Follow us on Instagram - https://www.instagram.com/kalkikahaniyan?igsh=MWx3bTZsZjk4bXk2ZQ== Log kehte hain Spiti ki Chandrataal jheel mein poore chaand ki raat ko pariyan utarti hain... To phir isse achhi koi kahani ho sakti hai Kal Ki Kahaniyan ke pehle season ke aakhiri episode ke liye? To janna hai ki kya hota hai jab Hanse gaon ke Neema ko poore chaand ki aadhi raat ko apna naam ek meethi aawaaz mein sunai deta hai? Aur kaha pahunchta hai Neema jo us meethi aawaaz ki summohan mein gum bus chala jaata hai... To jaldi se Lauhaul-Spiti se ud ke pohochi kahani, Chandrataal Ki Pari sun daaliye! Bataiyega zaroor, ki kaisi lagi kahani? Aur baaki kahaniyan bhi zaroor suniyega... Folk kahaniyon ka jaadu rukna nahin chahiye!

Kal Ki Kahaniyan with Ashtam Neelkanth

Episode 17 - Chandrataal Ki Pari (A Lahaul-Spiti Folk Story)

Follow Kal Ki Kahaniyan on Instagram on https://instagram.com/kalkikahaniyan?igshid=MzMyNGUyNmU2YQ== Prem kahaniyan to aapne bohot suni hongi... par is baar hum laye hain Sikkim ki pahadiyon se Lepcha tribe ke folk kahani ke khazane se dhoondh ke - Do Nadiyon Ki Prem Kahani! Kehne waale kehte hain ki wo prem kahani hi kya jo poori ho jaye... par kya do nadiyon ki kahani bhi adhoori hi reh gayi? To janna hai ki kyu bhaag gayi Rongnyu Rongeet ke saath... Aur kyu Rongeet ke pagalpaan mein laa di poore sikkim mein baadh... To poori kahani jald sunen... Kahani sun ke bataiyega ki kaisi lagi. Podcast to aapne follow kar hi liya hoga... lage haath rate bhi kar dijiyega!

Episode 16 - Do Nadiyon Ki Prem Kahani (A Lepcha Tribe Folk Story)

Follow us on Instagram - https://instagram.com/kalkikahaniyan?igshid=MzMyNGUyNmU2YQ== Hindustan Ke Hansod mini-series ke aakhiri episode mein aap se milne aaye hain... Kunhayan Musaliyar! Ya yun kahen ki Malabar ke Birbal! Birbal ka to nahin pata... par Kunhayan ke Kottayam ke Raja se milne ki kahani bhi Kunhayan ke baaki qisson ki tarah mazedaar hai. Kunhayan ki salah pe Raja ke mantri ne raja ki biwi ko kar liya agwa... aur kuch dinon ke baad bulawa aaya Kunhayan ko Raja se milne ka. Ab Kunhayan ko kaato to khoon nahi! Kya hua uske baad... janna hai to sun daaliye kahani! Podcast to follow kar hi liya hoga aapne... jhat se rate bhi kar daaliye!

Episode 15 - Kunhayan Ke Qisse (Comic from Malabar)

Follow us on Instagram too on https://instagram.com/kalkikahaniyan?igshid=MzMyNGUyNmU2YQ== Mulla Nasruddin, naam to suna hoga, par kahani suni kya? Bharat ke folk comics pe aadhaarit mini-series Hindustan Ke Hansod mein pesh hai Mulla Nasruddin ke Qisse! Ek aisa hansod, jise Turkey se le ke Cheen tak apna maante hain, to India ke bhi peechhe rahe? To janna hai ki koun tha wo jaana hua ajnabi jo aaya Nasruddin ke paas? Are wahi jaana ajnabi jise aap chahre se to jaante ho par naam kahan yaadon ki galiyon mein kho gaya hai... Kya hua jab mila ye purana yaar? Kyu ajeeb tha usse milna? Aur kya laaya wo tohfa jiska chukaya Nasrudding ne jamaane waali sardiyon tak chukaya qarza?Aur kyu nahi aata ab Nasruddin ke yaha bin bulaya mehmaan? To sun daaliye episode aur bataiye ki kaisa lagi kahani? Podcast ko follow karna aur rate karna mat bhooliyega!

Episode 14 - Mulla Nasruddin Ke Qisse (Comic from Asia)

Follow Kal Ki Kahaniyan on Instagram - https://instagram.com/kalkikahaniyan?igshid=MzMyNGUyNmU2YQ== Bhartiye folk comics pe aadhaarit mini series, Hindustan Ke Hansod mein aaj aapse milne aaye hain Mithila se... Gonu Jha! Ek aise vidooshak (jester) jinhone darbaariyon ka hi nahin, aam logon ka dil bhi behlaya. Yahan tak ki bhagwaan... haan! Bhagwanon ko bhi naako tale chane chabwa diye. Kaise? Ye janne ke liye to poori kahani sunni hogi. Khud suniye, saathiyo ko sunaiye aur bachhon ko to zaroor sunaiye! Podcast to aapne follow kia hi hoga, lage haath rank bhi kar dijiye!

Episode 13 - Gonu Jha Ke Qisse (Comic from Bihar)

Follow us on Instagram at - https://instagram.com/kalkikahaniyan?igshid=MzMyNGUyNmU2YQ== Bhaarat ke folk comics par aaadharit mini series, Hindustan Ke Hansod mein is baar aapko kabhi apni bevqoofiyon aur kabhi apni chaturai se gudgudaane aaye hain Sheikh Chilli! To hua yun ki har Hindustani ghar ki tarah Sheikh Chilli ko bhi dhoondhni padi naukri kyunki bina naukri ke nahi hone waali thi shaadi. Badi mushqil se naukri mili qaazi saahab ke yaha par ek ajeeb shart ke saath - naukri chhod ke gaye to kaan bhi chhod ke jaana hoga. Uske baad kya hua... ye jannne ke liye to aapko poori kahani sunni hogi! To jaldi se play ka button dabaiye aur shuru ho jaiye! Kahani pasand aaye to saathiyon ke saath share kijiye aur bachhon ko to zaroor sunaiye. Podcast to aapne follow kar hi liya hoga, lage haath rate bhi kar dijiyega.

Episode 12 - Sheikh Chilli Ke Qisse (Comic from Haryana)

Our Instagram account - https://instagram.com/kalkikahaniyan?igshid=MzMyNGUyNmU2YQ== 10 epsiode poore hone ki khushi mein, pesh hai aap sub ke saamne - HINDUSTAN KE HANSOD, folk India ke maskharon aur vidooshakon ko samarpit ek mini-series. Aur aaj is mini series ke pehle episode mein pesh hai - Gopal Bhar/Bhand. Krishnanagar ke Raja Krishnachandra ke darbaar ke vidushak, jinhone poore Bengal ko apni chutarai se gudgudaya. To agar janna hai ki kya hua jab Raja Krishnachandra ko Bengal mein reh ke ho gayi hilsa machhli se nafrat aur kaise poore nagar ko hansaate huye Gopal Bhand ne door ki ye shiqayat, to jaldi episode sun daaliye! Sun ke bataiyega zaroor ki kahani kaisi lagi? Sathiyon se bhi zaroor share kijiyega! Baaki podcast to aapne follow kia hi hoga, lage haath rate bhi kar dijiyega!

Episode 11 - Gopal Bhar/Bhand Ke Qisse (Comic from Bengal)

Is baar hum aapke liye le ke aaye hain Uttarakhand ke folk ke pedon se ek kahani tod ke, wo bhi kauvon ke baare mein. Kauvon ko duniya mein lagbhag har jagah apshagun maana jaata hai... Ye jaante huye bhi raani ka dil kyu nahi dehla jub usne dekha us kaale kauve ko mehel ki khidki pe baith ke ek tak nannhe Ghughuti kumar ko ghoorte huye? Wo bhi tab jab nannha Ghughuti itni minniton aur duaon ke baad paida hua tha? Ek din jab raani naha ke aayi to dekha ki Ghughuti apne bistar pe nahin tha... Iske aage janne ke liye to kahani sunni hogi! To khud bhi suniye aur saathiyon ko bhi sunaiye! Podcast rate bhi kijiye aur follow bhi kar jaiye!

Episode 10 - Kauvon Ka Jashn (An Uttarakhandi Folk Story)

Folk kahaniyan aqsar kuch aise sawaalon ke javaab dhoondhti nazar aati hai jo insaan ko mil nahin paaye... Vaisa hi hamari is baar ki kahani kar rhi hai jo aayi hai hum se milne especially Manipur se! To koun hai ye sawaal? Kyu bulaate hain Bhagwaan Soraren (sabe bade Manipuri Bhagwaan) sub jeevon ko ek saath? Aur kya hota hai jub insaan sota reh jaata hai? Aise sawaalon ka javaab janna hai to kahani to sunni hi hogi! Sun ke zaroor bataiyega ki kahani kaisi lagi, saathiyon ke saath baantiyega aur podcast to aapne follow kar hi liya hoga, hai na?

Episode 9 - ...Aur Insaan Sota Reh Gaya! (A Manipuri Folk Story)

Punjab! Desh ka ek aisa hissa jisne khoon kharaba dekha to behisaab dekha... aur mohabbat dekhi to uske bhi paar dekhi! Is baar Kal Ki Kahaniyan mein hum le ke aaye hain usi Punjab ke mohabbat ke qisson ki zameen se ek phool tod kar. Sassi-Punnu ke ishq ka phool! Ummeed hai is phool ki khushboo se aapki zindagi sarabor ho jayegi! Bataiyega zaroor ki kahani kaisi lagi aur saathiyon ke saath share bhi kijiye is mohabbat ke anmol tohfe ko!

Episode 8 - Sassi - Punnu (A Punjabi Folk Love Story)

To is baar jo kahani aap se milne aayi hai... wo hai ek halki phulki comedy kahani... jo chal ke aayi hai Bihar ki folk ki duniya se! To janna hai ki kaise ek bhole bhaale pandatji bus bhagwaan ko paane ke liye pad jaate hain chori ke chakkar mein...? Kaise badalti hai unki duniya is chakkar mein...? Aur aakhirkaar unhen bhagwan milte hain ki nahin...? To sochna kya... play ka button dabaiye aur shuru ho jaiye!

Episode 7 - Chori Milaye Bhagwan (A Bihari Folk Comedy)

 To aaj, 6th episode mein milne aa rahi aapse ek kahani sudoor dakshin, Tamilnadu se! Wo bhi ek ajab savaal ka javaab le ke - Kaise Aayi Kaveri? Ya yun kahen ki kaise aayi Dakshin Ki Ganga? To agar janna hai ki kya hua jab Vindhya parvat ne kar diya aadhi duniya mein andhera? Kisne banayi Tamil bhasha? Aur kya hua aisa ki Indra ko karna pada bhagwaan Palliyar ko yaad? To play ka button dabaiye... aur kho jaiye! Podcast follow karna aur saathiyon ko saath share karna mat bhooliyega! Aur rate karna to aap kaise hi bhoologe, hai na? 

Episode 6 - Kaise Aayi Kaveri? (A Tamil Legend)

Ek ladki jiske the sone ke baal... pehle bhi suna hai na kabhi? Disney ki Rapunzel waali kahani mein? To aaj milte hain Marwar ki Rapunzel se... Ya phir wo thi west ki Sonal Bai? Ye to aap sun ke bataiye. Is kahani mein aap sunenge chhandon (verses) mein baaten... Jo ki kai folk kahaniyon ko batane ka ek bhaartiya tareeeka! To suniye aur bataiye ki kaisi lagi ye Marwari kahani? 

Episode 5 - Sonal Bai (Verse Based Marwari Folk Story)

Is baar jo kahaani aapse milne aayi hai wo aa rahi hai Bengal ke ek chhote se gaanv se. Ye kahani aapka manoranjan hi nahi karegi, magar aapko hansaane ki bhi poori koshish. To agar janna hai ki kya hota hai jub ek self obsessed (aatm-mugdh) nithalla naai nikal pakadta hai apni maan se padi jhaadi ko dil pe le ke... to kya hota hai... to zaroor suniye, Self Obsessed Naaiz! Aur haan! Hansi aayi ya nahin aayi, batana zaroor!

Episode 4 - Self Obsessed Naai (A Bengali Folk Comedy)

Insaan ko jab savaalon ke javaab nahi mile, usne waha kahani bana di! Aisa hi ek savaal tha - Ye duniya kaise bani? Isi savaal ki khoj ko khaniyon ki duniya mein dhoondhte huye, sirf aapke liye is baar aa rahi hai, North East ki pahadiyon se udte huye ek kahani... To kaisi bani duniya, ye batayegi aaj hamen Khasi ki pahadiyon se aayi... Khasi tribe ki kahani. To taiyaar hain, Khasi ki vaadiyon mein ghoomne ke liye?

Episode 3 - Duniya Banne Ki Kahani - II (A Khasi Tribe Folk Story)

Kisi ne khoob kaha hai, kahaniyan naa rahen to hum jeevan mein vaise hi bhatak jayenge jaisi ki jungle mein bina raaston ke. Isiliye, kuch purani kahaniyon ki nayi khoj ke saath aaya hai - Kal Ki Kahaniyan with Ashtam Neelkanth. Ek aisa podcast jahan aap sunenge desh ke alag alag konon se dhoondh ke laayi gayin, alag alag bhashaon mein chhipi FOLK(lok) KAHANIYAN. Wo bhi apni HINDI bhasha mein. Naya Episode - Har FRIDAY! Khud sunen, bacchon ko sunaayen, ya presentation mein chamkayen - bedhadak! Kyunki ye kahaniyan hain, hum sub ki kahaniyan.

hubhopper

Kal Ki Kahaniyan with Ashtam Neelkanth

hubhopper