"Van den Belt zei dat ie niet alles tegen me durft te zeggen. Dat hij bang voor me is. Althans, zo kwam het op me over." Earefoarsitter Ype Smid sprekt him foar it earst sûnt de Cambuurkrisis út oer dy situaasje yn de Sportcast. We prate mei Ype Smid oer syn relaasje mei finansjeel direkteur Gerald van de Belt, oer it kommende kampioenskip en oer de wurden fan trainer Henk de Jong: "Die hebben me niet onberoerd gelaten."

SportCast

SportCast #92: Ype Smid: "Van den Belt was bang voor mij"

Michel Vlap sjocht him noch alle wiken de eagen út yn de Bundesliga. De Snitser fuotballer dy't troch Arminia Bielefeld hierd wurdt fan Anderlecht fjochtet mei syn ploech tsjin degradaasje. Bielefeld stiet op it ien-nei-lêste plak yn Dútslân en sil yn elts gefal noch ien klup foarby moatte. Yn de SportCast fertelt er oer syn earste moannen yn de Bundesliga. Ek belje we mei âld-direkteur Hans Nijland fan FC Grins oer de 'Derby van het Noorden' fan kommend wykein.

SportCast #91: Michel Vlap: "Ik raak heel weinig ballen aan"

Der hat it lêste healjier in soad te dwaan west oer Gerald van den Belt, direkteur by SC Cambuur. De bestjoerlike ûnrêst kaam yn novimber nei bûten, doe't Van den Belt oanjoech op te stappen as Ype Smid foardroegen wurde soe as nije foarsitter fan de ried fan kommissarissen. Sa fier kaam it net. Yn de SportCast reagearret Van den Belt foar it earst op de rebûlje yn de bestjoerskeamer en fertelt er ek oer it nije stadion, dêr't er him fanút de klup mei bemuoit.

SportCast #90: Van den Belt: "Wil komende drie jaar doorgaan"

Hy wûn as trainer in Europa Cup mei Anderlecht, waard kampioen mei Ajax en is no benammen ferneamd om syn fuotbalanalyzes op Twitter: Aad de Mos. Yn de SportCast sykje we kontakt mei de âld-fuotbaltrainer dy't syn ljocht skine lit oer it middenfjild fan SC Hearrenfean, de kânsen fan SC Cambuur yn de earedifyzje en sels it Nederlânsk alvetal komt foarby.

SportCast #89: "SC Heerenveen is totaal niet in balans"

It giet him bot oan it hert. En dat is te fernimmen as hy yn de SportCast oer 'syn' SC Hearrenfean praat. Earefoarsitter Riemer van der Velde is te gast om te praten oer it fuotbal by de Feansters en hy docht in emosjonele oprop oan alles en elkenien dy't Hearrenfean leaf hat. Ek giet it yn dizze SportCast oer de bestjoerlike perikels by SC Cambuur en de rol fan trainer Henk de Jong dêryn.

SportCast #88: "Ferdomme, litte we dy klup helpe"

Sportklup Hearrenfean helle in goed resultaat tsjin ADO Den Haag, mar it spul is noch altyd net om oer nei hûs te skriuwen. Cambuur giet fierder mei goed prestearjen, wûn fan Telstar en is noch altyd op wei nei promoasje. We beprate yn de SportCast de beide klups, sjogge nei wat beslissingen fan skiedsrjochters mei skiedsrjochter Jesse Rozendal en prate oer Go Ahead Eagles - Cambuur mei ferslachjouwer Tijmen van Wissing fan RTV Oost.

SportCast #87: Ynteresse foar Joey Veerman fan Ajax? "Foar minder as 10 miljoen euro net prate"

It is foar SC Hearrenfean de wedstriid fan it jier: de heale finale fan de beker tsjin Ajax. Woansdei wurdt dat duel spile en dus is der yn de SportCast alle reden om foarút te sjen op dy wedstriid. Dat dogge we mei in Ajax-saakkundige dy't ús alle ins en outs fan de klup fertelt. Ek belje wy efkes mei Henk de Jong om te hearren hoe't it mei him is, The Day After dy glânsrike oerwinning op Almere City.

SportCast 86: "Ajax neemt de beker veel serieuzer"

Dat de 'Derby van het Noorden' tusken SC Hearrenfean en FC Grins snein yn in 1-1 lykspul einige, is net sa'n grutte ferrassing. Dochs is der genôch reden om oer dy wedstriid nei te praten en dat dogge we yn de SportCast mei in spesjale gast: Feanster middenfjilder Lasse Schöne. Ek is der yn der yn de persoan fan Jan Hylkema in Mystery Guest. En it giet oer SC Cambuur, dat twa tige wichtige wedstriden yn it foarútsjoch hat.

SportCast #85: "Sa moai fûn ik it"

SC Cambuur-spiler Jamie Jacobs is mei syn goals en assists de middenfjilder mei it measte rendemint yn de Keuken Kampioen Divisie. De Cambuur-spiler is te gast yn de Sportcast. We prate oer it naderende kampioenskip, oft se klear binne foar de Earedivyzje en we ha in Mystery Guest. En we ha it oer de komst fan Lasse Schöne nei sportklup Hearrenfean.

SportCast #84: "Ik wil net zo goed worden als Davy Klaassen"

Sportklup Hearrenfean spile sneontejûn tsjin Vitesse. Foar us reden om mei Vitesse-supporter Marcel van Roosmalen te beljen. We prate mei him oer dy wedstriid, oer wat hy mei Hearrenfean en Cambuur hat en oer de Alvestêdetocht. We ha ek kontakt mei Michel Vlap. De Sniters is krekt ferhierd fan Anderlecht nei Arminia Bielefeld yn Dútslân.

SportCast #83: "Ik vind de Elfstedentocht verschrikkelijk"

It Wrâldkampioenskip ôfstannen fynt plak fan tongersdei 11 febrewaris oant 'e mei 14 febrewaris yn it Thialf-stadion. Sân Fryske reedriders dogge mei oan dit toernoai. Se libje mominteel oer it algemien al wike yn in bubbel. Sa ek coach Jillert Anema. Fanútsyn hotel praat hy yn dizze Sportcast mei oer it kommende WK. Jesper Hospes is ús hûs-analytikus en hy sjoch tegearre mei presintator Roelof de Vries foar't op it WK. Ek belje we efkes mei Arjan Stroetinga.

SportCast #82: “Ik ha in soad respekt foar de fakmân Sven Kramer”

Yn de nije SportCast is der wer in hoop te bepraten. Sa pakt SC Hearrenfean fjouwer punten út de lêste twa wedstriden, rekkenet SC Cambuur ôf mei it anty-fuotbal fan MVV én is it ek nochris Deadline Day: de dei dat spilers foar it lêst in transfer meitsje kinne. Om dy reden hinget technysk manager Gerry Hamstra fan Hearrenfean oan 'e line. Ek prate we mei âld-fuotballer Joey van den Berg, dy't no jeugdtrainer is by SC Hearrenfean.

SportCast #81: "Ik ga ze niet vertellen hoe je mensen dwars doormidden schopt"

Twa bysûndere gasten yn de Sportcast dizze wike: we prate mei Reza Ghoochannejhad, âld-fuotballer fan sportklup SC Hearrenfean en SC Cambuur. Hy skoarde dit wykein in hattrick foar PEC Zwolle. En we belje mei Peter Houtman, âld-fuotballer fan ûnder oare Feyenoord en no stadionspeaker yn De Kuip. Hearrenfean spilet yn koarte tiid foar de kompetysje én de beker tsjin Feyenoord. We prate oer de krisis dêr't Hearrenfean yn sit en oer it sukses fan SC Cambuur en Robin Maulun.

SportCast #80: "Hearrenfean hat echt in hiel grut probleem"

Reitsje se by SC Cambuur al in bytsje yn panyk nei't der de lêste twa wedstriden mar ien punt pakt is? En hoe is de stimming by SC Hearrenfean nei wer gjin oerwinning? Fragen dy't yn de SportCast oan 'e oarder komme. Trainer Henk de Jong fan Cambuur is te gast en sa no en dan skoot der ek efkes in oare gast oan, om it ien en oar te ferdúdlikjen.

SportCast #79: "Ik soe graach ha dat Sandor oer in pear jier myn plak oernimt"

Der wie in hiele hoop lucht foar nedich, mar dizze wike is de reedrydbubbel opblaasd. Hast 300 riders en harren coaches binne de kommende wiken yn Fryslân om dochs noch in pear ynternasjonale wedstriden te riden. Alle reden foar in ekstra SportCast om foarút te sjen op it EK sprint en allround fan kommend wykein. Dat dogge we mei reedrydster Letitia de Jong en âld-rider Douwe de Vries, dy't as foarsitter fan de atletekommisje de riders fertsjinwurdiget.

SportCast #78: "De reedrydbubbel is ien fan de feilichste plakken op de wrâld"

Yn de SportCast prate de sportferslachjouwers fan Omrop Fryslân dy by oer in ferskaat oan sport, mei altyd it Fryske rantsje. Fan it keatsen oant it betelle fuotbal: do wurdst wer hielendal bypraat. De SportCast fynst yn dyn podcastapp en op Spotify.  

hubhopper

SportCast

hubhopper