Fir déi 20. Nuit des Musées huet de City Museum eis op d'Leit lassgelooss – an hei ass de Best of vum Podcast-Marathon aus eiser neier Stuff! Um Sëlwertablett ginn et international, sympathesch an engagéiert Gäscht, déi deelweis schonn en Hallefmarathon hannert sech haten, ier si mat eis iwwer hier Highlights vum Owend a vun der nächster Zäit geschwat hunn. Wou, wann net hei, geet et an enger eenzeger Sendung ëm musikalesch Planzen, Saachbeschiedegung a Louis Vuitton? A schounungslos investigativer Manéier hu mir Essentielles diskutéiert, ewéi zum Beispill: Ass Lëtzebuerg amfong Bielefeld? Kann e Musée sexy sinn? Dierf een alles upaken? A wou ass eigentlech d'"Gëlle Fro"? Tatsächlech gouf dat Eent oder Anert awer och méi seriö beschwat an et si Fënsteren zur Konscht- a Muséeswelt opgemaach ginn. Maacht iech prett fir e perfekte Mix aus Geschicht, Glamour a Chemtrails mat Paus. aus der #MuseTechLounge!

Paus.

#59 Dee mat der Nuit des musées

Einen haben wir noch... live aus de Rotonden a featuring Cargolux, Luxair an Qatar Airways. Wir haben vom Feeling her ein gutes Gefühl, well haut ginn et Indian Summer vibes mam Hans Dampf in allen Gassen: dem Mil! Et gi geplatzte Bommen aus der Lëtzebuerger Musiksszeen, eng Grëtz Aggressioun a villes, wat am Fussball schief leeft. Och d'Stars a Stärercher kommen nees net ze kuerz: Wat hunn de Maale Gars an d'Beyoncé gemeinsam? Wat hu Slipknot mam Verschwannen vum Yannick sengem Handy ze dinn? A wee vun eis huet engem Promi säi Rank verluer? Dir wëllt professionell Social Media Analysen, en Ausfluch an d' Stater Nuetsliewen a Kölner Kebab? A lass sot déi Al! Huelt iech e Steak de cheval, ditt d'Zara-Jackett un a maacht déi (elo awer wierklech) lescht Summerpaus mat eis. #merciPaulette

#58 Dee mam Mil

Are we the drama? Is it us? Ënner Zäitdrock hunn är Stressicas haut e pitch(er) perfect Gespréich mat kengem aneren ewéi dem Dr. Dr. Mina Lebowitz – the voice of her generation. Wéi lauschtert ee Paus. richteg? Stierwen Podcasts elo aus? Ass d'Nicki Minaj amfong vu Lëtzebuerg? Virun enger legendär-rockeger Kuliss ginn et Impfgéigner-Tipps, moudesch Generatiounskonflikter a vegan Geforen. Mat dobäi sinn och hallef Affekoten a ganz Bildungs-fails, OBVIOUSLY deen een oder aneren Anglizismus esou wéi dat Bescht an dat Schlëmmst vun de Generatiounen Y an Z.

#57 Dee mam Mina

Zu Vino sagen wir nie "no"... an dofir si mir on tour op der Musel! Bei eise Kolleege vu Schumacher-Knepper gëtt et Hollywoodglamour mam Marty McFly an der Prinzessin Leia. Wéi et dëst Joer mat de Wënzerfester ausgesäit, weie Promiwäin sech just als Esseg fir d'Zalot eenegt a wéi engem VIP-Wënzer ee wierklech traue kann – hei gitt dir ët gewuer. Dir kennt "AOC" nëmmen aus dem US-Kongress a "SolidAHRität" ass iech kee Begrëff? We've got you! Ass Crémant besser ewéi Schampes? Staamt de Yannick aus enger Wënzer-Dynastie? Wéi eng Edel-Tropfen sinn "Pittscholi" an "Fernsehwäin"? A wäert d'Jill jeemools de richtege Wäisswäin kafen? Froen iwwer froen, an deelweis esouguer Äntwerten drop – haut bei Paus.! #PinotGrisgeetëmmer

#56 Dee mam Schumacher-Knepper

Summer-Paus. ass fir déi aner – hei gëtt et e klenge Special zu allem, wat an der (méi oder manner) waarmer Joreszäit (méi oder manner) wichteg war. Niewebäi gëtt och nach mat engem gudden Téi op 2 Joer Podcast ugestouss. #humble #blessed Tëschent pedagogesche Korypheen a Metal of the Unicorns ginn et net just déi hottest Summertipps, animalesch Interluden an Hip(po) Kanner, mee och alles Wichteges zum Thema Olympia (vun a mat de Sportexperten äres Vertrauens). An och dës Kéier gëtt net viru grousse Froen zeréckgezéckt: Ween ass déi neisten Voice of Luxembourg? Mat wéi engem Fussballclub war d'Jill an der Vakanz? A ween ass eigentlech den Amnai Chamalan?

#55 Dee mam Summerupdate

#54 Dee mam Ophalen

"I just think that sports are stupid.", fir et mam Amy Schumer ze soen... De Béla Réthy an de Marcel Reif vun der Podcast-Szeen analyséieren haut fir iech d'Konzept Fussball, gymnastesch Fashion-Highlights an NFL-Stippis. Mat dobäi sinn och Ungarn an Däitschland, en expressiven Nacho, Pixar-Waasserkreaturen an d'Chipmunks. Et geet zwar net ëm Abseits oder Foul, dofir awer em essentiell Froen: Wéie Rapper ass warscheinlech faarweblann? Wat ass en "Apple Gender"? A firwat huet Fussball eis Perséinlechkeet zerstéiert?

#53 Dee mam sportleche Pride Month

Och dës Kéier gëtt et eng five hundred twenty five thousand six hundred minutes laang Folge zu Éieren vum Breitmann! Nom Motto "esouwäit ech mech ieren..." gëtt den Themen Linguistik, Filmwëssenschaft an Soziologie op den Zant gefillt. Ob Erzéiung mat Telefonsbicher, d'Entwëcklerin vun der Triggerwarnung oder och de Romain als Gucci-Designer – äre Bildungspodcast geet nees dohin, wou et wéideet. Mat um Dill sinn Powerfraen a Superhelden, Pride-Botter, de Bildungsministère, Reebou-Lanzen an eisenhalteg Vampirjägerinnen.

#52 Dee mam Queer Coding

Är Lieblings-Castaways presentéieren iech haut den offiziellen Apero zum Pride Month. De Yannick offenbart, firwat d'Gemeng schold u senger sexueller Orientéierung ass and d'Jill ass insgesamt aggressiv. Ob LNS oder ZLS, 80er Filmclassics oder Instrumenter*innen (Witz in honor of Thomas Gottschalk) – den Gendergap vun de Podcasts deckt nees knallhaart Wourëchten op. Trotzdeem bleift nach Zäit fir nei Verschwörungstheorien zu Germany's Next Topmodel a Leit ouni Stréckelen. Maacht iech prett fir en héichintellektuellt Gespréich iwwer Geschlechter, Genderen an d'Danielle-Marianne-Georgette. Hei ginn déi Froe gestallt, déi wéidinn: Ass en Hetero Pride Month laang iwwerfälleg? Versaut d'Genderen wierklech eist schéint Lötzaboiescht? Fir et mat de Wierder vum Sprooch-Verfechter a postmoderne Poet Hans Peter Baxxter ze soen: "Sunshine in the air, We're breaking the rules, Ignore the machine, You won't ever stop this."

#51 Dee mam Gender

Started at „Belle Etoile“, now we’re here… Säit mëttlerweil 50 Episoden gëtt mat angeneemem Dezibelwäert an enger grousser Portioun Bescheidenheet iwwer alles an näischt diskutéiert an Dommheet gesellschaftsfäeg gemaach. Zouverlässeg minimal zäitverzögert per Videokonferenz analyséiere mir de grandiose Succès vum aflossräichste Podcast aus dem Land, schwätzen iwwer Highlights a méi oder manner realistesch Zukunftspläng. Nieft Spannung, Spill an enger Extraportioun Aggressioun kommen haut och Paus.-Ultras a Kolleegen zu Wuert an et geet em Déifgrënneges ewéi Toilettëpabeier an Drag Queens mat H. Maacht iech prett fir näischt manner ewéi Geständnisser, perséinlech Erkenntnisser an emotional Ausbréch, well et ass Zäit fir e ronne Jubiläum!

#50 Dee mam Fofzegsten

Haut gëtt et gläichermoossen flott a penibel – also alles ewéi ëmmer. Nom Motto „Sief e bëssen voller Wëssen“ gëtt dem Cro säi musikalescht Parallelliewen opgedeckt, e Paradigmenwechsel am Virnumm-Game diskutéiert a skandaléisen dog shaming thematiséiert. Et gëtt vläicht eng nei lëtzebuergesch Supergroup, the return of Bobby Ferreira an e grousse Kategorie-Comeback mat intellektuellem Gaaschtoptrëtt. Plus: Aarbecht fir eis geschätzte Nolauschterer, Pizza-Diskussiounen a Musicals esouwéi och musikalesch Stëmmungsopheller, den trashegsten Trash a Fernsehohrwürmer.

#49 Dee mat de (guilty) pleasures

Paus. ass operstanen a kënnt mat enger Episod a "Wetten Dass"-Längt ëm den Eck. Haut ginn et net just extra vill zäitlech Verzögerungen (#Internetverbindung #ondiraitlesud) mee dir gitt esouguer gewuer, firwat d’Jill eng Mëschung vum Lana del Rey an dem Henry VIII. ass a wei eng vläicht 10 Meter grouss Iwwerraschung de Yannick huet. Mat dobäi sinn och asiatesch Philosophien, eis fantastesch Nolauschterer a fashion icons aus der franséischer Literatur. D'literarescht Duett eures Vertrauens liwwert iech d' Must-reads vun 2021, mat Leidenschaft gehaasste Klassiker a Bicher, di mir ni fäerdeggelies hunn. Disclaimer: Mir wëssen natierlech, dass „Hurt“ vun de Nine Inch Nails ass, mee déi eenzeg richteg Versioun ass vum Johnny Cash (let’s be honest here).

#48 Dee mat de Bicher

Wir sagen einfach "hello"! Mat mindestens engem 5. Sënn fir Mentalisten, déi wéi Schauspillerinnen ausgesinn a Social Media Kommentarer vu blonden Ikonen gëtt et haut nach méi onerklärbar ewéi soss. Dir gitt gewuer, wat geschitt, wann den Zirkus an der Staat ass, weie legendäre Reality TV-Moment ee net dierf verpassen a firwat mir ab elo "Paus - de Relativiéierungspodcast" sinn. Mir prophezeien och eng nei Rubrik, bäissend Nuesen a lëtzebuergesch Ausdrocksschiweregkeeten.

#47 Dee mat der Spiritualitéit

Mais âllo quoi? Haut gëtt et d’„Sendung mit der Paus.“ zum Thema „Manéieren“ am XXL-Format. Enner anerem gëtt Knigge-konform iwwer Reflux-Schwieregkeeten, Frisureprobleemer a Schong-Diskussiounen geschwat. Mir këmmeren eis och ëm Racheakter am Eenzelhandel an Gender Struggles um Dësch an um Tennis. Alt erëm kommen och Froen op, ewéi zum Beispill: Wéi heescht dem Jeannie säi béisen Zwilling? Firwat si mir vläicht geschwënn e Bréifpodcast? Wéi eng béis Nopesch ass eng grouss Inspiratioun? Ween zerstéiert d’englesch Monarchie? An: Mierkt d’Welt tatsächlech elo eréischt, dass Fraen sech oft onwuel fillen?

#46 Dee mat de Manéieren

U k, hun? Et ass d'Zäit vun de verluerene Nerven, Rëss an de Schosselen, geistiger Umnachtung & people losing their shit. Dofir ginn an dëser Folg parlamentarësch Froen zu Reinigungsfachkräften, Drag Race, Fluglinnen mat Existenzängscht an Impfungs-"Hunger Games" gestallt. Mëssverständnesser mam Bob, mental Totalausfäll mam Mohammed a Computertipps ginn et nach on top. Plus: e klengen Äddi un de grousse Fausti. #HauptsacheAlessiogehtsgut #ondiraitlesud #justiceforFausti

hubhopper

Paus.

hubhopper