Havnarmaðurin og heimsborgarin Jóa Pól - seinni partur av dokumentariskari ljóðmynd um eina sjáldsama og hugtakandi sjómanslagnu.

Stakar sendingar - útvarp

Havnarmaðurin og heimsborgarin Jóa Pól - seinni partur

Í Lesikrókinum hesa ferð tosa Magni Mohr, formaður í Fólkaheilsuráðnum, Oddfríður Marni Rasmussen, rithøvundur, og Marna Jacobsen, fráfarandi ritstjóri um bókina Menn í mínari støðu eftir Per Petterson. Vit tosa um sorg og kreppu, og um hvussu menn handfara sorg og kreppu í bókmentum á høgum støði. Vertur er Eilen Anthoniussen.

Lesikrókurin: Menn í mínari støðu

Havnarmaðurin og heimsborgarin Jóa Pól - fyrri partur av dokumentariskari ljóðmynd um eina sjáldsama og hugtakandi sjómanslagnu.

Havnarmaðurin og heimsborgarin Jóa Pól - fyrri partur

Tað kom dátt við, tá henda samgongan tók burtur stuðulin til Víkingaskipið í Hovi, sum var játtaður frammanundan. Men Júst Johannesen er kortini ikki fallin í fátt. Abbin var bátabyggjari, sjálvur er hann timburmaður, men hann hevur í hyggju eisini at læra seg timburskipa-smíð. Og møguleikan fær hann, tí hann er verkætlanarleiðari í stóru víkingaskips-ætlanini í Hovi, har norska Gokstadskipið frá ár 890 verður endurmyndað í føroyskum timbur-hondum. Júst Johannesen hevur eitt stórt tal av áhugum, og framfýsnið er stórt. Har hendir nakað, tá Júst av Tvøroyri setur sær tað fyri.

GESTASTOVAN: 'Nýtt víkingaskip í anda Hovgríms'

Dagsins gestur sigur, at hon og systrarnar eru ein tann minst indotrineraði systkinaflokkurin í landinum. Hon var á landsliðnum í svimjing, hóast hon hevði nøkur avlops-kilo á kroppinum, ið hon lýsir sum eitt íleguligt eyðkenni. Talugávurnar hevur hon sum fá og er eisini 80 prosent útvend, kanska tí bleiv hon føroysk talskvinna í rákinum móti fitiskamman, sum er ein fobi. Hennara opna lyndi hevur eisini havt við sær, at hon báði hevur roynt seg við yoga og gin-yoga, umframt einsamøll at trína pallin at undirhalda við skemti. Samrøðan verður báði álvarslig og løtt.

GESTASTOVAN: 'Tjúkkar familjur kunnu illa fara út'

Talan er um at minka um óljóðið frá skipum, sum liggja við bryggju í Føroyum, so fólk afturfyri kunnu fáa náttarfrið. Sum lítil vildi Trina verða dómari, longu tá var rættvísis-tráðanin vorðin partur av hennara lyndi og tað er sjónligt í dag. Hon er alt ov virkin til eisini at hava stundir til vanlig ítriv, og als ikki til grunnar sjónvarpssendingar. Trinu dámar væl tónleik úr 80'unum, hvat vit eisini hoyra í sendingini.

GESTASTOVAN: 'Eg vil gera mun og mennast'

Studio 21 (1:3)

Eitt gamalt orðatak eystanifrá er, at 'tað er størri at vinna á sær sjálvum, enn á einum heilum býi'. Hetta varð sjálvandi skrivað, tá býir vóru at rokna sum lítil lond, hvat teir eisini vóru. Men hvat inniheldur hetta, 'at vinna á sær sjálvum?'. Tað veldst um, men í hvørjum føri er talan um at fara frá nøkrum, sum ikki riggar, sum ein kortini hevur hildið fast í longi, tí ein ikki kennir nakra loysn.

GESTASTOVAN: 'Ein dag í senn'

Ólavur Rasmussen situr hinumegin borðið í Gestastovuni.

GESTASTOVAN: 'Eg ætlaði mær sjógvin, men...'

Elin Hentze vaks upp í Havn. Í sendingini verður eisini tosað um annað enn bústaðar-støðuna í Føroyum, uppvøksturin er eitt evni, eisini verður prátað um pólarisering millum fólk. Stutt samanumtikið hevur hennara yrkisleið verið merkt av miðling og samskifti og hon er eisini cand.mag í film- og miðlavísund, umframt at hava lisið marknaðarbúskaparfrøði.

GESTASTOVAN: Ein mannarættur at búgva bíliga

Tí kom Eiler Fagraklett heim aftur eftir loknan lestur. Ynskiliga støðan við mentanarligum og lógarligum javnrættindum kom tó ikki av sær sjálvum. Hann tók ábyrgd, bretti upp ermar og tók eitt tørn sum talsmaður fyri LGBT, ið vardi í tíggju ár. Ein kann kalla tað eitt mannarættindastríð.

GESTASTOVAN: Nú koma tey heim aftur at búgva...

Turið býr í Trongisvági í Tvøroyar Kommunu. Innarliga í dalinum hava hon og maðurin hús, har stutt er at fara niðan í fjøllini ella oman til Stórá og plantasjuna. Hon er eisini útferðarleiðari, sum á longsta degi fer við fólkum upp á hægsta fjallið í Suðuroynni, Gluggarnar. Turið hevur eina fortíð sum rógvari, og í yrki sínum sum lærari undirvísir hon bæði í svimjing og lívfrøði. Í sendingini hoyra vit eisini um aðrar útferðir har á leiðini, umframt at prátað verður um ítrótt, kolasøguna, barndóm, og framtíðarútlit fyri Tvøroyri sum heild.

GESTASTOVAN: 'Tað grør um gangandi fót...'

Gesturin greiðir frá, at felagskapurin við onnur fólk er avgerandi. Fyrr í tíðini misnýtti Poul Jákup alkohol. Ein kann siga, at hann bar drunnin víðari frá barndóminum, ið var merktur av vantrivnaði og mistrivnaði.

GESTASTOVAN: 'Góða lívið fæst bara í felagsskapi'

Vivian Sjóðklett vildi arbeiða við menniskjum og tók fyrst námsfrøði sum grundútbúgving. Síðani tá hevur hon økt um vitan sína við bæði kunstterapi og sexologi útbúgvingum. Í dag hevur hon klinikk saman við tveimum øðrum kvinnum; einum sexologi og einum reikihealara. Eisini vitjar hon skúlar at undirvísa í kyni og kynslívi, nakað, sum næmingarnir hava sera stóran áhuga í. Tónleikur er annað evni, sum tosað verður við Vivan Sjóðklett um. Hetta er tann fyrsta av tíggju sendingum í summar við heitinum 'Gestastovan - ein samtalusending um áræði og eldhuga'. (5. juli 2021).

GESTASTOVAN: 'Ein kann halda seg ungan alt lívið'

Korona, ein trong troyggja og nakrir óðir kekkar eru nakrir av tættunum í hesi ljóðmynd, sum er bygd á samrøður við dómararnar í dystinum, Bárður og Jógvan, umboðsmannin hjá evropeiska hondbóltssambandinum, EHF, Kristian Johansen og samskiparan hjá føroyska hondbóltssambandinum, HSF, Ára Rouch.   Tí fríggjadagin 30. apríl 2021 spældu Føroyar og Kekkia landsdyst í hondbólti. Føroyar vunnu og talan var um besta úrslitið nakrantíð hjá A-landsliðnum.

LJÓÐMYND: Óvæntaða uppgávan

Sendingar, ið ikki eru partur av einari sendingarøð, liggja her.

hubhopper

Stakar sendingar - útvarp

hubhopper