm gsi, hei sech fasch uf z Gleis la tröuele. Tampons, wo i Hochprozäntigem si tünklet worde, wärde de Sara's Mitteli gäge chronisches Sech-Scheisse-Füehle. D Lara wanderet uf Norwege us und versuecht de Kommunismus z etabliere. Gniessets!

4. MIT ACETON ZUM UNSTÄRBLECHE

Alle guten Dinge sind drei und wir sind zwei. Mit däm wunderschöne Satz begrüesse mir öich zrüg. Planet isch gsi, ds mer hüt über Tattoos rede, leider si nume knapp 5' drus worde aber ja. Defür heimer anderi spannendi Theme agsproche, wie die zwöi Damene, wo üs ke Platz hei wöue gä, da isch üs fasch z Chotze cho (wie am Anton). De Duschgedanke hüt het üs us de Sogge ghoue. RIP zu Queen ( viellch o eifach nid man).

3. MIT 66GI FAHT Z LÄBÄ AH

Zwöi Trottle versueche über d Digitalisierig z rede, derbi schisse sie sech fasch id Hose. Usserdem rede sie über d Abschaffig vom Ebolazug und wie lit es momentan z Australie isch. Mir entschuldige üs vorab, dass d Lara so umeschreit, bzw. sone luti Stimm het. Trotz auem wünsche mir euch aune viu Vergnüege, so viu Vergnüege, wie de Cassis het gha, woner vo Bärn uf Züri gfloge isch, auso Stösschen!

1. D FLUCHT VOR DIGITALISIERIG

Mir si zwöi komischi Mönsche, wo gärn über üsi schäbige aber mängisch lustige Läbe ploudere. Wenn de ab und zue bizeli Unterhautig bruchsch und nid weisch, was mache, denn los doch ine! Mir si absolut NID professionell und ernähre üs nume vo Tee und Bier, sprich viu Schlaus chunt nid us üs use. Ab und zue aber viellech doch. Finds use! (E-mail: hopfebluetetee_podcast@yahoo.com)

hubhopper

Hopfeblüetetee

hubhopper