Árið 1957 keypti Kópavogsbær land Digraness og Kópavogs og gat þá skipulagt það til lengri tíma. Á áratugunum á eftir var hröð uppbygging í innviðum svo sem menntun og heilbrigðis- og félagsþjónustu. Á sama tíma varð mikill vöxtur í ýmiss konar iðnaði og þjónustu í bænum. Í lok 9. áratugarins voru aðalatvinnugreinar í Kópavogi húsgagnaiðnaður, matvælaiðnaður, bifreiðaumboð og almenn verslun. Árið 1958 var lokið við fyrsta skipulagsuppdrátt Kópavogs. Á næstu áratugum voru talsverðar deilur um skipulagsmál í bænum, einkum vegna hraðrar umskiptingar úr sveit í þéttbýli en einnig vegna landadeilna við Reykjavík. Miðbær Kópavogs var hannaður í áföngum á 8. áratugnum og framkvæmdum við Hamraborg var að mestu lokið árið 1984.[10] Frá 1990 hefur íbúafjöldi Kópavogs tvöfaldast og stórt verslunar- og þjónustuhverfi risið í Kópavogsdal. Austan Reykjanesbrautar hefur verið mikil uppbygging og þar risið íbúðahverfi kennd við Lindir, Salir, Kórar, Þing og Hvörf. Smáratorg var opnað árið 1997, verslunarmiðstöðin Smáralind árið 2001 og hinn 20 hæða turn á Smáratorgi 3 árið 2008. Og þá erum við mætt á svæðið sem fjallað verður um í þætti dagsins, og fengið hefur nafnið Smárinn. Rætt verður við Ingva Jónasson framkvæmdastjóra Klasa, en Klasi hefur unnið að þróun og uppbyggingu á svæðinu og Helgu Hauksdóttur formann skipulagsráðs Kópavogs. En við byrjum með arkitektunum að hluta húsanna, en það eru þau Halldór Eiríksson og Sóley Lilja Brynjarsdóttir hjá Tark og við höldum í Hátúnið

Flakk

14102021 - FLakk - Flakk um Smárann í Kópavogi - nýtt blokkar hverfi

08.10.2021

30.09.2021

Skólavörðustígurinn er ein vinsælasta gatan í miðborginni, þar er alltaf fullt af fólki. Gatan er ein af þeim sem breyttist í göngugötu þegar ákveðið var að loka Laugaveginum fyrir umferð. Skólavörðustígurinn er með eldri götum bæjarins, en byggð við götuna hófst uppúr miðri 19 öldinni og fram yfir aldamótin 1900. Verslanir hafa verið margar og um tíma var gatan eins konar hönnunargata, og er raunar enn í dag að hluta. Við ræðum við Kristbjörgu Guðmundsdóttur iðnhönnuð og Vilborgu Guðjónsdóttur arkitekt frá Mstúdíó, og hér í stúdíói sitja Hjálmar Sveinsson borgarfulltrúi og Dagný Bjarnadóttir landslagsarkitekt en hún er verkefnastýra breytinganna. En byrjum með Lilju Kristínu Ólafsdóttur úr hönnunarhópi Skólavörðustígs, en auk hennar eru í hópnum Sigurður Árni Sigurðsson myndlistarmaður og Karl Kvaran arkitetkt.

23092021 ? Flakk ? Flakk um Laugaveg göngugötu - síðari þáttur

Umhverfinu er gjarnan líkt við leiksvið þar sem lífið fer fram. Gæði umhverfis skiptir höfuðmáli fyrir andlega, félagslega og líkamlega vellíðan mannsins. Fjölbreytt opin svæði stór og smá, manngerð eða náttúruleg, líma saman byggð og ból. Þau eru lungu lifandi samfélagsins. Í dag ætlum við í bæinn, við ætlum að skoða nýjar tillögur um göngugöturnar í miðbænum, þ.e. Laugaveg, Vegamótastíg, Skólavörðustíg og Bankastræti. Þrír hópar hafa verið valdir til leiks, og ólíkar hugmyndir hafa litið dagsins ljós. Laugavegur var lengi vel aðal verslunargatan í Reykjavík ásamt Austurstræti, þróunin hefur hins vegar orðið sú að verslun hefur fluttst í Kringlur og Smáralindir, en enn eru margar fínar og spennandi búðir auk veitingastaða á Laugavegi og í umræddum götum. Við skoðum tillögur tveggja hópa í dag. Í þessum fyrri þætti af tveimur er rætt við Ragnhildi Skarphéðinsdóttur landslagsarkitekt hjá Hornsteinum og Kristján Kristjánsson lýsingarhönnuð og síðan Jóhann Sindra Pétursson landslagsarkitekt hjá Landmótun og Nils Wiberg hjá Gagarín. Umsjón: Lísa Pálsdóttir.

16092021 Flakk um Laugaveg göngugötu

Uppbygging og skipulag snýst ekki bara um götur og byggingar, samfélagsmál af ýmsum toga eru ekki síst áríðandi. Húsnæði fyrir mismunandi hópa með mismunandi þarfir. Við ætlum að beina augum okkar að Sléttunni, þar er bæði hjúkrunarheimili og sjálfstæðar íbúðir fyrir 60 +, en þjónustumiðstöð í eigu borgarinnar tengir byggingarnar, Hrafnista rekur Sléttuna og sér einnig um rekstur þjónustumiðstöðunnar. Við heyrum frá Sigurði Garðarssyni framkvæmdastjóra Sjómannadagsráðs, Heiðu Björg Hilmisdóttur formanni Velferðarráðs borgarinnar en byrjum í heimsókn hjá Halldóri Guðmundssyni arkitekt á teiknistofunni THG.

09092021 - Flakk - Flakk um búsetuúrræði eldri borgara - Sléttan

Uppbygging félagslegs húsnæðis í Reykjavík hefur stóraukist undanfarin ár, borgin hefur farið fram á ákveðin fjölda íbúða í nýjum fjölbýlishúsum, og sett slíkt skilyrði við úthlutun lóða. Einnig hafa verkalýðsfélögin byggt leiguhúsnæði undir merkjum Bjargs. Við ætlum á Skólavörðuholtið í dag, þar er að ljúka byggingu áfangahúss fyrir jaðarsettan hóp, innan nýs deiliskipulags sem arkitektar A2F hafa gert, við ræðum við Aðalheiði Atladóttur höfund skipulagsins. Við bregðum okkur á holtið og skoðum okkur um ? en að mínu mati hefur tekist afar vel til, en þetta nýja fjölbýlishús smellur inní götumyndina, og virkar eins og það hafi alltaf verið þarna, höfundar eru Þorleifur Eggertsson og Jóhann Sigurðarson arkitektar hjá Tendru. Hér í stúdíói sitja Eygló Harðardóttir og Hrafnhildur Ólöf Ólafsdóttir, til að ræða uppbyggingu húsnæðis jaðarsettra hópa í borginni.

02092021 ? Flakk ? Flakk um áfangahús á Bergþórugötu

Margir hafa haft orð á, vegna þéttingu byggðar á Höfuðborgarsvæðinu bæri að varast að ganga á grænu svæðin í borginni. Vissulega hafa nokkrir grænir grasbalar horfið undir hús, og nokkur tré hafa einnig verið felld, en þetta hefur ekki verið gert í stórum stíl að mínu viti. Nú hefur verið byggt í Fossvogi um langt skeið og enn er verið að byggja fjölbýlishús vestast í voginum, þar fyrir neðan er Skógrækt Reykjavíkur og verið þar óáreitt að ég held um langa hríð. Við ætlum að skoða okkur aðeins um á Skógarvegi í dag, og skoða þar nýtt fjölbýlishús, sem senn er tilbúið. En við skulum huga aðeins að sögu Skógræktar. Rætt við arkitektana Guðmund Gunnlaugsson og Ellert Hreinsson frá Archus. Í stúdíói sitja Auður Kjartansdóttir framkvæmdastjóri Skógræktar Reykjavíkur og Karl Raymond Birgisson framkvæmdastjór Dverghamra sem byggir á Skógarveginum.

26082021 - Flakk - Flakk um Skógarveg

12.08.2021

Borgarlína ræður miklu um hvar og hvernig borgin þéttist í á næstu árum. Til að standa undir rekstri Borglínunnar er nauðsynlegt að aðgengi að henni verði nálægt íbúðarhúsum þannig að möguleikar íbúa til notkunar þjónustunnar nýtist, og að íbúar sjái kostinn við að taka strætó, fekar en að nota einkabíl. Við ætlum að fjalla um tvo stóra byggingareiti í þættinum í dag, Heklureit og Héðinsreit, sá fyrri á Laugavegi og síðari vestur við Ánanaust. Það hefur tekið nokkuð langan tíma að skipuleggja Heklureitinn, og margt kemur til í því sambandi. Rætt við Ásdísi Helgu Ágústsdóttur arkitekt hjá Yrki. En svo er verið að þétta vestur í bæ, fjallað hefur verið um Steindórsreitinn hér í þættinum, en nú ætlum við líta aðeins á Héðinsreitinn, annar stór reitur með áætlun um yfir 300 íbúða. Framkvæmdir eru hafnar á hluta reitsins og beinum okkar augum þangað. Það er Hjalti Brynjarsson arkitekt hjá Arkþing Nordic sem er höfundur þessa hluta.

24062021 - Flakk um Heklu- og Héðinsreit

Við höfum byggt ansi stór fjölbýlishús undanfarin misseri. Markmiðið er að þétta byggðina, en einhvern vegin finnst manni stundum að hægt væri að þétta með öðrum hætti. Hvar eru minni fjölbýlishúsin, raðhúsin og einbýlishúsin? Við ætlum að skoða aðeins það smáa og stóra í þættinum í dag og heimsækja nýtt íbúðarhús á Nýlendugötu 34. Nú er aftur farið svo smátt að byggja timburhús, minnast má á stórbyggingu Hafró í Hafnarfirði, en ekki svo mörg íbúðarhús. Nett hús hefur risið á Nýlendugötu 34, það birtist bara allt í einu, einhvern vegin. Gabríel Þór Bjarnason er framkvæmdaraðili með ýmis plön og hann ásamt Hjálmari Sveinssyni eru gestir hér í stúdíói, einnig er rætt við arkitektinn Helga Mar Hallgrímsson hjá Arkþingi Nordica.

10062021 - Flakk um Nýlendugötu 34, það smáa og það stóra

Það virðist enginn vita uppá hár hversu margar íbúðir eru í byggingu hér á Höfuðborgarsvæðinu og jafnvel úti á landi, eða hversu margar eru þegar tilbúnar. Það vantar rannsóknir á mörgum hliðum íbúðabygginga, öllum ber saman um það. Við hófum umfjöllun um Híbýlagæði í síðasta þætti og ræðum við fólk sem tók þátt í fundi í Norræna húsinu fyrir skemmstu. Yfirskrift fundarins var Híbýlagæði, og undirtitlar m.a. Lúxus fyrir alla, og Fyrir hverja er verið að byggja, það var Úrbanistan sem stóð fyrir fundinum, sem er arkitekta- og menningarstofa. Við ætlum að huga nokkuð að leigumarkaðnum í þessum þætti, hagkvæmum byggingum og óhagnaðardrifnum leigufyrirtækjum. Rætt verður við Hildi Gunnarsdóttur arkitekt hjá Borgarskipulaginu, en hún gerði samanburð á almennum leiguíbúðum í Danmörku og Íslandi í mastersritgerð sinni í Danmörku. Við ræðum við Björn Traustason framkvæmdatjóra Bjargs leiguíbúðafélags sem er sjálfseignarstofnun í eigu verkalýðsfélaganna, og við Björn Arnar Magnússon framkvæmdastjóra Brynju sem er byggingafélag Öryrkjabandalagsins.

03062021 ? Flakk ? Flakk um híbýlaauð - síðari þáttur

27.05.2021

Stúdentagarðar hafa risið í Reykjavík í mörg undanfarin ár, og eru víða í borginni, við ætlum að huga að nýjum görðum í Stakkahlíðinni bakvið Kennaraháskólann í dag. Rætt er við þau Guðrúnu Björnsdóttur framkvæmdastjóra Félagstofnunar Stúdenta og Böðvar Jónsson framkvæmdastjóra Byggingafélags námsmanna. Við skoðum einning teikningar og heimsækjum þessa nýju garða í fylgd arkitektsins Helga Mar Hallgrímssonar hjá Arkþing Nordic. Gamli garður er fyrsti stúdentagarðurinn hér á landi, og Guðmundur Hálfdánarson prófessor í sagnfræði við Háskóla Íslands sagði frá í Flakki árið 2011 á afmælisári Háskólans, hvernig stúdentar söfnuðu sjálfir fyrir Gamla Garði, hann segir frá lífinu á garðinum, Garðsböllum, rannsóknaræfingum og fl.

13052021 ? Flakk ? Flakk um nýja stúdentagarða í Stakkahlíð

06.05.2021

Lísa Pálsdóttir flakkar um borg og bý.

hubhopper

Flakk

hubhopper