يمكن الحلقة دي تبقى متأخرة شوية عشان بقينا في نص الشهر الكريم، بس يمكن تنفعك في النص اللي فاضل او رمضان السنة اللي جاية و احنا مش بس جايين نديكوا شوية نصايح مفيدة في رمضان، احنا فعلا بنتسائل ازاي بتنظموا وقتكوا في رمضان؟؟

كوبايتين قهوة - Kobayten Ahwa

ازاي ننظم وقتنا في رمضان؟؟

ممكن سن التلاتين يبقى مخيف شوية، عشان كدة هريدي بيكلمكم عليه انهاردة في تالت حلقة من سلسلة الديرتي ثيرتي، و بينضم ليه من بودكاست كوالا ساندوتش و نص نص محمد جمال الدين جيمي، اللي هيتم التلاتين كمان كام يوم، و هيتكلم على اللي عمله في التسعة و عشرين سنة اللي فاتو و عن توقعاته ايه في سن التلاتين كل سنة و انتم طيبين و رمضان كريم

الديرتي ثيرتي ٣

مش هنقولك ان بعد الحلقة دي التوتر و القلق هيختفوا..لكن اللي نقدر نقوله فعلا ان بعد ما تسمع الحلقة هتعرف ازاي تسيطر عليهم حلقة جديدة من سلسلة اظبط نفسك مع خالد ديوان بس من غير هريدى في بودكاستكم المفضل

اظبط نفسك (من التوتر)

كوبايتين قهوة بالنسبالنا مش مجرد بودكاست، و حد بيتكلم في مايك و حد بيسمع في سماعات الموضوع اكبر من كدة بكتير، لأننا عايزين نكبر عائلة كوبايتين قهوة و عشان كدة عملنا فاعليات هتعرفوها لما تسمعوا حلقة انهاردة من بودكاستكم المفضل

فاعليات

قبل كوبايتين قهوة، هريدي و خالد كان عندهم برنامج على راديو ترام اسمه اظبط نفسك، اللي كانوا بيتكلموا فيه عن الصحة عامة في الحلقة دي اعادوا احيائه تاني و ابتدوا بموضوع التركيز اللي معظمنا مفتقده اليومين دول لو ركزت في حلقة هتعرف ايه هاشتاج اللي هتكتبوا على الجروب بعد ما تسمع

اظبط نفسك (حلقة التركيز)

في حلقة انهاردة استضفنا الخلوق و الملهم محمد حطب، اللي على مدار ساعتين، حكالنا بكل اريحيه عن مشاور تعافيه من سرطان الدم (اللوكيميا)، و ازاي اسس مؤسسة "ايدينا مع بعض" الخيرية لذوي البتر و بقى طرف مهم جدا في عمل الخير

ايدينا مع بعض

خالد و هريدي، معاهم علاء الشيخ و هاشم المصري اتجمعوا عشان يسألوا سؤالين مالهومش تالت اين ذهبت حقوق الرجل؟ و مين هو الرجل التمام اللي يستاهل هذه الحقوق؟؟ اعرفوا اجابات الأسئلة دي في حلقة انهاردة من يور فيفوريت بودكاست

"Meninists"

في اول كروس اوفر ل٢٠٢٣، بنقدملكم حلقة تجمع بين العطارة و الرشاقة و الأكسيبرسو، عشوائية كاروهات و موضوعية كوبايتين قهوة، مع مزجهم بقوا كوبايتين كاروهات...و موضوع الحلقة يمس جيلنا اللي اتربى بالشبشب و شوية تروما حلوين..هل هنعمل كده في عيالنا؟ و هل احنا كده اتربينا ولا متربيناش؟؟ هتعرفوا ده مع هريدي و خالد و الرشيقة مي ابراهيم

انت متربتش!!

كفاية بقى/كاروهات/كوالا ساندوتش/اذا اعزائي/ة مربوطة/اشتري مني/مش فمينيست قوي/نص نص/العيال نامت/في الهوا سوا، كل دول بودكاستات، مش بس مجاورة، لكن هما الأقرب للقلب بالنسبالنا و اكيد بالنسبالكوا..ممتنين انهم شرفونا في الحلقة بأصوتهم، و يشرفنا اكتر ان اسمنا يتربط بأسميهم سواء في التنافس الصداقة....خلصوا الحلقة دي و روحوا اسمعوهم

كل سنة و انتم مجاورين ?

بغض النظر عن احداث ٢٠٢٢ بحلوها و مرها، و بغض النظر عن ان احنا نزلنا ٩ حلقات بس في السنة دي و ان احنا كنا هنقفل البودكاست، بس انتوا كنتوا النجم و المحفز الحقيقي لينا...كل سنة و انتم مستمعين و مستمتعين و ربنا يقدرنا نسمعكوا و نمتعكوا في ٢٠٢٣...بنحبكوا!

كل سنة و انتم مستمعين ❤️

هو ليه خالد بيتكلم كدة؟؟ كلمة عربي و عشرة انجليزي؟؟ هو بيتعوج علينا؟؟ و ليه في ناس بتتكلم كوكتيل و فرانكو اراب؟؟ و يا ترى لغة الجيل القادم هتبقى عاملة ازاي؟؟ احنا سمعناكوا و قرينا تعليقاكوا على الموضوع ده..فا حبينا نحسم الجدل و نكلمكوا عربي فقط في حلقة انهاردة 

قهوة عربي

في حلقة انهاردة استضفنا صديقتنا الثرابيست نورين بن حليم، و دردشنا معاها ازاي و ليه دخلت المجال ده، غير ان احنا اتناقشنا كتير عن اضطرابات القلق و التوتر و جاوبنا على اسئلتكوا، عشان كلنا نوصل لمرحلة ال(calma..silencio)

Calma!!! Silencio...

قصص النجاح كلها جميلة، بس رد فعلنا من كتر ما بنسمعها الفترة دي بيبقى "يااه..اما قصة، عبرة صحيح" وش كده و عشان كدة قررنا ان احنا نشاركم قصص فشلنا اللذيذة و الممتعة في مراحل مختلفة في حياتنا و تقريبا وصلنا لسر النجاح لو عايزين تعرفوه..اسمعوا الحلقة دي من بودكاست كوبايتين قهوة

يا فاشل يا فاشل

موضوع هذه الحلقة مستوحى من مشهد في مسلسل "نزوة" على شاهد (اعلان اهو)..و الموضوع كالتالي: في ظل الظروف الأقتصادية العالمية الصعبة، هل تتقبل المساعدة المادية من اي شخص قريب او بعيد؟ ولا الأعتماد على النفس هو الأختيار الوحيد؟ خالد و هريدي طقشوا في بعض و النتيجة كانت الحلقة دي

انت مش عويل !!

لو صاحبك بيغرق، هتيجي على نفسك و تنقذه ولا تسيبه يغرق؟؟ و لو هتنصح صاحبك الغريق ده، هتنصحه بعنف و لا تخلي عند امك شوية سنس؟؟ ده اللي خالد و هريدى هيتكلموا فيه النهارده بعد توقف البودكاست ٥ شهور

خلي عند امك سنس!!

Just two guys having a chat over two cups of coffee قهوتك ايه؟؟

hubhopper

كوبايتين قهوة - Kobayten Ahwa

hubhopper