No der Coupe déi gëschter gespillt gouf, ass muer nees Zäit fir d´Championnat am Basket. De 5. Spilldag steet um Programm. Bis elo hunn zwou Ekippen alleguerten hir Matcher gewonnen. Nämlech Esch an Hiefenech, Rich Simon....

RTL - Rebound

Rebound, 15/10/2021 17:50

Am nationalen Häre Basket steet dese Weekend de 4. Spilldag um Programme.Am Rebound vun haut kuckt de Jeff Kettenmeyer awer och op den duebelen Spilldag zeréck an ee Stack Fielser ass elo mei niewt dem Terrain aktiv.

Rebound, 08/10/2021 17:50

Den Niveau vum Lëtzebuerger Dammebasket ass an de leschte Joren an d’Luucht gaangen. Dat huet engersäits dermat ze dinn, datt d’Ekippe gutt encadréiert sinn. Op där anerer Säit investéieren d’Clibb och an d’Dammen, andeem si genee wéi bei den Hären, professionell Spillerinnen engagéieren. Am Rebound geheit de Guy Seyler haut e Bléck op den Dammechampionnat:

Rebound, 01/10/2021 17:50

Am Rebound vun haut kuckt de Jeff Kettenmeyer mam Nationaltrainer Ken Diederich op de Championnat vun den Hären no vir.Am Journal um hallwer 7 ass et dann un den Dammen.

Rebound, 24/09/2021 17:50

Virun 2 Méint ass de Frank Arendt als President vum Basketclub Sparta Bartreng zréck getrueden. Wie soll d’Relève huelen? Fir vill Leit koum de just ee Mann a Fro : „de FOXI muss et maachen ». Gemengt war de Romain Hoffmann. Dee war schonn emol vun 2001 bis 2013 Sparta President. Duerno war hie Vize-President vun der Federatioun, hat sech awer mëttlerweil a seng wuelverdéngte Pensioun zréckgezunn. No enger Rei intensive Gespréicher  war de Romain Hoffmann bereet fir en neien Challenge, an en Dënsdeg op der Assemblée General gouf hien als neie President vun der Sparta gewielt. De Guy Seyler huet sech mat him ënnerhal:

Rebound, 02/07/2021 17:50

Am nationalen Basket sinn zanter leschtem Freideg all Decisounen gefall.No den Diddelenger Dammen konnten och d'Hären den Championstitel feieren.Am Rebound vun haut kuckt de Jeff Kettenmeyer op eng bal perfekt Saison vum Veräin aus der Forge du Sud zeréck.

Rebound, 25/06/2021 17:50

Gëtt Diddeleng den Owend Lëtzebuerger Basket Champion oder kann Esch d´Blat nach eng Kéier dréien? Dat ass d´Fro déi sech stellt. Den éischte Match vun der Final hunn déi Diddelenger op 9 Punkte gewonnen. D´Final vum Häre Championnat ass haut Thema am Rebound, deen Iech vum Rich Simon presentéiert gëtt....

Rebound, 18/06/2021 17:50

Am nationale Basket heescht den neie Champion bei den Dammen T71 Diddeleng.  Ob déi Diddelenger Hären do nozéie kënnen, steet nach an de Stären. Well déi nächst Woch ginn d’Finalen eréischt gespillt.An do kennt den T71 mol säi Géigner nach net. Et ass entweder de Basket Esch, oder d’Etzella. Am Rebound riskéiert de Guy Seyler e Pronostic:

Rebound: Decisiv Halleffinal, 11/06/2021 17:50

Am nationalen Damme-Basket fält muer den Owend an der 3. Titelfinal d’Decisioun, wie sech d’Meeschterkroun 2021 kann opsetzen. D‘Meedercher vun Diddeleng, oder awer déi vu Walfer.Mat där Fro beschäftegt sech de Guy Seyler ënner anerem am Rebound vun haut:

Rebound, 04/06/2021 17:50

An der Serie vun "Best of Three" féiert an der Final vum Championnat bei den Dammen, Walfer mat 1-0 géint Diddeleng. Muer ass den zweete Match. Am Fall vun engem Succès vun der Residence, géif den Titel op Walfer goen. Dat ass Thema haut am Rebound, deen iech vum Rich Simon presentéiert gëtt...

Rebound, 28/05/2021 17:50

Am nationalen Damme Basket steet zanter gëschter d'Finale vum Championnat fest.Walfer hat sech jo schonns de leschte Freideg qualifizéiert, Diddeleng huet et quasi ouni ze spillen gepackt.Am Rebound vun haut kuckt de Jeff Kettenmeyer zeréck ma och schonns no vir.

Rebound, 21/05/2021 17:50

Am Rebound ass haut een Dammentour ugesot. Et dréit sech nämlech alles ëm d´Halleffinalle vum Championnat. Do decidéiert sech haut, wat fir eng Ekipp deen éischten Ticket kritt fir an d´Finall. De Rebound gëtt iech haut vum Rich Simon presentéiert.

Rebound, 14/05/2021 17:50

Am Rebound vun haut stinn haaptsächlech Dammen am Mëttelpunkt. An der Woch waren d´Véierelsfinalle vum Championnat a muer fänken d´Halleffinallen un. Bei den Hären ass de Spëtzematch tëscht Ettelbréck a Walfer. De Rebound gëtt iech haut vum Rich Simon presentéiert....

Rebound, 07/05/2021 17:50

Am Rebound vun haut kuckt de Rich Simon op de Spëtzematch bei den Häre vum leschte Samschdeg zeréck. Deen ass kloer un déi Diddelenger gaangen. A bei den Dammen decidéiert sech dëse Weekend, wat fir eng zwou Ekippe sech nach kënne fir den Titel-Playoff qualifizéieren.

Rebound, 30/04/2021 17:50

Am nationalen Häre Basket steet den Top 6 esou gudd ewéi fest.Ganz interessant ass et awer och nach am Kampf ëm déi zwou éischte Plazen déi jo direkt een Ticket fir d'Halleffinale bedéiten.Am Rebound vun haut mëscht de Jeff Kettenmeyer d'Analyse.

hubhopper

RTL - Rebound

hubhopper