Í Koltri er gamli býlingurin, Heima í Húsi, væl varðveiddur og hús og úthús eru umvæld og endurbygd. Náttúran í Koltri er serlig. Ein partur er høgur - Uppi á Oyggj - og eysturendin er lágur - Fjallið, sum er lægsta fjall í Føroyum. Vit dvøljast við Neystið, Norðuri í Gerði, á Eiðinum á, við Nónrók, á Fjallinum, oman fyri Tangan og Heima í Húsi.  

Frítíð og náttúra

Túrur millum bygningar og eftir láglendi í Koltri

Stóra Dímun er ein veldug náttúruperla og ein áhugaverd landbúnaðareind, har tey á garðinum royna at troyta náttúrutilfeingi sum best og burðardygt. Tað var ein avbjóðing at fáa trø at vaksa Úti í Grøv, men við tógvið stríð er tað eydnast, og dagliga vitja nógv fólk viðarlundina.

Túrur í Stóru Dímun (2:2) og viðarlundin Í Grøv

Stóra Dímun er ikki stór, men tað ber til at ganga góðar túrar, annaðhvørt í erva í oynni ella norður gjøgnum líðina eystanfyri. Vit eru komin til tíðina, tá laksaveiðan skuldi vera tann besta. Frítíð og Náttúra skattar dýpið norðuri í Saksun.

Túrur í Stóru Dímun og laksur í Saksun

DR1 var við á innlandsísinum, tá tveir granskarar skuldu kanna, hvussu nógv innlandsísurin er tiðnaður í ár. Við á túrinum var Jan Arnskov, fotograftur. Innlandsísurin í Grønlandi fevnir um eitt øki á 1,8 milliónir fermetrar. Har ísurin er tjúkstur, er hann yvir tríggjar kilometrar djúpur. Hoyr Jan greiða frá.

Til arbeiðis á innlandsísinum

Jógvan Thomsen hevur ringmerkt og skrásett drunnhvíta og skráp í nøkur ár. Herfyri skrásetti hann ein skráp, sum hann ringmerkti fyri trimum árum síðani. Ein varislig meting sigur, at umleið 50.000 drunnhvítapør halda til í drunnhvítabølunum á eystursíðuni á Nólsoynni. Tí ansa nólsoyingarvæl eftir, at rotta ikki kemur í Nólsoynna.

Túrur suður í Nýggjurð saman við Jógvani

Viðareiði liggur opið fyri havinum eins og Svínoyar bygd og nógvur fuglur vitjar hesi plássini. Nógvur fuglur er eisini skrásettur á hesum plássum. Vit vitja á Helluni, við Spónhyljar og eysturi á Heiðum saman við Silasi Olofson.

Um fugl á Viðareiði saman við Silasi

Í Kunoy ganga vit túr saman við Páll Gunnari Poulsen og Djóna Kunoy. Vit eru í hesum seinra partinum við Hvílingarstein á veg oman aftur.

Skrápur ferðast 30.000 km og túrur í Skarðdali (2)

Kunoyggin er í meðan hægsta oyggj landsins, men tað ber eisini til at ganga túrar í láglendi. Hetta er tíðin, tá sjósíl fara niðan í áir og vøtn. Frítíð og náttúra var eitt kvøldið við Sandsvatn, har vit prátaðu við Bjørgfinn, Hanus og Heina Inni á Tanga

Túrur í Skarðdali og sílaprát við Sandsvatn

Fuglafrøðingurin, Jón Aldará, skrivaði serritgerð um kjógva, tá hann tók prógv sítt. Nú granskar hann kjógva og liður í hesi gransking er at ringmerkja pisuna. Frítíð og náttúra var saman við Jóni ein dagin, hann ringmerkti kjógvapisu norðanvert Akraberg. Tá vit ferðast í føroysku náttúruni koma vit tíðum fram á jarðriv - erosjón - og nógvastaðni er svarðloysi. Frítíð og náttúra hevur verið ein túr í haga norðan fyri Havnina og vit dvølja við markið millum Hoyvíkshagan og Sundshagan.

Um kjógva og jarðriv

Vit halda fram ríðitúrin saman við Thomas Hans Gaardlykke í Miðvági. Vit eru á Fótamørskletti og steðga á við bólið í Krosssgili og við Sálarbótsá í Vatnsbrekku. Harafturat hittir Frítíð og náttúra Ronnie Thomassen og Rakul Arnfríðu Dam í Niðastu Hoydølum. Har skal ein gøta gerast í ár oman gjøgnum Starvabrekkuna og ein skal gerast oman á Hvítasand við Boðanes í stóru frílendisætlanini. Eisini fara fólk á Gróðurstøðini at planta fyrstu trø ini og runnarnar í heyst.  

Frílendisætlan í Hoydølum og ríðiðtúrur í Vágum

Frítíð og náttúra var í juni ein ríðitúr saman við miðvinginum, Thomas Hans Gårdlykke, sum er reiðmaður, gamal røktingarmaður, sílafiskari og var vanur at fleyga lunda. Vit, Thomas Hans, ríða úr Miðvági fram eftir Vørðunum í hesum fyrsta partinum. Thomas Hans greiðir frá støðum á vegnum, fjallagøtuni, ríðing í Vágum og øðrum náttúrfyribrigdum. Hoydalsá er ein av teimum fýra stóru áunum í Havnini. Hon var ein góð sjósílaá, men hon hevur verið fyri bakkøstum, og í dag fiskar nærum eingin har,  hon rennur á sjógv í Boðanesgjógv.

Ríðitúrur í Vágum og túrur fram við Hoydalsá

Túrur í Svínoy við Óla á Geilini (2:2)

Túrur í Svínoy og verkætlan um sjósíl (1:2)

Eftir varðagøtuni ímillum Vág og Fámjin

Við Jákup Andreasi Vang í Kaldbak ganga vit ein túr eftir Kaldbakskambi. Vit gingu túrin í 1987. Jón Aldará, fuglafrøðingur, greiðir frá kanning, sum fuglafrøðingurin ger um støðuna hjá kjógva í Føroyum. Og fuglafrøðingurin, Sjúrður Hammer, hugleiðir um fugl og veðurlagskreppuna.

Túrur eftir Kaldbakskambi

Í Frítíð og náttúru eru vit til gongu á kendum og ókendum leiðum. Staðkend og kunnug fólk lýsa gøtur, støð, vøkstur, fyribrigdi, siðir og mangt annað í føroysku náttúruni. Serliga við atliti at frítíðarmøguleikum. Men vit taka eisini upp støðuna hjá náttúruni og seta spurnartekin við, hvussu vit handfara ríku náttúru okkara.

hubhopper

Frítíð og náttúra

hubhopper