Huldufólk fullveldisins

Þáttur 10 af 10

Þáttur 9 af 10

Dýrfinna Sigurjónsdóttir ljósmóðir er huldukona 8. þáttar. Hún starfaði sem ljósmóðir í Reykjavík í rúm 50 ár og á áttunda og níunda áratugnum var Dýrfinna nánast eina ljósmóðirin sem tók á móti börnum hjá konum sem vildu fæða heima. Lesið er út bókinni Lausnarsteinar - ljósmóðurfræði og ljósmóðurlist og að auki vitnað í Morgunblaðsgreinar. Viðmælendur eru Dýrfinna Sigurjónsdóttir ljósmóðir og Ólöf Ásta Ólafsdóttir prófessor í ljósmóðurfræðum við Háskóla Íslands.

Dýrfinna Sigurjónsdóttir ljósmóðir

Huldumaður næsta þáttar er Halldór Vilhjálmsson skólastóri á Hvanneyri. Halldór var fræðimaður og frumkvöðull og hafði gríðarleg áhrif á búskaparhætti hér á landi. Hann var skólastjóri Bændaskólans á Hvanneyri í tæp 30 ár og átti sér þann draum stærstan að til yrði menntuð bændastétt hér á landi og vildi að þeir sem sunduðu nám á Hvanneyri yrðu sómi sinnar sveitar. Bjarni Guðmundsson Professor emeritus við Landbúnaðarháskólann á Hvanneyri segir frá Halldóri í þættinum en hann skrifaði ævisögu Halldórs. Ævisagan heitir heitir Halldór á Hvanneyri - sagar fræðara og frumkvöðuls í landbúnaði á tuttugustu öld og í þættinum eru lesnir stuttir kaflar úr henni.

Halldór Vilhjálmsson skólastjóri

Huldumaður þessa þáttar er Sigursveinn D. Kristinsson skólatjóri og tónskáld. Það eru bræðurnir Sigursveinn Magnússon fv skólastjóri og Örn Magnússon píanóleikari sem segja frá móðurbróður sínum. Í þættinum eru leikin tvö lög eftir Sigursvein; Fylgd sem hann samdi við ljóð Guðmundar Böðvarssonar. Sigrún V. Gestsdóttir syngur einsöng og Brynja Guttormsdóttir leikur undir á píanó. Hitt lagið er Fyrsti maí sem var samið við ljóð Jóhannesar úr Kötlum, flutt af Maíkórnum - stjórnandi Sigursveinn Magnússon. Að auki leikur Örn Magnússon eitt lag á píanó, Burlesca eftir Pál Ísólfsson.

Sigursveinn D. Kristinsson

Huldumaður þessa þáttar er Benóný Ásgrímsson fyrrverandi yfirflugstjóri hjá Landhelgisgæslunni. Hann bjargaði mörgum mannslífum á ferli sínum og það er honum og þremur félögum hans að þakka við eigum þyrlusveit í dag. Einnig er talað við Ásgeir Erlendsson upplýsingafulltrúa Landhelgisgæslunnar í þættinum. Að auki eru notaðir gamlir fréttabútar úr safni Rúv og lagið sem heyrist í þættinum heitir La salle et la terrasse og er flutt af Charles Aznavour.

Benóný Ásgrímsson

Anna Þórarinsdóttir sjúkraþjálfari er huldukona þessa þáttar. Anna var fyrst Íslendinga til að starfa með börnum, bæði greindarskertum og hreyfihömluðum og hafði djúp áhrif á þá sem henni kynntust. Viðmælendur í þættinum eru: Dr. Dóra S. Bjarnason móðir Benedikts sem var einn þeirra sem Anna þjálfaði með einstökum árangri. Sigurður Valgeirsson tengdasonur Önnu Ástríður Stefánsdóttir dóttir Önnu Friðrik Sigurðsson fv. framkvæmdastjóri Þroskahjálpar -Auk þess er spilaður smá bútur úr skólaverkefni sem Hrefna Sigurðardóttir barnabarn Önnu vann ásamt Söru Hjördísi skólasystur sinni en þær fóru og tóku viðtal við Önnu upp á gamalt kasettutæki. Tónlist: Í dag skein sól - flytjendur Brjánn Ingason og Anna Guðný Guðmundsdóttir Venus as a boy - Björk Ást - Ragnheiður Gröndal ( en Ragnheiður var ein af þeim ungu tónlistarkonunum sem Anna hafði miklar mætur á)

Anna Þórarinsdóttir

Ewald Berndsen sem fleiri þekktu undir nafninu Lilli Berndsen er huldumaður þessa þáttar. Tómas Agnar Tómsson iðnrekandi og vinur hans lýsti honum með eftirfarandi orðum í minningargrein í Morgunblaðinu. "Gælunafnið eitt sér var þversögn; maðurinn var mikill á velli, vel byggður og hafði svo sterka návist að jafnvel í þéttsetnum sal var sem hann sæti þar einn ­ og þagði þó oftast utan á hann væri yrt; fæddur heimsmaður og hvergi lítill. Lífshlaupið var eins og tónverk í abstraksjón; skalinn sprengdur upp og niður ­ öllu kerfi gefið langt nef. Íslandsmeistari í knattspyrnu, ungur með félögum sínum; golfmeistari Íslands á sínum tíma; bridsmeistari litlu síðar; ryksuga á listir og menningu alla, efnaður athafnamaður með bjarta framtíð og fríða fjölskyldu sér við hlið ­ og rennir sér svo fullur á rassinum niður í ystu myrkur mannlegrar óhamingju: utangarðsmaður, King of the Road." En svo hætti Lilli að drekka og helgaði líf sitt því að hjálpa öðrum sem glímdu eins og hann við áfengisvanda. Í þessum þætti segir Tómas Agnar frá Lilla vini sínum og einnig eru spilaðir bútar úr þætti Jónasar Jónassonar, Mesta mein aldarinnar frá 1977 þar sem Jónas ræddi við Ewald.

Ewald Berndsen

Huldukona þessa þáttar er Barbara Stanzeit meinatæknir, leiðsögumaður og náttúrunnandi. Barbara kom hingað til lands fyrir hálfgerða tilviljun og leist ekki meira en svo á til að byrja með. En svo kom vorið eins og hún segir sjálf og þá varð ekki aftur snúið. Hún féll fyrir landi og þjóð og svo fór að hún settist hér að. Hún var ein af stofendum Skógræktarfélags Garðabæjar og þeir sem leggja leið sína í skóginn sem vaxið hefur upp í Smalaholtinu og fleiri holtum Garðabæjar eiga hann fólki eins og Barböru að þakka. Í þættinum segir Barbara sögu sína; hvernig var að alast upp í þriðja ríki Hitlers, hvernig var að vera flóttamaður í eigin lífi og lífinu á Íslandi. Einnig er talað við Jónatan Garðarsson formann Skógræktarfélags Íslands um ómetanlegt framlag áhugafólks til skógræktar, fólks eins og Barböru sem sinnir skógrækt af alúð og ástríðu.

Barbara Stanzeit

Fjallað um Aðalheiði Hólm Spans, frá Eysteinseyri við Tálknafjörð. Sólveig Þorbergsdóttir listakona og kennari, Jakobína Hólm systurdóttir hennar, Jón Kristinsson arkitekt og Þorvaldur Kristinsson rithöfundur segja frá henni. Umsjón: Margrét Blöndal.

Aðalheiður Hólm Spans

Sagt er frá tíu Íslendingum sem hafa allir, hver á sinn hátt gert líf samborgara sinna betra og auðugra, án þess endilega að hafa verið hampað sérstaklega fyrir framlag sitt. Umsjón: Margrét Blöndal.

hubhopper

Huldufólk fullveldisins

hubhopper