Við forvitnumst um starfsemi Tónlistarskóla Rangæinga og ræðum þar við Söndru Rún Jónsdóttur, skólastjóra tónlistarskólans. Því næst höldum við norður en þar er verið að ryðja skóg fyrir nýjan göngu- og hjólreiðastíg af Svalbarðsströnd til Akureyrar. Að lokum er ferðinni heitið í gamla félagsheimilið Breiðablik í Eyja- og Miklaholtshreppi en þar hefur verkefnastjóri svæðisgarðsins Snæfellsness starfsaðstöðu. Viðmælendur í þættinum eru Sandra Rún Jónsdóttir, Ingólfur Jóhannsson og Ragnhildur Sigurðardóttir. Efni í þáttinn unnu Gígja Hólmgeirsdóttir, Ágúst Ólafsson og Elsa María Guðlaugs Drífudóttir. Umsjón: Gígja Hólmgeirsdóttir

Sögur af landi

Tónlistarskóli Rangæinga, skógarhögg og svæðisgarðurinn Snæfellsnes

Í þættinum heyrum við af nýrri vita- og sjóslysasýningu sem verið er að setja upp við Reykjanesvita. Einnig er fjallað um uppbyggingu á Flateyri. Viðmælendur í þættinum eru Eiríkur P. Jörundsson, Magnús Einar Magnússon, Bjarnheiður Ívarsdóttir og Guðjón Guðmundsson. Efni í þáttinn unnu Gígja Hólmgeirsdóttir og Halla Ólafsdóttir. Umsjón: Gígja Hólmgeirsdóttir

Vita- og sjóslysasýning á Reykjanesi. Uppbygging á Flateyri.

Í þættinum er rætt við tónlistarmanninn Anton Lína Hreiðarsson. Anton Líni stundar nú háskólanám í Berlín. Hann hefur getið sér gott orð sem tónlistarmaður undanfarin ár en þrátt fyrir ungan aldur hefur Anton orið fyrir fleiri áföllum en margir verða fyrir á allri sinni ævi. Við heyrum líka endurminningar Unnar Láru Jónasdóttur sem fæddist árið 1935 og ólst upp í Elliðaey á Breiðafirði til 12 ára aldurs. Viðtalið var tekið árið 2011 af Pétri Halldórssyni og var fyrst flutt í þættinum Við sjávarsíðuna á Rás 1. Að lokum er fjallað um heimagrafreiti á Íslandi. Þar segir Hjalti Hugason, prófessor í kirkjusögu við Háskóla Íslands, frá rannsóknum sínum. Efni í þáttinn unnu Óðinn Svan Óðinsson og Rúnar Snær Reynisson. Umsjón: Gígja Hólmgeirsdóttir.

Anton Líni. Minningar úr Elliðaey. Heimagrafreitir á Íslandi.

Í þættinum heimsækjum við Þorvarð Árnason, sem er forstöðumaður Rannsóknarsetur Háskóla Íslands á Hornafirði. Með Vatnajökul í bakgarðinum er ekki að undra að þessi stærsti jökull landsins hefur spilað lykilhlutverk í fjölmörgum verkefnum Þorvarðar og rannsóknasetursins. Við rifjum líka upp sögu tveggja rostunga með tengingar við Ísland. Annan þeirra má finna uppstoppaðan á Þekkingarsetri Suðurnesja en hinn rataði í sögubækurnar þegar forsætisráðherrann Gunnar Thoroddsen bauð honum frítt far frá Bretlandi. Að lokum heimsækjum við elsta hús á Akureyri, svokallað Laxdalshús. Þar hefur margs konar starfsemi verið í gegnum tíðina en núna opnar þar sushi-veitingastaður og listavinnustofa. Viðmælendur í þættinum eru Þorvarður Árnason, Hanna María Kristjánsdóttir, Reynir Sveinsson og Jónína Björg Helgadóttir. Einnig eru flutt brot úr viðtali frá árinu 2008 við náttúrufræðinginn Ævar Petersen. Efni í þáttinn unnu Halla Ólafsdóttir, Gígja Hólmgeirsdóttir og Anna Þorbjörg Jónasdóttir. Umsjón: Gígja Hólmgeirsdóttir.

Rannsóknarsetur HÍ, tveir rostungar og Laxdalshús

Við heimsækjum tvær skapandi listakonur á Siglufirði í þættinum. Það eru þær Aðalheiður S. Eysteinsdóttir og Brynja Baldursdóttir. Umsjón: Gígja Hólmgeirsdóttir

Hinn skapandi Siglufjörður

Ævintýri Jóhanns Sveinbjörnssonar, báturinn Sindri og eikarskipið Húni

Ólafarhús og aldingarður á Akureyri

Þá er komið að níunda og síðasta þættinum í sumarþáttaröð Sagna af landi, þar sem flutt hafa verið valin innslög frá liðnum vetri fyrir ykkur hlustendur að njóta í sumar. Við rifjum fyrst upp frásögn Óskars Þráins Finnssonar á Ólafsfirði þegar hann segir frá slysi sem hann varð fyrir þegar hann starfaði sem vitavörður. Heyrum einnig sagnfræðinginn Jón Hjaltason segja frá akureyríska kímniskáldinu Káinn. Að lokum er rætt við Ólafíu Herborgu Jóhannsdóttur um merkilega sögu strandaða togarans Clyne Castle. Viðmælendur í þættinum voru Óskar Þráinn Finnsson, Jón Hjaltason og Ólafía Herborg Jóhannsdóttir. Efni í þáttinn unnu Gígja Hólmgeirsdóttir og Rúnar Snær Reynisson. Umsjón: Gígja Hólmgeirsdóttir.

Sumar: Sprenging í vita, kímniskáldið Káinn og togarinn Clyne Castle

Það er komið að áttunda og næstsíðasta þættinum í sumarþáttaröð Sagna af landi, þar sem endurflutt hafa verið valin innslög frá liðnum vetri fyrir hlustendur að njóta í sumar. Við heyrum aftur umfjöllun Margrétar Blöndal um Sauðfjárverndina, skreppum til Grundarfjarðar í fylgd með Elsu Maríu Guðlaugs Drífudóttur þar sem hún ræðir við Inga Hans Jónsson. Að lokum forvitnumst við um líf og störf þúsundþjalasmiðsins Óðins Eddy Viðarssonar en hún Halla Ólafsdóttir rakst á Óðinn þegar hann var staddur í Tunguskógi á Ísafirði. Umsjón: Gígja Hólmgeirsdóttir.

Sumar: Sauðfjárvaktin, Sögumiðstöðin, Óðinn Eddy

Sumarþáttaröð Sagna af landi heldur áfram þar sem endurflutt eru valin efni frá liðnum vetri fyrir hlustendur að njóta í sumar. Nú er komið að sjöunda þætti, sem tileinkaður verður gömlum húsum. Við heyrum af Aðalstræti 16 í Bolungarvík, Grímshúsi í Brákarey í Borgarnesi og Tryggvaskála á Selfossi. Í þættinum er rætt við Jón Pál Hreinsson, Sigurstein Sigurðsson og Bryndísi Brynjólfsdóttur. Efni í þáttinn unnu Halla Ólafsdóttir, Elsa María Guðlaugs Drífudóttir og Margrét Blöndal. Umsjón: Gígja Hólmgeirsdóttir.

Sumar: Sögur af gömlum húsum

Sumarþáttaröð Sagna af landi heldur áfram, þar sem tínt er til efni frá liðnum vetri fyrir hlustendur til að njóta í sumar. Í þessum sjötta þætti verður rifjað upp ferðalag þar sem farið var í heimsókn á þrjá bæi við Öxarfjörð. Við byrjum á að fá okkur kaffi hjá sauðfjárbóndanum og frumkvöðlinum Guðríði Baldvinsdóttur á Lóni í Kelduhverfi. Hún segir okkur meðal annars frá fyrirtækinu sínu Mórúnum þar sem hún jurtalitar ull. Því næst er farið á bæinn Gilsbakka þar sem þau Guðrún Lilja Dam Guðrúnardóttir og Brynjar Þór Vigfússon reka litla ullarvinnslu. Að lokum er farið á bæinn Leifsstaði en þar býr veðurspámaður sveitarinnar, stórbóndinn Stefán Rögnvaldsson. Viðtölin voru tekin í apríl. Umsjón: Gígja Hólmgeirsdóttir

Sumar: Flakkað um Öxarfjörð

Sumar: Dagur á Dalvík 1968

Sumarþáttaröð Sagna af landi heldur áfram, þar sem tínt er til efni frá liðnum vetri fyrir hlustendur til að njóta í sumar. Í þessum fjórða þætti verður endurflutt viðtal við Gunnar Malmquist Gunnarsson, föður tveggja landsliðsfyrirliða. Auk þess verður rifjuð upp heimsókn til skáldsins og þýðandans Þórðar Sævars Jónssonar sem fræðir okkur um alþýðulistamanninn Guðjón R. Sigurðsson. Efni í þáttinn unnu Óðinn Svan Óðinsson og Gígja Hólmgeirsdóttir. Umsjón: Gígja Hólmgeirsdóttir

Sumar: Gunni Mall og æviminningar Guðjóns R. Sigurðssonar.

Sumarþáttaröð Sagna af landi heldur áfram. Í þessum þriðja þætti verður endurflutt innslag um nýtin systkini að austan. Auk þess verður rifjuð upp frásögn veflistakonunnar Ragnheiðar Bjarkar Þórsdóttur. Efni í þáttinn unnu Rúnar Snær Reynisson og Gígja Hólmgeirsdóttir. Umsjón: Gígja Hólmgeirsdóttir.

Sumar: Nýtin systkini að austan og veflistakonan Ragnheiður Björk

Þetta er annar þátturinn af níu í sumarþáttaröð Sagna af landi, þar sem tínt verður saman efni frá liðnum vetri fyrir hlustendur til að njóta í sumar. Að þessu sinni rifjum við upp sprenginguna við Miðkvíslarstíflu, heimsækjum veitingastaðinn Teni á Blönduósi og heyrum ástarsögu að austan. Efni í þáttinn unnu Úlla Árdal, Gígja Hólmgeirsdóttir og Rúnar Snær Reynisson. Umsjón: Gígja Hólmgeirsdóttir.

Sumar: Sprenging við Mývatn, veitingastaðurinn Teni, ástarsaga

Landsbyggðin, höfuðborgin og allt þar á milli.

hubhopper

Sögur af landi

hubhopper