- Hetta er í veruleikanum ein skaldsøga, ið er skrivað sum ein monologur. Í komandi viku kemur eftir ætlan nýggj bók eftir Carl Johan Jensen við skipi til Føroya. Sprotin gevur út. "Vatn er ein vátur logi," eitur bókin, sum er øðrvísi enn tær skaldsøgur, sum Carl Johan áður hevur skrivað. Hon er skrivað í talumáli og er sett upp sum eitt hoyrispæl. Hetta er triðja bókin í tríverki, har hinar báðar vóru Sær og Terningarnir.

Nón

Carl Johan Jensen gongur nýggjar leiðir

Nógv kenna helst gula, ikoniska bygningin í Saltangará. Fyrr hýsti bygningurin smiðjuvirksemi, men um nakrar mánaðir letur Gula Smiðja upp sum ungdóms- og virkishús. Gula Smiðja skal eftir ætlan vera fyri ung í aldursbólkinum 14-18 ár, og stórur tørvur hevur verið á einum ungdómshúsi, heldur Torbjørn Jacobsen, borgarstjóri í Runavíkar kommunu. Runavíkar kommuna hevur lýst eftir dagligum leiðara, og hann skal saman við teimum ungu vera við til at mynda innihaldið í nýggja tilboðnum til ungdómin í Runavík.

Gula Smiðja skjótt klár at taka ímóti ungdóminum

Nógv kenna helst gamla gula ikoniska smiðjubygningin í Saltangará. Bygningurin hýsti í nógv ár smiðjuvirksemi, men um nakrar mánaðir letur Gula Smiðja upp sum ungdóms- og virkishús. Vit tosa við Torbjørn Jacobsen, borgarstjóra í Runavíkar kommunu um verkætlanina og fara ein rundtúr í bygninginum saman við Sølva Reinert Hansen, mentanarleiðara í kommununi. Í morgin verður forvitnislig konsert og frumframførsla í Norðurlandahusinum. Tað er Birita Poulsen Trio, sum fer á pall millum annað at frumframføra nýggja verkið "Kærleiki" eftir Sunleifi Rasmussen.

Nón 20. oktober 2021

Nógv er hent innan føroyskan film- og filmsframleiðslu seinastu árini. Men hava vit eina veruliga filmsvinnu í Føroyum, og hvat skal til fyri at vit fáa eina og varðveita hana? Kann ein føroysk filmsvinna koma at bera seg og geva vinning til landið, hvussu nógv skal filmsvinnan stuðlast, og hvørjar visiónir hava føroyskir politikarar fyri filmi og filmsvinnu í Føroyum?

Nón 18. oktober 2021

Gestur í Nón í dag er Gissur Patursson, sum er formaður í stýrinum fyri Føroysku tónleikaútflutningsstovuna, FMX. Vit tosa við Gissur um arbeiðið hjá FMX, og um hansara lív, sum hevur verið býtt millum júst tónleikin og so vinnulívið. Og so fáa vit at vita, hvørjar tankar Høgni Djurhuus hevur gjørt sær um samfelagsstøðuna hesa vikuna í Høgnatáttinum. Hoyrið sendingina her

Nón 15. oktober 2021

Hoyr vikuliga Høgnatáttin, har Høgni Djurhuus tekur saman um hendingar og útsagnir hesa farnu vikuna

Einki sjálvsálit men álit á dønum

Við filminum Ábyrgd hevur Katrin Joensen-Næs varpað ljós á eitt evni, sum framvegis er tengt at stórari tøgn og tabu. Fyri tað hevur hon fingið Ársins sálarheilsuvirðisløn. Vit hitta Katrina. Í næstu viku kemur bókin "Vatn er ein vátur logi - ein lívssøga" eftir Carl Johan Jensen út. Hetta er triðja bókin í tríverki, har hinar báðar vóru Sær og Terningarnir. Vit tosa við Carl Johan Jensen úr London. Hoyr alla Nón-sendingina her.

Nón 13. oktober 2021

Flettingartíð og heystfrítíð hjá skúlabørnum er, og tá er sum vant ymiskt á skránni. Savnsfagnaður hevur í ár heitið "Ull er Føroya Gull". Vit vitja á Tjóðsavninum, sum er latið í ullarham hesa vikuna. Fyri vikuskiftið vóru virðislønir M.A. Jacobsens latnar, og í dag rógva vit afturáaftur samrøður við virðislønavinnarnar Jógvan í Lon Jacobsen og Danial Hoydal um teirra bøkur, ið vóru heiðraðar - ávikavist yrkisbókina Purisma og barnabókina Abbi og eg og abbi.  

Nón - 22. oktober 2021

- Eg havi gjørt hetta í mínari frítíð. Eg meini, at øll máløki hava brúk fyri góðum málsligum amboðum, og tað hevur verið mín tileggjan til at gera tað, sigur Trond Trosterud. Mentanarvirðisløn M.A. Jacobsens fyri mentanaravrik 2021 varð latin Trond Trosterud, professara í máltøkni á universitetinum í Tromsø. Hetta er fyrstu ferð, at ein útlendingur fær M.A. Jacobsens fyri mentanaravrik, ja eina M.A. Jacobsens virðisløn yvirhøvur.

Ósjálvsøkin norskur hugsjónarmaður fekk MAJ-virðislønina fyri mentanaravrik

Upprunaliga ætlaði hon bara at framleiða ein lítlan upplýsingarfilm til útlendingar um føroyska ull, men so fór bólturin á rull. Í løtuni eru ætlanir um ein longri film, eina heimasíðu, og tilfar til sosialar miðlar. Vit tosa við Sissal Kjartansdóttir Kristiansen, stigtakara.

Nón 8. oktober 2021

Vinir eru stakkalastás uttan førleikar

- Viðurkenning kemur og fer, men eg veri verandi her. Tað koyrir bara hjá Jóhan Martin Christiansen í løtuni. Í vikuni fær hann handað Talentprísin hjá Carl og Anne Marie Nielsen, hann hevur fingið starvsløn frá Statens Kunstfond fyrr í ár, og hann fekk eitt árs starvsløn frá Mentanargrunninum. Nú hevur hann framsýning í Steinprenti, har tilfarið hevur stóran týdning eitt nú stál, gips og pappír. Framsýningin kallast Tell it to my heart.

Jóhan Martin Christiansen: Sig tað við mítt hjarta

Stórar útbyggingar eru gjørdar av vøllinum og ítróttarøkinum við Djúpumýru í Klaksvík. Vit fáa eina rundvísing í nýggju umstøðunum. "Tell it to my heart" er heiti á framsýning hjá Jóhan Martin Christiansen í Steinprenti. Vit hitta Jóhan Martin til eitt prát um listina og hansara ávísing til 80 árini. Og so eru nøkur 80'ara løg at hoyra í sendingini. Hoyr alla sendingina her.

Nón 6. oktober 2021

- Vit hava tosað um hetta í fimtan ár, og vit blíva við at tosa um tað, men tað hendir ov lítið, sigur Runa Preeti Ísfeld. - Hóast vit skriva 2021, so duga vit sum samfelag ikki nógv væl at taka ímóti tilflytarum. Vit hava ongar skipanir, sum kunnu stuðla hesum fólkunum, ið flyta higar - og serliga ikki teimum, ið hava útbúgvingar, sigur Elisabeth Holm. Runa Preeti Ísfeld og Elisabeth Holm hava báðar granskað í kvinnum, sum eru fluttar til Føroya.

Útlendskar kvinnur sleptar upp á fjall

Fleiri enn 400 kvinnur úr asiatiskum londum búgva í Føroyum, og tveir triðingar av teimum hava hægri útbúgvingar, men arbeiða í ófaklærdum størvum. Hví koma tær hendanvegin, og hví kann føroyska samfelagið ikki brúka teirra førleikar betri? Vit tosa við Elisabeth Holm og Rúnu Preeti Isfeldt, sum hava granskað í innflytarum, førleikum og fordómum.

Nón 4. oktober 2021

Nón er løtan á degnum um trítíðina seinnapart, og tá fer útvarpið at senda beinleiðis útvarp, kryddað við reportasjum, frásagnum og kjaki.   Nón er ein magasinsending, har mentan og samfelag eru karmar um upplýsing, uppliving og undirhald.  Nón verður send týsdag, mikudag og hósdag frá klokkan trý til fimm í útvarpinum.

hubhopper

Nón

hubhopper