Die letzt Folg vom Luusbuebe Podcast. Mitem Joor 2020 goht au dr Luusbuebe Podcast z‘end. Dr lieblings Podcast vo Studierte & Akademiker fiirt si krönende Abschluss. Mit (nur e biz) Bier und vielne schlechte Wortspiel e Abschlussfest wo uf rotem Teppich uf euch zuechunnt. Und wills die letzt isch e XXL Folg für euchi Ohre! Dangge an jede wo uns gloost und unterstützt het. Ab jetzt läbe d‘Luusbuebe im Herz wiiter - Adi x Gian 

Luusbuebe

#47 TRENNIGS-SEX (THE END)

2020 ische schlechts Joor gsi. Drum gits in dere Sendig GROSSI NEWS zum Podcast! Endlich wieder live usem Gartehüüsli vo dr Nathi und ere Zaubelunte. Die Folg gniesst sich am beste mitere Bett-Wäre-Fläsche im Spongebobdesihn (als chline Insidertipp). Viel Spass & mir freue uns uf die letzti Folg! 

#46 ZAUBERLUNTE

Es schneielet, es beielet, es goht e chüele Wind, wenn öpper Papi wird, denn het er es Kind. Wieso genau das Gedicht? Mir werdes selber nie erfahre. In dere Sendig rede die übermüedete Luusbuebe über Reh, Füchs, Dächs und Siebeschlöfer. Also alles wo no weniger spannend isch als s’Inhaltsverzeichnis vom alte Französischbuech. Sünscht gits no Saas Fee, Schnee und Schnee in Saas Fee. Viel Spass mit dr Folg! 

#45 SIEBESCHLÖFER

Advent, Advent, ein Kindlein rennt., nach Haus schnell wie es nur kann, denn es hat gerad' nur einen Drang. Es nimmt das Handy und freut sich gross, der Luusbueben Podcast geht jetzt los! Dr neu Luuser lütet d'Wiehnachtsziit ih und bereitet euch perfekt ufe Bau vomene Pumpspeicherwerk vor. Alias alles wone 13 Jöhrige, chline Bueb will: Es Pumpspeicherwerkt baue. Viel Spass mit dere Folg und wenig Folge nach dem Spass!

#44 FISCHHEILER BRO

Wie fest de Adi scho i Wiehnachtsstimmig isch, warum Lüüt wo schnupfed automatisch SVP-Wähler sind und no viel meh erfahred ihr i dere Folg vom Luuserbuuser Podcast... Viel Spass!

#43 WHY NACHTEN

Chum mit ufe wilde Tauchgang mit de Luusbuebe durch d'Schwizer Seene und Obduktionssääl. Chame Mensche koche? E ganz klassichi Frog. Au wenn die Folg Veganer nid werde cool finde, dörfe sie gern mitlose. Mir hen euch gern! 

#42 OBDUKTIONS TAUCHER

Hütt in dinere Tagesschau vom Vertraue: Wieso d'Periode vo dr Frau nur erfunde isch? Wieso Spucke glernt muess si? Wieso dr Donald Trump nid gwünnt? Und e kritischi Analyse vom Horror Camp! Mit viel Müeh & harter Arbet Recherchiert (nid). Viel Spass dir Dullis :D

#41 COOL SI ISCH NIE PRAKTISCH

Nebelmaschine, kreasses Setup: Alles Sache wome im Podcast absolut nid gseht. Die Beide Luusbuebe fiire Halloween so, wke mes als richtige Schwizer macht: Gar nid. Gueti Witz, spannendi Unterhaltig und ganz viel Niveau. Alles Sache wo in dere Folg nid vorchöme. Düfür gits vo Horrorfilm über Guilty Pleasures bis Lifehacks fürs Koche alles. Viel Spass ihr Kürbisköpf!

#40 HALLOWEEN SPECIAL

Euche lieblings Comedy Podcast isch jetzt neu euche lieblings Finanz und Polit Podcast. Alli Froge rundum sicheri Ahlage, Finanzinstrument und Immobilie werde do beantwortet. Unsere Ahlage-Tipp vom Tag: McDonalds Regebogeglas. Het me 2 vo dene isch d'Rente sicher + jede Daag ei Gipfeli & Kaffi am Morge bim Beck. Ohni dass me jeh wieder e schlechts Gwüsse um sis Portemonnaie muess ha. Grüess gönge use an alli FCB Spieler in dr Quarantäne und uf kei Fall Spass mit dere Folg!

#39 DAS REGENBOGENGLAS

Motivierter als e 16 jöhrige Teenager bim Staubsuuge gohts in die 38. Folg vom Luuser. Nebst eme legendäre Rattewurf und Panzer-Lamas isches e sehr niveaulosi Sendig - Viel Spass!

#38 LEGENDÄRE RATTE WURF

Fans um die ganz Welt sind schockiert… D Loredana chunt nöd as OpenAir Frauenfeld 2021. Fasch so relevant isch au d Frag „wie beweged sich eigentlich Schnäggä“ ? Ganz näbebi het de Corona no Trump und de Adi het de MacDonalds läär gässe. Viel Spass bim lose!

#37 HYPE HYPE HYPE

Die ersti Podcast Late Night Show vo dr Schwiz, wo no schlechter isch als Deville Late night. Hütt mit Themene wie Viktor Giacobro, Johnny Depp & Lamas inere Schöfliherde Also ganz alltäglichi Theme im Lebe vode Luusbuebe. E Podcast miteme grössere Lerneffekt als jedes Studium und Witerbildig. Viel Spass bi dr 36. Folg!

#36 VIKTOR GIACOBRO

Zerst Swiss Comedy Award, denn schlofe ufem Stäg. Zerst TikTik Ban, denn doch nid. Zerst kei lustige Podcast, jetzt immernoni lustig. Straight outta Gartehüüsli vo dr Nathi und mit dr Nathi! Viel Spass! :D

#35 SWISS COMEDY STÄÄG

D'Luusbuebe Gruebe redet über viel Crème Theme. Wiedermol direkt vom Gian Mann usem grade Wage. Hütt chli e deepy Folg, gmischt mit schlechte Schleim Reime. Viel Spass mit dr Folg! :D

#34 CHLÄTTER BRÄTTER

Oh Schlunder Bär, Oh Schlunder Bär, de wo das liest wird mol e Millionär. Mir sin go Skydive, rede über die Days wome sich eifach scheisse fühlt und schlundere eifach chlin dure Luuser. Zum erste Mol wieder per Discord und (leider) nid live. Viel Spass ihr Schlünderer! :D

#33 SCHLUNDER BÄR

Der Podcast von Adrian Vogt (Youtuber) und Gian Maria Finger (Youtuber & Musiker). Ab sofort jeden Samstag!

hubhopper

Luusbuebe

hubhopper