Patuloy na bumubuti ang ugnayan sa pagitan ng Pilipinas at Tsina. Pero hindi pa rin nawawala ang ang ilang mga problema at hamon. Sa ikalawang bahagi ng interview ni Mac Ramos kay Ambassador Jose Santiago Sta. Romana, natatanaw na bang silver lining sa mga usaping pinagtatalunan ng dalawang bansa? Ano ang mga mahahalagang bungang natamo sa 2019 at ano naman ang prospects ng bilateral ties ng dalawang bansa sa taong 2020? Lahat ng mga ito sa programang Mga Pinoy sa Tsina.

Kape’t Tsaa

Ambassador Jose Santiago Sta. Romana: Balik-tanaw 2019 at pagtaya sa Relasyong Pilipino-Sino sa 2020

Para sa New Year&#39;s special ng Mga Pinoy sa Tsina, aming panauhin ay walang iba, kundi ang ating Mahal na Embahador, Jose Santiago Sta. Romana. Kanyang ibinahagi ang dapat asahan sa darating na 2020, lalo&#39;t ipagdiriwang ng ika-45 taong anibersaryo ng pagkakatatag ng relasyong Pilipino-Sino. Bukod dito, lumalaki na rin ang bilang ng mga Pilipino sa Tsina. Nagbigay rin ng update si Ambassador Sta. Romana hinggil sa pagtatrabaho ng 2000 mga gurong Pilipino Sa Tsina. Iginiit din niya na sa ngayon, walang anumang labor agreement ang nararating ng Pilipinas at Tsina hinggil sa pagbibigay trabaho sa mga domestic helpers. Pakinggan din sa programa ang pahayag ni Ambassador Sta. Romana tungkol sa mga nakabilanggong OFW sa Tsina.

Ambassador Jose Santiago Sta. Romana, tinalakay ng mga isyung may kinalaman sa OFW

Winter na sa Beijing pero sa kabila ng maginaw na panahon, ipinadama ng mga miyembro ng The Filipino Teachers (TFT) ang init ng pagkakaisa at diwa ng kapatiran sa pamamagitan ng Pasko Na Naman-A Christmas Dinner for a Cause.

The Filipino Teachers, inihandog ang Pasko Na Naman Charity Concert sa Beijing

Sa kauna-unahang pagkakataon, nakapanayam ni Mac Ramos ang Pangulo ng Xavier School na si Rev. Fr. Aristotle Dy. Kanyang ibinahagi ang panukat ng tagumpay sa kanilang programang Xavier China Experience at kung bakit ito itinuturing na "defining feature" ng  Xavier education. Ipinahayag din ni Fr. Ari na isang mainam na tulay ang Xavier China Experience ng masiglang pagpapalitan  ng mga Tsino at Pilipino. Ang buong interview ay mapapakinggan sa programang Mga Pinoy sa Tsina.

Rev. Fr. Aristotle Dy: Xavier China Experience

Panahon na ng Kapaskuhan. Sa Beijing, inilunsad kamakailan ang awiting Pasko. Original composition ito nina Juvy Leonore, Juren Mabulay at Kenny Leonore at available na online. Ang kanta ay handog nila sa lahat ng mga kababayan, lalo na yung malayo sa pamilya. Pakinggan ang Pasko at ang kwento sa likod ng kanta sa programang Mga Pinoy sa Tsina.

“Pasko” nina Juvy at JM1

Isa sa mga Pinoy delegates sa 4th China ASEAN Youth Summit si Marjorie Joy Olea. Kinatawan siya ng Beijing International Studies University. Bilang Masters student ng Tourism Management, nag-alok ito ng magandang pagkakataon para mapalawig ang kaalaman niya hinggil sa Tsina, kung saan may 2 taon na rin siyang naninirahan, at matutuhan ang importanteng mga usapin na kinakaharap ng kabataan mula sa mga bansang Southeast Asian. Sa episode na ito ng Mga Pinoy sa Tsina, napagkwentuhan din ang pagsali ni Marjorie Olea sa mga tourism promotion events ng Tsina at maging ng Kagawaran ng Turismo ng Pilipinas sa Beijing. Ito&#39;y mga karanasan na nakadagdag sa mga teorya ng turismo na natutunan niya sa loob ng unibersidad.

Marjorie Joy Olea: Pinoy Delegate sa 4th China ASEAN Youth Summit

Tubong Davao si Marjorie Joy Olea. Nang mabalitaang may alok na scholarship ang Tsina para sa mga kabataang Pinoy, sinubukan niyang mag-apply. Pinili ang kursong Master in Tourism Management at ngayon ay kasalukuyang nag-aaral sa Beijing International Studies University (BISU). Ang tsikahan sa episode na ito ng Mga Pinoy sa Tsina ay nakatuon sa bentahe ng pag-aaral sa Beijing. Ano ang competitive edge ng BISU sa ibang mga unibersidad sa ibang bansa? At higit sa lahat paano pinagyayaman nito ang kaalaman at kakayahan ni Marjorie Joy Olea sa larangan ng turismo.

Marjorie Joy Olea: Pinoy Scholar sa Beijing International Studies University

Public school teacher sa Cordillera si Jenny Marcos, pero nang alukin para magtrabaho sa Tsina 13 taon na ang nakalilipas, tiningnan niya ito bilang oportunidad na magpapabuti sa kalagayan ng kanyang pamilya. Sa Beijing, kasalukuyang librarian si Jenny Marcos sa Beanstalk International Bilingual School. Alamin ang life and work principles ni Jenny Marcos na susi sa kaniyang matagumpay na pamumuhay sa Beijing sa programang Mga Pinoy sa Tsina.

Jenny Marcos: higit isang dekadang pagtuturo sa Beanstalk International Bilingual School

Si Jenny Marcos ay full blooded Igorot. Itinatag niya kasama ng ilang mga kababayan ang grupong BIMPAAK. Kumakatawan ito sa mga Beijing based OFW na tubong Benguet, Ifugao, Mountain Province, Abra, Apayao at Kalinga. Isa sa kanilang adhikain ay itaguyod ang kapatiran at pagtutulungan. Ipinagmamalaki nila ang kanilang mga tradisyon, kaya habang nasa Tsina, ipinakikilala rin ng BIMPAAK ang kulturang Cordillera. Nagpaunlak si Jenny Marcos ng panayam sa programang Mga Pinoy sa Tsina. Pakinggan ang naging kwentuhan nila ni Mac Ramos tungkol sa mga aktibidad ng BIMPAAK.

Jenny Marcos: Grupo ng mga Igorot sa Tsina

Dekada 80 nang ipadala ng kanyang hotel sa Maynila si Ginoong Rodrigo Camposagrado. Isang taon lang ang usapan pero hindi niya inakalang aabot ng 3 dekada ang kanyang pamamalagi sa Beijing. Tanging Beijing lang, sa buong Tsina, ang kanyang lunsod na pinagtrabahuan at tinirahan. Bakit? Ito ang ikinuwento ni Mr. Roridgo Camposagrado, Food and Beverage Consultant ng Pan Pacific Hotel Beijing sa programang Mga Pinoy sa Tsina.

Rod Camposagrado at kaniyang 31 taong pamumuhay sa Beijing

31 taon sa Beijing, China. Saksi sa mga mahahalagang tagpo ng kasaysayan. Bahagi ng pag-unlad ng sektor ng hospitality sa bansa. Siya po ay walang iba kundi si Ginoong Rodrigo Camposagrado, Food and Beverage Consultant ng Pan Pacific Hotel Beijing. Sa episode ng Mga Pinoy sa Tsina kanyang ibinahagi ang mga pananaw sa galaw ng industriya kasabay ng mabilis na pag-unlad ng Tsina.

Rodrigo Camposagrado: Hospitality Industry ng Tsina pinulsuhan

Pakinggan ang ikalawang bahagi ng interview ni Mac Ramos kay Ms. Ana Abejuela, Agriculture Counsellor ng Pilipinas sa Tsina na nakatuon sa partisipasyon sa ikalawang CIIE at kung bakit ito mahalaga para sa mga produktong Pilipino. Laman din ng episode na ito ang pagbati ni Counsellor Abejuela sa Ika-70 Anibersaryo ng Pagkakatatag ng Republika ng Bayan ng Tsina.

Agriculture Counsellor Ana Abejuela: Inilahad ang mga paghahanda para sa CIIE

Panauhin sa episode na ito ng Mga Pinoy sa Tsina si  Ms. Ana Abejuela, Agriculture Counsellor ng Pilipinas sa Tsina. Laman ng interview ni Mac Ramos ang mga good news hinggil sa pagluluwas o exports ng Pilipinas ng mga produktong agrikultural sa pamilihan ng Tsina. Sa kasalukuyan hawak ng saging mula sa Pilipinas ang higit kalahati o 54% ng market share.  At patuloy ding tinatangkilik ng mga Tsino ang mga iba pang mga tropical fruits gaya ng pinya at mangga.  Inalam din ni Mac Ramos ang  update  sa mga nilagdaang kasunduan ng Pilipinas at Tsina sa larangan ng agrikultura ang mga detalye sa  one on one interview kay Agriculture Attache Ana Abejuela.

Agriculture Counsellor Ana Abejuela: Tropical Fruits ng Pilipinas patuloy na tinatangkilik sa Tsina, pamumuhunan isusulong pa

Ang relasyon ng Pilipinas at Tsina ay nasa mabuting kalagayan. Patunay dito ang masiglang kalakalan, dumaraming mamumuhunan at lumalawak na kooperasyon sa magkaka-angkop na sektor at industriya ng dalawang bansa.Aming kinapanayam si Commercial Counsellor Glenn Penaranda upang ibahagi ang plano ng Philippine Trade and Investment Center Beijing hinggil sa isang plataporma na pwedeng gamitin ng negosyanteng Pinoy para makapasok sa napakalaking pamilihan ng Tsina. Ito ang 2nd China International Import Expo na gaganapin sa Nobyembre.Noong 2018 sa 1st CIIE, matagumpay ang pagsali ng Pilipinas. Ayon sa datos ng PTIC-Beijing umabot sa US$124 Million ang benta ng mga produktong Pinoy. Ngayon taon, muling sasali ang Pilipinas para itampok ang mas maraming de-kalidad ng agri-products.Bukod dito ibinahagi rin ni Ginoong Penaranda ang papel na gagampanan ng mga industrial parks at growth areas sa Pilipinas upang makaakit ng mga Chinese investors. Narito po ang one on one interview.

Glenn Penaranda, inilahad ang plano ng Pilipinas sa 2nd CIIE

Mabunga ang ugnayan ng Pilipinas at Tsina dahil sa bumubuting relasyon ng dalawang bansa.Sa nakaraang pagdalaw sa Tsina ni Pangulong Rodrigo Roa Duterte, ginanap ang Philippine-China Business Forum. Sinabi ng Pangulong Pilipino na umaasa siyang maisusulong ang partnership ng 2 bansa sa mga industriya ng bakal at konstruksyon.Umaasa ang panig Pilipino na kasabay ng paglaki ng mga Chinese enterprises sa ibayong dagat, mas lalaki rin ang pamumuhunan nila lalo na sa sektor ng konstruksyon. Naniniwala ang mga opisyal ng Pilipinas na ang patuloy na pagganda ng ekonomiya at ang construction boom ng bansa ay nag-aalok ng maraming magandang oportunidad.Ito ang tinutukan ng Mga Pinoy sa Tsina. Pakinggan po natin ang interview kay Commercial Counsellor Glenn Penaranda ng Philippine Trade and Investment Center Beijing.

Glenn Penaranda, hinimay ang plano para sa kooperasyon ng Tsina at Pilipinas sa Industriya ng Konstruksyon at Bakal

Ang Kape’t Tsaa (KaT) ay pang-araw-araw na programang mula sa Beijing. Ang layon nito ay ipaalam sa mga Pilipino ang samu’t saring mga kaganapan at talakayan tungkol sa maiinit na isyung panlipunan ng Tsina; sining; showbiz at musika; at wikang Tsino, sa pamamagitan ng pamumuhay at pananaw ng mga Pilipino sa Tsina.

hubhopper

Kape’t Tsaa

hubhopper