Shirin 'Muhallinka Rayuwarka'  a yau zai waiwayi matsalar Bahaya a fili, daya daga cikin matsalolin da ke kan gaba wajen gurbata muhallin dan Adam, wadda kuma kai tsaye ke alaka da haifar da wasu cutuka har ila yau da ke yi wa dan adam din illa.

Muhallinka Rayuwarka

Muhallinka Rayuwarka - Matsalar bahaya a fili

Shirin a yau zai tattauna ne akan matsalar gobarar daji, wadda a baya bayan nan ta karu a sassan duniya, musamman a Turai da Amurka, har ma a wasu sassan nahiyar Afirka. A jihar California da ke Amurka tsakanin watan Yuli zuwa Agusta gobarar daji ta kone fadin kasar da ya zarta dubu kadada dubu 220, da kuma kone gine-ginen kusan 500. Masana dai sun bayyana gobarar dajin a matsayin irinta ta 10 mafi muni da aka gani a jihar California, bayan da ta raba mutane akalla dubu 119,000 da muhallansu. Wutar Dajin ta California da masana suka yi wa lakabi da Dixie dai sai da ta shafe akalla kwanaki 30 tana ci, duk da cewa jami’an kwana-kwana kusan dubu 21 ke kokarin kashe ta, a takaice ma dai sai da gobarar dajin ta kone girman fadin kasar da ya kai murabba’in kilomita dubu 2, wanda ya zarce girman birnin London, ga mazauna Najeriya kuwa fadin kasar da gobarar ta lakume ya kai, mutum ya je birnin Kano daga Legas ya kuma koma.

Muhallinka Rayuwarka - Matsalar gobarar daji a kasashen Duniya a wannan shekara ta 2021

Shirin Muhallinka Rayuwarka na wannan makon yau, ya duba irin matsalolin gurbatar muhallin da ake cin karo da su sakamakon hakar ma'adanai, bayan da aka gano Zinare a yankin Kwandago na yankin Dan Isa da ke Jihar Maradia a Jamhuriyar Nijar.

Muhallinka Rayuwarka - Matsalolin da aikin hakar Zinare ke haddasawa muhalli

Shirin 'Muhallinka Rayuwarka' na musamman ya yi nazari ne a game da littafin da wani malami a jami'ar Dan Fodio ta Sokoto, Murtala Ahmad Rufai ya kwashe shekaru 10 yana yi a kan ayyukan 'yan bindiga a arewa maso yammacin Najeriya. Littafin da aka wallafa da Turanci mai taken, 'I Am a Bandit', ya fito ne da sakamakon binciken da mawallafin ya yi, tare da shawarwari da zai amfane hukumomi. Bashir Ibrahim Idris ne ya shirya ya kuma gabatar.

Muhallinka Rayuwarka - Littafin binciken a kan ayyukan 'yan bindiga a arewacin Najeriya ya fito

Shirin na wannan mako kashi ne na biyun wanda ya gabata a makwannin baya, dangane da ajiyar amfanin gona musamman dangin hatsi, ta hanyar amfani da sinadaren kashe kwari ko tsutsa na zamani watau Chemicals a Turance.

Muhallinka Rayuwarka - Illolin rashin bin ka'idar amfani da sindaran adana amfanin gona 2/2

Shirin a wannan mako ya tattauna da masana da sauran masu ruwa da tsaki akan tasirin sinadaran da ake amfani da su a wajen noma da kuma adana amfanin gona, wadanda a wasu lokutan ke illata dan Adam.

Muhallinka Rayuwarka - Illolin rashin bin ka'ida wajen amfani da magunguna yayin adana amfanin gona

Shirin Muhallinka Rayuwarka yayi tattaki zuwa jihar Jigawa da ke arewacin Najeriya, inda ya duba bunkasar noma hade da kiwo a zamance, ciki har da noman zamani da ake yi a rufaffen fili, da kuma sarrafa takin zamani. 

Muhallinka Rayuwarka - Tasirin bunkasar noma hade da kiwo a zamanance kan tattalin arziki

Sama da watanni 7 bayan da mayakan Boko Haram su ka yiwa manonan Zabarmari akalla 43 kisan gilla a garin Koshebe da ke jihar Borno, bayanai sun ce manoman wannan yankin sun fara komawa gonakinsu domin ci gaba da ayyukan noma. Shirin a wannan makon ya yi tattaki zuwa jihar Borno domin jin halin da noma da manoman ke ciki musamman a yankunan da suka fi fuskantar barazanar matsalar tsaro.

Muhallinka Rayuwarka - Makomar noma a sassan jihar yayin da ake fama da Boko Haram

A wannan makon shirin ya tattauna ne kan hasashen fuskantar ambaliyar ruwa da kwararrun hukumar kula da yanayi ta Najeriya suka yi, wadanda suka yi gargadin cewa wasu daga cikin jihohin kasar za su fuskanci iftila’in ambaliyar, a yayin da wasu kuma ruwan sama zai dauke da wuri.

Muhallinka Rayuwarka - Mai yiwuwa wasu jihohin Najeriya su fukanci ambaliyar ruwa

Shirin Muhallinka Rayuwarka na wannan makon ya duba kalubalen dake tattare da komawar dubban Fulani makiyaya arewacin Najeriya daga yankunan kudancin kasar, inda gwamnonin shiyyar suka haramta kiwon shanu baki daya.

Muhallinka Rayuwarka - Kalubalen da ke gaban arewacin Najeriya dangane da karbar Fulani makiyaya

Shirin Muhallinka Rayuwarka na wannan makon tare da Bashir Ibrahim Idris ya tattauna ne kan kokarin da hukumomi ke yi a jihar Kano dake tarayyar Najeriya, domin kaucewa fuskantar matsalolin da kwararrun hukumomin kasa da kasa ke yi na yiwuwar shiga matsalar karancin abinci a Sahel, yankin da kasar ta Najeriya ke ciki.

Muhallinka Rayuwarka - Gwamnatin Kano ta dukufa wajen bunkasa noman tumatir a zamanance

Da dama daga cikin kasashen yankin Sahel na fama da tarin matsalolin dake tagayara muhalli dake haddasa matsaloli masu yawa ga mutanen dake yankunan.  Gurbatar muhallin na samo tushe ne daga gurgusowar hamada, da zaizayar kasa, da kekashewar wurare su koma hako, sannan a wasu yankunan ana fuskantar gusawar yashi dake binne kwarurruka da tabakuna da rijiyoyi kuma rishin sanin mahimmancin itatuwa ganin yanda ake ta kashe su ba tsari.

Muhallinka Rayuwarka - Yadda manoman Nijar ke shirin tunkarar daminar bana

Shirin Muhalli a wannan makon tare da Nura Ado Suleiman ya yada zango ne yankin Sahel, inda da dama daga cikin kasashen yankin ke fama da tarin matsalolin dake tagayyara muhalli, kalubalen da kai tsaye ke shafar al'ummominsu.

Muhallinka Rayuwarka - Yankin Sahel na fuskantar matsalolin gurbatar muhalli dake shafar al'umma

Shirin wannan makon tare da Nura Ado Suleiman zai yi duba ne kan ranar Muhalli ta duniya da majalisar dinkin duniya ta ware domin jan hankali kan halin da muhallin dan adam ke ciki da kuma tasirin matsalolin sauyin yanayi ke janyowa muhallin, gami da gudanar da taruka kan yadda za a shawo kan matsalar a ranar 5 ga watan Yunin kowace shekara.

Muhallinka Rayuwarka - Ranar muhalli ta duniya: Halin da muhalli ke ciki

A yau shirin batun Noma da kiwo zai waiwaya a Najeriya, ganin yadda har yanzu aka gaza samun matsaya guda tsakanin gwamnatin kasar a matakin tarayya da kuma gwamnonin jihohi musamman na yankin Kudanci, kan yadda za a bullowa matsalar rikicin manoma da makiyaya da sauran batutuwa masu alaka da matsalar ciki har da neman kawo karshen tsarin kiwon gargajiya na yawon da makiyaya a Najeriyar ke yi a tsakanin yankunan arewaci da kudancin kasar.

Muhallinka Rayuwarka - Gaza samun matsaya guda tsakanin manoma da makiyaya a Najeriya

Wayar da kan jama’a da ilmantar da su, game da sha’anin da ya shafi Noma da muhalli da canjin yanayi. Yin bayanai dangane da batun gurbacewar yanayi tare da dumamarsa (Yanayi).

hubhopper

Muhallinka Rayuwarka

hubhopper