Magni Christiansen er countrysangari. Hann sigur frá, hvat aðalmálið er við sanginum. Í februar setti hann sær fyri at syngja í øllum teimum 61 kirkjunum í Føroyum og hann rakk málinum.

Credo

Credo :" Her glaður eg ferðist."

Bjarni Arge er miðlafrøðingur og undirvísir í hesum. Vitan er vald. Er tað socialu pallarnir, sum stýra, hvat vit vita og halda. Eru tað logaritmurnar, sum dána okkum og er okkara demokrati sostatt í vanda ? Vit leita javnt og savnt eftir sannleikanum, her og har. Verða vit drigin uppá tráð av socialu miðlunum og enda vit bara at hoyra ekkó av okkum sjálvum. Er loysnin at leita upp fólk, sum vit eru rúkandi ósamd við og soleiðis varnast aðrar áskoðanir og ber til tá at síggja allar nuansur í eini søk. Ella vilja vit bara váttast í okkara fordómum ?

Credo: Leita eftir teimum, sum tú ert ósamdur við.

Justinus Eidesgaard hevur tveir føðingardagar. Annar, tá hann varð borin í heim og hin, tá hann varð endurføddur. Fyri tretivu árum síðani stóð illa til hjá Justinus. Hann var bundin av rúsdrekka og hann orkaði ikki at liva. Eitt kvøld fór hann á knæ og tá hevði hann eina guddómliga uppliving, tí Jesus tosaði við hann. Síðani tá hevur hann sannað, at alt er av náði og at øll menniskju eru fevnd av Guðs kærleika.

Credo: "Tú ert elskaður".

Gestur í Credo er Tummas Kannuberg, sum er guðfrøðingur og námslektari á Fróðskaparsetrinum. Vit syngja, at "kirkjan hon er eitt gamalt hús, stendur um tornini falla", men ger hon tað ? Sagt verður, at vesturheimurin er við at verða avkristnaður. Kristnu virðini hvørva og vit tøma okkara siðir fyri Guð.

Credo: Kirkjan hon er eitt gamal hús

Bogi Lydersen hevur arvaliga sjúkuna Cystisk fibrosa. Hetta er sjúka, sum loypir á lungu, maga tarm skipanina og brisið. Hann hevði trupul barnaár og var ofta inni á sjúkrahúsi og verið deyðanum nær. Hann hevur ákært og spurt Guð, hví júst hann skuldi fáa so tungan kross at bera. Í dag hevur hann gott lív og er takksamur fyri øllum, sum vísindin og læknaheimurin megnar. Men omanfyri og undir øllum, sigur Bogi, eru Guðs hendur, sum hann kennir seg hvíla í.

Credo: Guð eigur lívið í mær.

Steintóra Gleðisheygg Joensen er nýggjur prestur í Havn. Hon sigur frá sínum barna og ungdómsárum, áhugamálini eru mong og eisini er hon listarkvinna. Í lestraárunum hevur hon eisini eitt tíðarskeið lisið á Yale og skrivað ritgerð um "feministiska teologi".

Credo: Eg vildi verða prestur.

Hvussu handfara vit okkara fortíð ? Og hvør skal avgera, hvat vit skulu minnast og hvussu vit minnast søguna ? Er tað rætt at gera upp við fortíðina, at reinsa og koyra alt burtur, sum hevur verið ? Enda vit tá sum søguleys, sum tongil í brimi ? Verjuleys ? Skulu vit ikki hava sokallaði "denkmal", støð og hendingar og standmyndir, har vit steðga á og hugsa ?

Credo : Hvussu handfara vit okkara fortíð ?

Svein Askildsen hevur skrivað bók "Han satte hende fri" um kvinnuna í Skriftini. Hann sigur, at Jesus hevur við orðum og gerningum sett kvinnuna í frælsi av teimum byrðum, sum samfelag og átrúnaður hava lagt á kvinnuna.

Credo: Kvinnan er sett í frælsi.

Koronutíðin hevur verið og er enn serstøk. Fáur mann hava hugmyndað sær árið, sum fór. Ymiskt er komið undan kavi, sum vit ikki hava varnast áður. Men kunnu vit sum samfelag og tjóð fyrireika okkum til komandi farssóttir ? Tí farssóttir koma og fara. Winston Churchill segði, at mann skuldi ikki lata eina kreppu fara fyri skeytið. So hvat er til ráða at taka ? Jógvan D. Hansen, lærari í heimsspeki, er gestur í Credo.

Credo: Hvussu raðfesta vit í koronutíðum ?

Jakob Fauerby er danskur sjónleikari. Hann varð rættiliga kendur, tá hann dansaði saman við Silasi Holst í kappingini "Vild med dans" og teir vunnu. Hann er ambassadørur í Neyðhjálp Fólkakirkjunnar og hevur altíð verið aktivur í kirkjuni. Hann heldur at vit hava gloymt borgarligu dygdirnar at vera høvisk og hava jaligan málburð. Jakob hevur eina sokallaða ælabogafamilju, tí hann er giftur Anders og saman við Rebekku eiga teir Onnu.

Credo: Vit eru øll menniskju.

Jóhan Petur Johannesen hevur siglt við Mercy ships í hálvt fjórða ár. Hetta er flótandi hospitalskip og har verður veitt ókeypis viðgerð til túsundavís av menniskjum hvørt ár. Mercy ships er ein altjóða hjálparfelagsskapur, sum frá einum sjúkrahússkipi, Africa Mercy, hjálpir menniskjum í nøkrum av heimsins fátækastu londum. Allar viðgerðir eru ókeypis fyri tann sjúka og tað er uttan mun til mentan, kyn ella religión.

Credo: Africa Mercy

Pól Sundskarð broytti alt lívið hjá sær í 2014. Hann valdi at fara annan og øðrvísi veg við øðrum vanum. Hann fór smátt um smátt at renna og megnaði at klænka um 30 kilo. Síðani hevur hann runnið yvir 5000 km. um árið og eina rúgvu av Maraton. Eisini hevur hann ferðast upp allar fjallatindar kring landið fleiri ferðir. Hann hevur nú skrásett øll fjøll og allar varðar og hevur í umbúna at skjalfesta týdningin av bygdagøtunum, áðrenn vegirnir komu.

Credo: Mørk kunnu og skulu flytast

Nøkur av teimum, sum yvirlivdu ræðuleikarnar í nazitýskalandi, hava skrivað bøkur um hetta. Primo Levi skrivaði bókina "Um hetta er eitt menniskja", tí hvat hendir, tá menniskju koma í umstøður, har ongin moral ella etikkur er, har alt verður tikið frá tær og tey fara við tær, sum vart tú eitt djór. Pól Huus Sólstein hevur lisið nógvar av hesum bókmentunum og herfyri hevði hann grein í føroysku bløðunum um hesa ræðuligu tíð og hvussu nøkur av teimum, sum yvirlivdu týningina, hava roynt at sagt frá hesum dýpi av ófatiligum óndskapi.

Credo : Ecce homo !

Hví hava vit iva og skepsis mótvegis serfrøðini, hví daga løgnar konspiratíonshugsanir undan ? Hevur fólkið ræðið ? Ella skulu vit hugsa um orðini hjá Platon at "tað er ørskapur at óvitandi fólk skulu stýra" ? Sæst bara polarisering millum fólkið og serfrøðina ella er polarisering eisini millum serfrøðingar ?

Credo: Fólkaræði og serfrøðingaveldi.

Theodor E. D. Olsen er stamari. Hann sigur frá, hvussu tað var, tá hann var barn og hvussu hann hevur fingið hjálp. Lætt er at happa onnur og flenna eftir og finna nirðandi orð, sum mann sá, tá Joe Biden og Trump vóru í hólmgongu. Joe Biden er stamari og besti háttur at typpa stamaran er at bróta av og síðani finna nirðandi orð um persónin.

Credo: Orð skapa tað tey siga.

Ljós verður varpað á lív og menniskju, teg og meg, etikk, filosofi og moral, kirkjur og samkomur, átrúnað her og úti, og prát við menniskju. Vertur: Armgarð Arge

hubhopper

Credo

hubhopper