Í þættinum er að þessu sinni rætt við Skúla Pálsson heimspeking og kennara sem nýlega sendi frá sér ljóðabókina Rímur af stígvélakisu með myndum eftir Karl Jóhann Jónsson. Inn í viðtalið fléttast upptökur úr útgáfuhófi bókarinnar 2. október 2021 þar sem hluti rímnabálksins var kveðinn af kveðöndum úr kveðandahópunum Rímþursar og frenjur sem hefur starfað um nokkra hríð undir strykri stjórn og leiðsögn Dr. Ragnheiðar Ólafsdóttur. Þeir sem hér aðallega heyrast kveða eru Ragnheiður Ólafsdóttir, Sigrún Hjartardottir, Aðalsteinn Eyþórsson og Hermann Stefánsson. Þá er í þættinum sagt frá skáldsögunum tveimur sem Norðmenn tilnefna til Bókmenntaverðlauna Norðurlandaráðs. Marta Guðrún Jóhannesdóttir segir frá bókini, Det uferdige huset - Ófullgerða húsið eftir Lars Amund Vaage og Sunna Dís Másdóttir segir frá nýjjustu skáldsögu Vidisar Hjort Er mor död - Er mamma dáin. Lesarar eru: Rúnar Freyr Gíslason og Þórhildur Ólafsdóttir Umsjónarmaður: Jórunn Sigurðardóttir

Orð um bækur

Orð um ljóð um stígvélaðan kisu og sögur um illa gerð hús

Í þættinum er rætt við Ólaf Svein Jóhannesson sem nýverið sendi frá sér sína fyrstu ljóðabók, Klettur - ljóð úr sprungum. Einig er í þættinum sagt frá bókunum sem tilnefndar eru til Barna - og unglingabókmenntaverðlauna Norðurlandaráðs af Svíum. JS segir frá bókinni Jag och alla eftir Ylvu Karlsson og Söru Lundberg og Dagný Kristjánsdóttir segir frá skáldsögunu Afgönsku synirnir eftir Elin Person. Þá er einnig sagt frá tilnefningu samíska málsvæðisins til Bókmenntaverðlauna Norðurlandaráðs sem og tilnefningu Grænlendinga. JS segir frá ljóða bókinni Vokterens Morgen eftir Inga Ravna Eira og Sunna Dís Másdóttir segir frá skáldsögunni Naasuliarddarpi eða Blómsturdalurinn eftir Niviaq Korneliussen. Lesarar eru Þórhildur Ólafsdóttir og Halla Harðardóttir Umsjónarmaður: Jórunn Sigurðardóttir

Orð um ljóð um missi og ábyrgð og sögur um missi og fjölbreytileika

Í þættinum er rætt við skáldið og bókmenntafræðiginn Hauk Ingvarsson um nýja ljóðabók hans Menn se elska menn. Haukur les fáein ljóð úr öllum þremur bálkum bókarinnar. Þá eru í þættinum kynntar tilnefningar Norðmann til Barna - og unglingabókmenntaverðlauna Norðurlandaráðs. Jórunn Sigurðardóttir segir frá skáldsöguni Min venn piraten eftir Ole Krstian Löynning og Dagný Kristjánsdóttir segir frá skáldsögunni Alexander den store eftir Peter Strassegger. Í því samhengi heyrist í Kristínu Helgu Gunnarsdóttur tala um innflytjendur og bækur um þá. Brotið úr þættinum Bók vikunnar þegar fjallað var um bók Kristínar Helgu Vertu ósýnilegur. Lesari: Rúnar Freyr Gíslason Umsjónarmaður: Jórunn Sigurðardóttir

Ljóð um ást og hákarla og sögur flóttabörn og sjóræningja

Í þættinum er sagt frá Vorvindaviðurkenningum Ibby (International Board on Books four Youth) á Íslandi sem afhentar voru 19/9 sl. og féllu í skaut þeim Arndísi Þórarinsdóttur, Áslaugu Jónsdóttur og Kristínu Rögnu Gunnarsdótturauk 7. bekkjar Fossvogsskóla ásamt foreldrum þeirra. Þá er Einnig segir Dagný Kristjánsdóttir frá skáldsögunni Broarna eftir Sebastian Johans sem Álandseying tilnefna til Bókmenntaverðlauna Norðurlandaráðs sem og tilnefningu Færeyinga til sömu verðlauna og er ljóðabókin Ég skrivi á ett vátt pappír eftir Liv Mariu RóarsdótturJæger. Lesarar eru: Rúnar Freyr Gíslason og Aðalbjörg Árnadóttir Umsjónarmaður: Jórunn Sigurðardóttir

Orð um Vorvindar að hausti, ljóð á votum pappír og vesturfara

Hugað er að handritasafnaranum Þormóði Torfasyni sem Bergsveinn Birgisson hefur nýlega sagt frá í verki sínu Mannen fra Middelalderen eða Manninum frá miðöldum og nýrri skáldsögu sem von er á úr smiðju Bergsveins seinna í haust. Umsjónarmaður ræðir við Bergsvein um bæði verkin og Bergsveinn les jafnframt upp úr skáldsögunni Kolbeinsey sem bókaútgáfan Bjartur gefur út fyrir jól. Tilnefningar Finna til Bókmenntaverðlauna Norðurlandaráðs árið 2021 verða kynntar og lesarar þau Rúnar Freyr Gíslason og Þórhildur Ólafsdóttir lesa brot úr skáldsögunni Bolla eftir Pajtim Statovci og ljóðasafninu Autofiktiv dikt av Heidi von Wright eftir Heidi von Wright í þýðingu umsjónarmanns. Heidi von Wright heyrist lesa upp úr verkinu Autofiktiv dikt av Heidi von Wright en upptakan er fengin af síðu forlagsins Schildts & Söderströms. Brot úr laginu Love again af breiðskífunni Future Nostalgia í flutningi Bresk-Albönsku tónlistarkonunnar Dua lipa er flutt í þættinum ásamt titillaginu úr leiksýningunni Vertu úlfur í flutningi Emiliönu Torrini. Þættinum lýkur á stuttri umfjöllun um þær sex skáldsögur sem dómnefnd Booker verðlaunanna tilkynnti nýlega að hefðu ratað á svokallaðan stuttlista þeirra. Umsjónarmaður þáttarins er Marta Guðrún Jóhannesdóttir og lesarar með henni þau Rúnar Freyr Gíslason og Þórhildur Ólafsdóttir. Tæknimaður er Úlfhildur Eysteinsdóttir.

20.09.2021

Í þættinum er litið til nýafstaðinnar Alþjóðlegrar bókmenntahátíðar í Reykjavík og rætt við Óttar Proppé bóksala sem lengi hefur fylgst með bókmenntahátíð og Önnu Hafþórsdóttur rithöfund sem sækir sína fyrstu bókmenntahátíð. Einnig er rætt við Einar Kárason um nýja bók hans Þung ský og Einar les brot úr sögunni. Að lokum er svo sagt frá tilnefningum Dana til Barna - og unglingabókmenntaverðlauna Norðurlandaráðs en Danir tilnefna skáldsögurnar Vulkan eftir Zakiu Ajimi og Den russtne verden 3 - Ukrudt eftir Adam O. Lesari: Þórhildur Ólafsdóttir Umsjónarmaður: Jórunn Sigurðardóttir

Orð um bókmenntahátíð, forlög og flugslys, ungar manneskjur og lífið

Í þættinum heyrast fáein ljóð sem flutt voru á Freyðandi ljóðasíðdegi í Kringlusafni Borgarbókasafnsins 2. september. Vigdís Hafliðadóttir flytur ljóði Taugaboð á háspennulínu eftir Arndísi Lóu Magnúsdóttu. Þá flytja Brynja Hjálmsdóttir upphaf enn óútkominnar ljóðabókar sinnar Kona lítur við, Dagur Hjartarson flytur ljóðið úr ljóðabók sinni Fjölskyldulíf á jörðinni og Júlíu Margrét Einarsdótir ljóð sem hún birti í ljóðabréfi Tunglsiins forlags. Þá var í þættinum stiklað á milli noikkurra þeirra höfunda sem árið 2021 eru gesti Alþjóðlegrar bókmenntahátíðar í Reykjavík 2021 stendur yfir frá 8.til 12. september 2021. Í þeim stiklum heyrist í Þórarni Eldjárn - upptaka frá útgáfuhófi bókarinnar Til í að vera til og brot úr viðtali við Þórarinn í tengslum við tilefnið sem var 70 ára afmæli skáldiins.Þá er lesið brot úr skáldsögunni Dauðinn er barningur eftir Kahlid Kahlini í þýðingu Eísu Bjargar Þorsteinsdóttur. Einnig heyrsti í eftirfarandi rithöfundum og skáldum sem eru gesti bókmenntahátíða. Þetta eru María Elísabet Bragadóttir, Bergþóra Snæbjörnsdóttir og Gerður Kirstný. Upptökur þessar teknar úr ýmsum þáttum: Orð um bækur, Víðsjá og Svona er þetta. Að auki er í þættinum sagt frá tilnefningum Dana til Bókmenntaverðlauna Norðurlandaráðs en Danir tilnefna annars vegar lskáldsöguna Scandinacvian Stsar. Del 1: Penge på lommen (Scandinavian Star, fyrsti hluti . Peningar í vasanum og jóðabókina Mit smykkeskrin (Skartgripaskríði minn) eftir Ursulu Andkjær Olsen, sem Halla Oddný Óskarsdóttir fjallar um. Lesin eru brot úr báðum verkunum og sagt frá höfundunum. Lesara: Rúnar Freyr Gíslason og Þórhildur Ólafsdóttir Umsjónarmaður: Jórunn Sigurðardóttir

Orð um ljóð, hátíð, fleiiri ljóð, dónsk og skáldsögu um kapitalismanni

Í þættinum er rætt við Stellu Soffíu Jóhannesdóttur framkvæmdastjóra Bókmenntahátíðar í Reykjavík og Fanneyju Benjamínsdóttur verkefnisstjora um hátíðina sem hefst 8. september. Einnig er í þættinum sagt frá tilnefningum Finna til Barna - og unglingabókmenntaverðlauna Norðurlandaráðs 2021. Þetta eru annars vegar myndabókin Mitt bottenliv av en ensam axolotll eftir Lindu Bondestam og hins vegar unglingabókin Stormsumar eftir Siiri Enoranta. Lesarar: Gunnar Hansson og Rúnar Freyr Gíslason Umsjónarmaður: Jórunn Sigurðardóttir

Orð um bókmenntahátíð, tálknamöndru og unglinga á indígóflugför

Í þættinum er fylgst með því þegar Auður Aðalsteinsdóttir fagnaði útkomu bókar sinnar Þvílíkar ófreskjur, vald og virkni ridóma á íslensku bókmenntasviði.Þar heyrist í Jóni Ólafssyni heimspekingi og prófessor við HI. Einnig les Auður féin brot úr bókinni og rætt er við hana. Þá er í þessum fyrsta þætti haustisins byrjað að kynna bókmenntaverkin sem tilnefnd eru til Bókmenntaverðlauna Norðurlandaráðs og til Barna- og ungilingabókmenntaverðlauna Norðurlandaráðs og að þessu sinni hugað að tilnefningum Svía til fyrnefndu verðlaunanna. Sagt er frá nóvellunni Strega eftir Johanne Lykke Holm og frá smásagnasafninu Renhet eftir Andzej Tychí. Lesarar í þættinum eru Þórhildur Ólafsdóttir, Davíð Kjartan Gestsson og Kristjana Arnarsdóttir

Orð um bókmenntagagnrýni og skáldsögur um fólkið á jaðrinum

Í þættinum er litið inn í útgáfufögnuð Bjarkar Þorgrímsdóttu sem þann 26. mai fagnaði útgáfu nýrrar ljóðabókar Hún sem stráir augum. Einnig er rætt við Ingibjörgu Hjartardóttur sem nýverið sendi frá sér fimmtu skáldsögu sínaJarðvísindakona deyr og síðast en ekki síst er rætt við Margréti Tryggvadóttur sem 27.mai 2021 tók við Verðlaunum Guðrúnar Helgadóttur fyrir fyrstu skáldsögu sín Sterk sem fjallar um transstelpuna Birtu sem nú er komin til Reykjavíkur til að vera hún sjálf og má komast að raun um að þau eru fleiri í kringum hana sem ekki og kannski aldrei fá tækifæri til að vera þau sjálf og lifa óhrædd og kvíðalaust. Birta flækist með öðrum orðum í alvarlegt sakamál. Umsjón: Jórunn Sigurðardóttir

Orð um ljóð, skáldsögu um ást og vísindi og skáldsögu um transungling

Í þættinum er rætt við Friðrik Rafnsson um skáldsöguna Í landi annarra eftir marókóskfranska rithöfundinn Leilu Slimani einnig rætt ögn um bókmenntir höfunda frá fyrrum frönskum nýlendum og um Milan Kundera sem skrifar á frönsku þótt tékkneska sé hans móðurmál. Einnig er í þættinum rætt við annan af tveimur sigurvegurum í handritakeppni Forlagsins Nýjar raddir, Einar Lövdahl en í síðustu viku kom smásagnasafn hans Í miðju mannhafi út sem og bók hins verðlaunahafans.

Orð um nýja rödd og aðra framandi

Í þættinum er rætt við Rúnar Helga Vignisson prófessor við íslensku - og menningardeild Háskóla Íslands og umsjónarman námsleiðar í ritlist við Hí um stöðu íslenskunnar í skáldskap. Rúnar Helgi birti nýlega grein í bókinni The Place and the Writer þar sem 17 höfundar frá um það bil jafnmörgum þjóðlöndum skrifa um ritlist sem kennslugrein. Rúnar Helgi kallar grein sína Teaching Creative Writing in a Threatened Language eða að kenna skapandi skrif á tungumáli í hættu. Þá er í þættinum blaðað í nýjasta hefti Tímarits Máls og menningar en þar er að finna bæði skáldskap og greinar eftir íslenska höfunda sem eiga sér annað móðurmál en íslensku. Lesið er brot úr hugvekju Evu Marcnik og úr grein kúrdísk/sænska rithöfundarins Memed Uzun „Harmur aðskilnaðarins“ um það að endurfæðast sem rithöfundur á nýju tungumáli. Einnig heyrist eitt erendi úr ljóði Bergsveins Birgissonar sem hann flutti þegar lagður var hornsteinn að húsi íslenskra fræða. Lesarar: Katrín Ásmundsdóttir og Leifur Hauksson Umsjónarmaður: Jórunn Sigurðardóttir

Orð um efnivið skáldskapar, umhverfið og orðin, staði og tungumál

Það er farið aldanna á milli um lendur bókmennta og skáldskapar í þættinum. Rætt er við Arndísi Þórarinsdóttur sem nýlega sendi frá sér skáldsöguna Bál tímans þar sem sjálf Möðruvallarbók, skinnhandrit frá þrettándu öld segir sögu sína. Arndís les líka brot úr sögu sinni. Þá er í þættinum rætt við Kjartan Ragnarsson sem nýlega sendi í eigin útgáfu frá sér sína fyrstu ljóðabók sem ber titilinn Here We Are og er eru ljóðin í bókinni öll ort á ensku. Í upphafi þáttarins má svo heyra Hauk Ingvarsson lesa brot úr ljóðabálki sínum Úr höfði himinn sem Haukur las á ljóðakvöldinu Apríl er ljúfastur mánaða sem Svikaskáld gengust fyrir í Gröndalshúsi á sumardaginn fyrsta. Ljóðabálkurinn birtist svo í heild sinni í Ljóðabréfi No 4 nýverið.

Ný íslensk bók og gömul íslensk bók

Í þættinum rifjaðar upp samkomur tvennra tíma. Annars vegar rifjuð upp útgáfuhátíð í tilefni endurútgáfu ævisögu Látra-Bjargar í nóvember síðastliðnum þar sem var kveðið, leikið á hljóðfæri og framkvæmdur galdur þrátt fyrir að enginn mætti mæta nema flytjendurnir. Í þættinum heyrist Ragnheiður Ólafsdóttir kveða tvær vísur Látra-Bjargar, Aðalsteinn Eyþórsson fremja galdur og barokkkvartett strengjasveitarinnar Reykjavík Barokk lék Largokaflann úr strengjakvartett Magdalenu Lombardini Siermen sem var samtímakona Bjargar suður á Ítalíu. Þá heyrum við upptöku sem gerð var þann 29. mars árið 2018. Þá var öldin önnur og hægt að halda fjölmenna búrlesk ljóðahátíð í Iðnó í Reykjavík. Í upptökunni heyrist í Gunnari Helgasyni, ljóðskáldunum Jóni Erni Loðmfjörð, Úlfi Fenri Lóusyni, söng - og blaðakonunni Brynhildi Björnsdóttur og Nönnu Gunnarsdóttur eiganda viðburðafyrirtækisins Huldufugl. Eftirfarandii lásu upp ljóð: Úlfur Fenrir Lóuson; Sjón sem las úr Dagbók eldgleypinsins úr bókinni Reiðhjól blinda mannsins frá 198 og ljóðin Sjálfsmynd ; Um gullgerðarmanninn úr sömu bók. Nanna Gunnarsdóttir sagði auk þess frá fyrirbærinu Rauða skáldahúsið. Þá flutti Ragnheiður Erla ljóðið Komdu og ljóðið Stefnumót. Friðrik Pedersen flutti ljóð sitt Myrkrabragur. Að lokum var í þættinum rætt við Sigurlaugu Diddu Jónsdóttur ljóðskáld með meiru og hún flutti nokkrar hendingar úr nýrri bók sinni Hamingjan. Umsjónarmaður: Jórunn Sigurðardóttir

Orð um hamingjuna, kraftaskáldskap og rautt skáldahús

Í þættinum er að þessu sinni sagt frá tveimur þýskum skáldsögum sem eru nýkomnar út. Þetta er annars vegar skáldsagan Um endalok einsemdarinnar eftir þýsk/svissneska rithöfundinn Benedict Wells og hins vegar höfundur skáldsögunnar Uppruni eftir Sasa Stanisik báðar í íslenskri þýðingu Elísu Bjargar Þorsteinsdóttur. Sagt er frá bókunum og höfundum þeirra, lesin brot úr þeim og rætt við þýðandann Elísu Björgu. Lesarar í þættinum eru Gunnar Hansson og Kristján Guðjónsson. Umsjónarmaður: Jórunn Sigurðardóttir

Orð um tvær nýjar þýskar skáldsögur um minni og minningar

Orðanna origami á Rás 1. Hugað að öllu mögulegu á sviði bókmenntanna.

hubhopper

Orð um bækur

hubhopper