De Manktem un Elektrobaudeeler suergt bei den Autohiersteller fir en Hick, Porsche entwéckelt den digitalen Zwilling, äiseg Temperaturen erënneren eis un d’Wanterpneuen a Lancia versprécht den Delta zeréck ze bréngen. D’Automag-News mam Akim Schmit

RTL - Automag

Automag News, 18/10/2021 11:45

Am Automag vun haut steet en Offroad-Kombi aus Japan am Fokus: den Akim Schmit aus der Automag Ekipp war mam neien Subaru Outback ënnerwee an huet sech de Kombi fir de rauen Terrain méi genee ugekuckt.

Automag: Subaru Outback, 11/10/2021 11:45

Virun 2 Joer stoung op der IAA zu Frankfurt bei Hyundai en Auto als Prototyp, deen elo quasi 1:1 en Serie gebaut an am Showroom steet. De Modell Ioniq. A genee dee Ioniq 5 als rengen Elektro Auto koum elo an d’Automag Redaktioun. De Christian Schmit huet dierfen hannert de Volant.   

Hyundai Ioniq 5, 07/10/2021 16:15

Camper a Caravannen si beléift wéi ni virdrun. Geschätzten 1,5 Milliounen Exemplaire sinn eleng op däitsche Stroossen ënnerwee. D’Liwwerzäiten déi deelweis bis an d’Joer 2023 ginn, brénge mat sech dass och Occasioune ganz séier de Besëtzer wiesselen. Mee wéi kann ech sécher sinn dass dee Camper oder di Roulotte och an der Rei sinn? Dat war och en Thema um leschte Caravan-Salon. De Christian Schmit mat Detailer.

Caravan a Camper Gebrauchtwagen Check mam ADAC, 04/10/2021 11:45

War dir de Summer dann och e bëssche fort? Eise Mann aus der Automag Redaktioun, de Christian Schmit dee war, an hat sech iwwer de Summer e klengen Dram erfëllt. D’Amalfitana selwer erfueren. Dat ass eng Panorama Streck am Süde vun Italien, déi zu schéinsten an der Méditerranée zielt. Klengt no Bella Italia an Dolce Vita, oder? 

Ënnerwee op der Amalfitana, 27/09/2021 11:45

Et gëtt se nach, d’Petrolheads mat Bensinn am Blutt – a genee fir déi war ee vun de leschten Testautoe geduecht, nämlech de Mini Cooper S Cabrio. De Paul Origer huet sech och zimmlech iwwert den Testauto gefreet.

Automag: Mini Cooper S Cabrio, 23/09/2021 16:15

Knapps 30 a scho Propriétaire vu 60 Autoen. Dat ass eise Sujet haut am Automag. Wéi geet dat? Ze gesinn an der Manro Classic Kollektioun am Salzburger Land. De Christian Schmit war bis dohin, an huet di jonk Madamm mat de ville Gefierer kennegeléiert.

Manro Classic, Auto Musée a privater Hand, 20/09/2021 11:45

Wéi gesäit d’Zukunft vum Auto aus? Oder schwätze mer an e puer Joer nëmmen nach vu “Mobilitéit”? Genee doriwwer huet sech VW Gedanke gemaach an um Virowend vun der IAA 150 international Journalisten op München agelueden. Mat dobäi war och de Paul Origer aus eiser Automag-Redaktioun, dee sech iwwert den “New Auto” informéiert huet.

Automag: VW New Auto, 13/09/2021 11:45

D’IAA zu Frankfurt – dat war ee vun deene grousse Rendezvous’en an der Autoswelt, eng international Bühn fir Etuden an nei Modeller! An elo? D’Internationale Automobilausstellung ass op München geplënnert a gouf reduzéiert. Net nëmmen an der Unzuel vun Halen oder Autosmarken, mee och nach just op een Thema: Mobility. Wat et zu München ze gesinn an ze erliewe gouf, huet de Paul Origer eis matbruecht.

Automag: News, 09/09/2021 16:15

Citan a Sprinter, dat sinn zwee Mercedes Modeller aus der Kategorie vun den Utilitären. Bei deenen zwéi ginn et elo Neiegkeeten. Deen ee komplett nei, deen anere mat techneschen Evolutiounen. De Christian Schmit war op der Presentatioun zu a ronderëm Frankfurt mat dobäi. 

Mercedes Citan & Sprinter 4 X 4, 06/09/2021 11:45

Bei Seat sinn et déi Kleng, déi grousse Succès hunn an domat déi wichtegst Modeller an der Gamm sinn. Rieds geet vum Ibiza an dem klengen SUV-Brudder Arona. Si goufen am Kader vun engem Facelift allenzwee opgefrëscht – wat genee nei ass, huet de Paul Origer fir eis op der Presentatioun zu Bilbao erausfonnt.

Automag: Seat Ibiza & Arona, 02/09/2021 16:15

Viru kuerzem hat Porsche op den Hockenheimring invitéiert. Nämlech an de Porsche Performance Center deen do integréiert ass. Hei goufen et Informatiounen wat beim 2022 Taycan alles nei ass. De Rich Simon war fir eis mat dobäi, wou d´Nouveautéiten presentéiert goufen...

Automag: Test Porsche Taycan, 30/08/2021 11:45

An de News vun haut geet et em eng nei Hybrid-Motorisatioun beim BMW 5er. Als Basisversioun huet BMW nieft dem 545e a 530e elo viru kuerzem och e “klengen” Hybrid, de 520e lancéiert. Den Détail vun den Automag News an den Test vum 520e elo mam Paul Origer.

Automag: News, 26/08/2021 16:15

Den Toyota RAV4 war quasi mat ee vun de Grënner vun der Kategorie vun de Kompakt-SUV. Nieft engem Hybrid kritt een déi neiste Generatioun elo och als Plug-in-Hybrid. An deen huet den Andy Brücker aus de Automag-Ekipp fir iech getest.

Toyota RAV4 Plug-In-Hybrid, 23/08/2021 11:45

Am Automag vun haut dréint sech alles ëmt de gréissten SUV vu Skoda. No véier Joer Bauzäit krut den Kodiaq en éischte Facelift spendéiert. Wat et domat op sech huet wees den Akim Schmit aus de Automag Ekipp.

hubhopper

RTL - Automag

hubhopper