في بودكاست " دُمْ تَكْ" بنروي قصص عن الموسيقى العربية، في الموسم الأول واللي كتب جزء منه فريق معازف، روينا قصص بتستحقّ نحتفي فيها عن سيرة فنّانات عربيّات، موهبتهم جابتلهم وجعة راس بحياتهم، بس أنتجتلنا مخزون موسيقي منروّق فيه راسنا. وفي الموسم الثاني، رح ناخدكم برحلة صوتية بنمرّ من خلالها على كل ألوان الموسيقى الدارجة في العالم العربي، ورح نتعرّف على فنّانين وفنّانات شكّلوا ثقافة جيلنا الموسيقية. وكمان رح نستعرض أنواع موسيقى مثل البوب والروك والراي، ورح نروي قصص عن وجودها بالوطن العربي، وعن الفنانين اللي تبنوها من منطقتنا.ابحثوا عن دُمْ تَكْ على كل التطبيقات من آبل بودكاستس وغوغل بودكاستس وأنغامي وساوندكلاود وسبوتيفاي وستيتشير وغيرهم وانتظرونا بحلقة جديدة كل خميس. رابط دُمْ تَكْ على موقع صوت: http://sowt.com/ar/domtak

Ya Rayeh | يا رايح

إعلان بودكاست دُمْ تَكْ الموسم الثاني

في الحلقة الخامسة من بودكاست "يا رايح" بنسأل ليش بعض المهاجرين بيرجعوا على بلادهم بعد خوض تجربة الهجرة، وبنسأل إذا ما كان قرار العودة للمهاجر اختياري أم إجباري؟ وليش بيصرّ المهاجر اللي أعيد إلى بلده قسرًا على محاولة الهجرة مرة أخرى؟ في هاي الحلقة راح نتعرف على قصة المهاجر الجزائري هارون اللي خاض أكثر من تجربة للهجرة لدول كثيرة.

من الجزائر لأوروبا... حلم بالهجرة

في الحلقة الرابعة من بودكاست "يا رايح" رح نحكي عن هجرة اللاجئين من الوطن العربي لأوروبا من خلال معرفة الأسباب اللي بتدفع عشرات الآلاف لترك مخيمات اللجوء وركوب البحار والمخاطرة للوصول لدول المهجر. في هاي الحلقة راح نتعرف على اللاجئ السوري في هولندا، زاهي، ليحكيلنا عن خفايا هجرته والمصاعب التي واجهته خلال هالرحلة.

"أنا مابدي أكون لاجئ!" يا رايح - هولندا

في الحلقة الثالثة من بودكاست "يا رايح" رح نتعرف على الدوافع والأسباب وراء تقديم طلبات الهجرة والانتظار للحصول على هجرة قانونية لتكون الطريق للحصول على جواز سفر أجنبي والاستقرار في بلد المهجر. في هاي الحلقة راح نتعرف على قصة آية من الأردن وطلبها للهجرة لكندا.

حلمي بجواز سفر أجنبي - يا رايح - الأردن

في الحلقة الثانية من بودكاست "يا رايح" رح نسمع عن الظروف الاقتصادية الصعبة اللي بتدفع الشخص للتفكير بالهجرة من بلده حتى لو بطريقة غير شرعية. ورح نتعرف على رحلة الهجرة لمصير مجهول من خلال مهرّبين لحد الوصول لبلد المهجر. بهالحلقة كمان رح نتعرف على معاناة المهاجر غير الشرعي من التبعات القانونية اللي بيتعرضلها من جهة واستغلال بعض الأشخاص للوضع غير القانوني اللي بيعيشه من جهة ثانية. وهاي القصة رح يحكيلنا إياها المهاجر الجزائري في فرنسا، هشام.

مهاجر غير شرعي لأجل غير مسمى - فرنسا

 في ناس فكرت تترك بلادها وتهاجر، وفي ناس حلمت أو بتحلم كل يوم تعيش في دولة ثانية ويكون معها جواز سفر هالدولة. أسباب ودوافع كتير تؤدي لهذا التفكير، يمكن لتحسين الوضع المادي أو الحصول على فرص أكبر من الفرص اللي الموجودة في بلادنا. ببودكاست (يا رايح) خصصنا خمس حلقات بتتناول قصص مهاجرين عرب تركوا بلادهم وخاضوا تجربة الهجرة وكل شخص إله أسبابه في هذه الرحلة. جزء منهم نجح وحقق أحلامه والجزء التاني لسا بيسعى ليحققهم في المهجر ومنهم ما توفق وكان للهجرة آثارها السلبية عليه. ولتعرفوا هالقصص، تابعونا. 

بودكاست يا رايح: مقطع تشويقي

في الحلقة الأولى من بودكاست "يا رايح" منسأل ليش الواحد فينا بيترك بلده وبيفكر بالهجرة؟ هل بيعتبر المهاجر بلد المهجر موطن بديل؟ وكيف ممكن للمهاجر إنه يكون ناجح في بلد المهجر بعيداً عن أهله وأصحابه؟ ليش بيضل ارتباط الشخص المهاجر ببلده الأم موجود وبيحاول برغم المسافات تعليم أولاده لغة وعادات وتقاليد بلدهم الأم؟ في هاي الحلقة راح نتعرف على أحلام الهجرة وعذاباتها منFM خلال القصة اللي رح يرويلنا إياها المهاجر اللبناني في إسبانيا الدكتور أكرم.

من لبنان لإسبانيا - الهجرة للموطن البديل- يا رايح - إسبانيا

في ناس فكرت تترك بلادها وتهاجر، وفي ناس حلمت أو بتحلم كل يوم تعيش في دولة ثانية ويكون معها جواز سفر هالدولة. أسباب ودوافع كتير تؤدي لهذا التفكير، يمكن لتحسين الوضع المادي أو الحصول على فرص أكبر من الفرص اللي الموجودة في بلادنا. ببودكاست (يا رايح) خصصنا خمس حلقات بتتناول قصص مهاجرين عرب تركوا بلادهم وخاضوا تجربة الهجرة وكل شخص إله أسبابه في هذه الرحلة. جزء منهم نجح وحقق أحلامه والجزء التاني لسا بيسعى ليحققهم في المهجر ومنهم ما توفق وكان للهجرة آثارها السلبية عليه. ولتعرفوا هالقصص، تابعونا.

hubhopper

Ya Rayeh | يا رايح

hubhopper