Hyggjuráðið

Studio71 - 5 dokumentarar

Studio71 - 5 feitir filmar

Hey øll somul :-)  Studio71 er ein heimasending hjá Hyggjuráðnum, har Pætur fer at viðmæla og ummæla okkurt gott sóttarundirhald til øll tykkum har heima á sofuni.  1. sending snýr seg um 5 viðmæli til eina góða sendirøð at hugna sær við. Talan er um "Dark", "Fargo", "BoJack Horseman", "Westworld" og "The Young Pope".   

Studio71 - 5 sendirøðir

Jane Austin er aftur og aftur tillagað til film, hesaferð er tað skaldsøgan “Emma”, sum er gjørd til film við sama heiti, og Anya Taylor-Joy spælir høvuðsleiklutin sum Emma. Síðani hava vit aftur eina Stephen King tillaging, í hesum føri “The Outsider”, ein sendirøð í tíggju pørtum, ið byggir á bókina við sama heiti eftir Horror-konginum sjálvum. Og síðst hava vit donsku spennings-drama sendirøðina “Når støvet har lagt sig”, ið tekur støði í lagnunum hjá átta fólkum áðrenn og aftaná eitt yvirgangsálop í Keypmannahavn.

Guy Ritchie vendir aftur til "cockney gangster" røturnar við krimi-skemtifilminum "The Gentlemen" við Matthew McConaughey í høvuðsleiklutinum.  Jim Carrey spælir ein barnasjónvarpsvertur í sorgarfullu og skemtiligu sendirøðini "Kidding" á HBO. At enda ummæla vit "The Invisible Man", ein nýggj tulking av skaldsøguni hjá H.G. Wells, har Elisabeth Moss spælir høvuðsleiklutin.   

Depotið 01

Hesaferð ummæla vit tveir amerikanskar spælifilmar, "The Call of the Wild" og "Bombshell", og ein Oscar-vinnara, dokumentarfilmin "American Factory".  "The Call of the Wild" er ein nýggj tulking av klassisku søguni hjá Jack London við Harrison Ford í høvuðsleiklutinum. "Bombshell" er ein samtíðarsøguligur drama filmur, sum snýr seg um "me too" rákið.  Síðani eru vit flugan á vegginum í eini kinesiskari bilarútaverksmiðju í Ohio, USA, í dokumentarfilminum “American Factory”. 

Geytavirðislønirnar vórðu handaðar seinasta leygarkvøld, tá Geytin 2020 var í Norðurlandahúsinum. Átta føroyskir stuttfilmar vóru tilnevndir, og teir vórðu allir vístir leygarkvøldið.  Tað var eksistentialistiski barna-stuttfilmurin "Hví eru vit her?" hjá Búa Dam og Dánjali á Neystabø, ið vann Geytan. Skerpiwestern stuttfilmurin "Trøllabeiggi" hjá Gudmundi Helmsdal vann áskoðaravirðislønina.  Gunnvá Zachiariasen, sjónleikari og Hermann Eliassen, miðlafrøðingur, vóru við leygarkvøldið. Tey ummæla vinnarar og hinar tilnevndu filmarnar í Hyggjuráðnum. 

The Academy Awards vera fyri 92. ferð sunnukvøldið 9. februar í Los Angeles, USA. 24 Oscar virðislønir skulu handast.  Tiltakið sjálvt byrjar umleið kl. 23.30 sunnukvøldið, og Oscars handanin er so kl. 01.00.  Níggju filmar eru tilnevndir til besta film. Teir eru: "Ford vs Ferrari", "The Irishman", "Jojo Rabbit", "Joker", "Little Women", "Marriage Story", "1917", "Once Upon a Time in Hollywood" og "Parasite".  Í Hyggjuráðnum hesaferð tosa vit um filmarnar, sum eru tilnevndir.

Vit ummæla dramafilmin “Just Mercy”, har Jamie Foxx, Michael B. Jordan og Brie Larson spæla høvuðsleiklutirnar. Síðani fara vit aftur at vitja Larry og tey í klassisku skemti-sendirøðini "Curb Your Enthusiasm". 10. sesongini í røðini er júst komin út. At enda ummæla vit bergtakandi og nærverandi dokumentarfilmin, “Krigsfotografen”, sum snýr seg um danska stjørnufotografin, Jan Grarup. 

Vit ummæla virðislønta, føroyska stuttfilmin "Ikki illa meint" eftir Andrias Høgenni. Síðani ummæla vit tveir filmar við sera kendum sjónleikarum. "Bad Boys For Life", sum er ein ferð aftur á gamlar, kendar gøtur frá 90unum. Og so ummæla vit ævisøgufilmin "Dolomite Is My Name" við Eddie Murphy í høvuðsleiklutinum.   

Vit fara tvær ferðir aftur til annan veraldarbardaga. Bæði í siðvanda, danska familju-drama filminum “De forbandede år”, og í svarta skemtifilminum JoJo Rabbit. Eisini hyggja vit eftir eini endurtulking av Dracula søguni í Netflix sendirøðini “Dracula”. 

Í ársins fyrstu sending verða vit slongd inn í eina sterka og stórfingna krígsfrásøgn í filminum “1917”. Eisini eru true-crime dokumentar sendirøðini “Don’t F**k With Cats” og ævisøgufilmurin “Two Popes” á skránni.

Í Hyggjuráðnum hesaferð ummæla vit filmarnar Frozen 2, Marriage Story og Star Wars: The Rise of Skywalker

Hyggjuráðið 05

Hyggjuráðið á skíggjan! Hyggjuráðið er nýggj ummælarasending í sjónvarpinum, har alskyns livandi myndir verða lagdar undir sjóneyku. Hyggjuráðið ummælir filmar, sendirøðir, dokumentarar, stuttfilmar og mangt annað gott – bæði føroyskt og útlendskt. Ummælaramanningin verður væl blandað bomm av filmglaðum og kønum fólki, ið kína og kritisera aktuellar livandi myndir saman við vertinum, Pæturi Marjunarson Dahl. Hyggjuráðið gevur hyggjuráð at hyggja eftir!

hubhopper

Hyggjuráðið

hubhopper