Wär dës Episod e Fluch, géif d'Lynn Business fléien, d'Cat géif an der Sécherheetskontroll hänke bleiwen an d'Sarah hätt den éischte Schampes schonn erof. Wär et eng Pressekonferenz, da wär et déi vun Tic Tac Toe, eng vun de legendäersten aus der Pop-Geschicht. Ma et ass déi neisten Episod vu Keck! an där mer awer och nach eemol d'Thema vu Catcalling a sexueller Belästegung vun der leschter Episod opgegraff hunn; eis ass eppes opgefall. Et gëtt all Grond unzestoussen, op äre Feedback, eis Anekdoten an den Ufank vum Enn. Prost!

Keck!

19 - Den Tic Tac Toe Moment

An där heiten Episod gëtt blank gezunn, an dat huet rechtlech Konsequenzen - net esou wéi Catcalling zu Lëtzebuerg. Dozou hu mer awer och eng Meenung a virun allem perséinlech Erfarungen. Firwat Catcalling NI e Kompliment ass a weider Diskussioune ginn et vum Catherine, Lynn a Sarah, a villäicht hutt dir jo och nach e puer Äntwerte fir eis, Froe goufe sech op alle Fall genuch gestallt. Ënnert anerem och firwat Keckis esou op Geesse flippen a wat aus dem fäinsten 2000er Trash ginn ass.

18 - Nenn d'Kand beim Numm!

Den hawaiianesche Wanderpuff hëlt iech mat op eng Rees an d'Vergaangenheet an där fir Pappendag nach Äschebechere gebastelt goufen. Donieft ginn et knax Spuertipps aus dem Camp Rock a mir verroden iech wéi hei zu Lëtzebuerg d'Fishfluenza ausgeléist gouf. xoxo Cat, Sarah a Lynn

17 - "Wann zwee sténken, freet sech dat Drëtt" (wat lass ass)

Déi eng ginn an d'Vakanz fir ofzeschalten, déi aner halen een Tëmpche beim Coiffer. Ma net just d'Hierschtmiddegkeet weist sech um Enn vum Summer, d’Catherine setzt elo op de Fëscherhutt, d’Lynn richt de September an d’Sarah mécht scho mol d’Sëtzheizung un. A Propos Fëscherhutt, wéini gëtt een eigentlech penibel? Villäicht jo schonn an dëser Episod.

16 - "Dat duerno"

Mir kënnen iech eppes verspriechen: An dëser Episod huet et beim Lynn uerdentlech gekraacht an et geet queesch duerch den Zyklus. Vu Campingsaventuren iwwer Ongereimtheete bei "Titanic", bis hin zu richteg penibele Chaosmomenter, deem fäinsten Iessen an enger fetter Téitsch am Aarsch. Mir hunn awer natierlech och déi ganz seriö Themen ugeschwat: Wéini ass een eigentlech am glécklechsten? Grënn genuch un eiser 15. Therapie-Session deelzehuelen

15 - Doheem ass d'Toilette am schéinsten

Mëtt August an dem Lynn brennt d’Problematik vum decke Mann mam wäisse Baart op der Zong. D’Sarah bekennt sech zu sengem Hond a sengem Superraupi-Dasein. An d’Catherine beschreift wéi et schmaache muss wann een engem Doudegen an d’Zéif bäisst. Eis ass opgefall: Dës Episod kéint provozéieren.

14 - Mir mussen iwwert de Kleesche schwätzen

Wann ee Vakanz doheem mécht, huet een da Recht op enge Summerpaus? Déi Fro hate mir eis bis dës Episod nach net gestallt. Ob dir wierklech op eis verzichte musst? Wisou eng Pampers e Must-Have ass? Dat an aner spannend Storye ginn et an der 13. Episod.

13 - Vu gebrachenen Zéiwen a Kajaksbezéiungen

Pakt är Payback-Kaart aus, d'Catherine erzielt vu senge Feelakeef, d'Sarah schnaarcht sech duerch d'Kummeren an d'Lynn huet aus der Episod en Drénkspill gemaach. #stoptheparty.

12 - "Ech mengen"

Back to reality: Stau, Protokoller a Socialising sti leider nees op der Dagesuerdnung. Eent vun eis ass awer och oppe fir Neies a probéiert sech am Waasservëlo, dat anert geheit mat geféierlechem Hallefwëssen ëm sech an dat Drëtt im Bunde erkläert, wéi grouss d'Panik bei der Sich no enger Parkplaz ass. Highlight: Mir hunn eng fuschnei Rubrik!!! Vill Spaass oder wéi déi cool Leit soen: gënnt iech.

11 - Geféierlecht Hallefwëssen

Wéi ass et zu eisem Intro komm? Wat sinn déi wichteg Saachen, déi virum Ophuele musse geklärt ginn? 10 Episode sinn am Kasten, héich Zäit fir e Mini-Special: "Pleiten, Pech und Pannen". Et war keck!

#Special - Outtakes

Spoiler Alert: D'Episod fänkt net nees mat Gesang un – mee mat engem seriöen Thema. Dir braucht/sollt, d'Lautstäerkt also net erofzedréinen. Mir hunn eis richteg op dës Episod gefreet. Net well et mat der 10. Episod e klenge Jubiläum ass - dat hu mer eréischt beim Ophuele gecheckt. Nee, mir huelen nämlech net méi am Home Office op. Yey! D'Sarah gedenkt senge SIMS, d'Lynn schwëmmt géint de Stroum a verleeft sech a fir et ronn ze maache räisst dem Catherine seng Box. Ma dann happy Keck héich 10.

10 - "Hei si mer erëm"

Déi lescht Episod a Quarantän bitt eng Ode un d’Radio Skills. Firwat d’Mask fir d’Sarah wéi e Soutien ass, d’Lynn am léifsten Hymne lauschtert fir Sport ze maachen an d’Catherine sech fir d‘Ofschlossexame schick gemaach huet, dat kläre mer an dëser REPSody.

9 - E Konschtwierk un Absurditéiten

Afantasie an Dramdeitung - dës Episod ass vu Spiritualitéit net ze iwwerbidden. Soss Highlights: d'Sarah weess elo, datt e Bandana eng eekleg Ugeleeënheet ka ginn, d'Cat huet erkannt, datt eng Mikrowell engem d'Liewen net ëmmer vereinfacht an d'Lynn schneit anere Kanner hire Rateschwanz of... Dës Episod huet also alles, fir iech 40 Minutte laang ze ënnerha len. D'Quarantän-WG geet an déi nächste Ronn!

8 - An de Bandana geschnäizt

Skandal: D'Lynn huet d'Catherine an d'Sarah hannergaangen a muss sech erklären. D'Catherine hätt et bal net an dës Episod gepackt an d'Sarah gëtt äiskal ausgelaacht. Bonus: Mir sinn ënner d'Quizzer gaangen a gi mol méi, mol manner perséinlech. Grënn genuch, iech d'Episod eranzezéien. #TheMadnessContinues

7 - Aggressiv, gestresst a perséinlech

Den Titel vun dëser Episod ass kee schlecht Wuertspill - en huet mat engem Geständnes ze dinn, dat mir iech net virenthalen duerften - mir deele jo alles mat iech. Verréckelt de Video Call an är 5 virtuell Aperoen, gënnt iech e Stéck Banannebrout a maacht et iech gemittlech: Elo kritt dir eis nees op d'Oueren, d'Quarantän-WG geet an déi 2. Ronn!

6 - D'Jacquira ënnert den Episoden

Wéi d'Leit zu Lëtzebuerg am Stau: Se wësse wou se hi wëllen, sinn awer nach net ukomm. Dat sinn d’Catherine Nothum, d’Sarah Raparoli an d’Lynn Warken. 3 Fraen, déi déi nämmlecht Sprooch schwätzen an awer zimmlech verschidde sinn - oder besser gesot "Keck!", de Podcast, deen iech an ärem Liewe gefeelt huet. Fir Iessen a Gedrénks suerge mer net, soss gëtt awer alles mat iech gedeelt. #nofucksgiven

hubhopper

Keck!

hubhopper