"Einangran" er heiti á debut EP'ini og nýggju duoini, ið Lea Kampmann og Heiðrikur á Heygum, hava gjørt í felag. Heiðrikur og Lea hava eisini í felag gjørt teir fýra føroysku sangirnar, ið eru á útgávuni, sum er tikin upp, framleidd, ljóðblandað og mastera av Janusi Rasmussen og Sakaris Emil Joensen í Reykjavík.

Kvørnin

Kvørnin: "Einangran"

Fýra sangir á enskum máli eru á EP'ini, "Not That Surprised", sum er tikin upp í heimastudionum hjá bólkinum og í Bloch Studio. Limirnir í Jasmin hava gjørt løgini í felag, meðan Jasmin Mote, Marianna Nagata og Tamara Meney hava skrivað tekstirnar. Bólkurin hevur eisini lagt tónleikin til rættis og staðið fyri framleiðsluni við Theodor Kapnas sum samframleiðara Jens L. Thomsen hevur ljóðblandað sangirnar og Matt Colton masteraði EP'ina.

Kvørnin: "Not That Surprised", Jasmin

"Glotti" er heiti á fyrstu heildarútgávuni við duoini Land Of Maybe, ið er mannað við Edith Dahl Jacobsen og Allan Tausen. 8 sangir, 3 á føroyskum og 5 á enskum máli, eru á útgávuni, ið er tikin upp og ljóðblandað av Theodor Kapnas í Studio Bloch, og framleidd av Mikael Blak og Land Of Maybe. Allan Tausen og Edith Dahl Jacobsen hava gjørt flestu sangirnar í felag, men aðrir sangskrivarar eru eisini við í nøkrum førum. Tónleikarar á útgávuni eru:

Kvørnin: "Glotti", Land of Maybe

"Myself Mispelled" er heiti á debut útgávuni við Brimheim, ið er soloverkætlan hjá føroysku/donsku Helenu Rebensdorff Heinesen. Helena hevur skriva teir fimm sangirnar á EP'ini, sum Nis Bysted Andersen og Oliver Matthew Volz hava tikið upp og framleitt. Oliver Matthew Volz hevur eisini ljóðblandað sangirnar, meðan Emil Thomsen hevur mastera útgávuna. Tónleikarar á "Myself Mispelled" eru:

Kvørnin: "Myself Mispelled", Brimheim

Katrin á Borg hevur skriva teir fimm sangirnar á enskum málið, ið eru á útgávuni, sum norski vinmaður hennara, Espen Tappel, hevur lagt til rættis, tikið upp og framleitt í Lia Studio í Grimstad og Tappeluft Studio í Oslo. Ruben Dalen hevur ljóðblandað, og Morgan Nicolaysen úr Propeller Mastering hevur mastera.  Tónleikarar á útgavuni eru: 

Kvørnin: "Uncover the Truth", Katrin á Borg

Bólkurin Páll Finnur Páll, klintra í løtuni á hittlistum í Íslandi, Páll Oddur Rubbeksen greiður frá gongdini í okkara grannalandi fyri norðan. Jón Eliassen, tónleikafrøðingur og sangskrivari, er klárur við sínum debut solo- staklagið. Jón greiðir frá og frumframførur spildurnýggja sangin "You Got The Fire". Dania O. Tausen, kend frá bólkum sum Reality Bytes, VSJ og Sway, hevur givið trý stakløg út seinastu mánaðirnar. Dania er gestur í sendingini.

Kvørnin fregnast

Tólv sangir, níggju á enskum og tríggir á føroyskum máli, eru á plátuni, ið er tikin upp í Studio Bloch, Sauna Recordings, The Space studios og í Bunkaranum. Eivør hevur skriva øll løgini, og hevur samstarva við fleiri aðrar sangskrivarar um bæði løg og tekstir. Marjun Kjælnes hevur skrivað teir tríggjar føroysku tekstirnar á Segl. Framleiðsluna hava Eivør Pálsdóttir og Tróndur Bogasson staðið fyri. Bretski framleiðarin Daniel Heath, hevur framleitt eitt lag og tvey í samstarvi við Eivør og Trónda. Høgni Lisberg hevur framleitt ásláttur og beats.

Kvørnin: "Segl", Eivør

Stakløgini, ið verða ummæld, eru:  “My Friend” - Røkkvi feat. Guðrun Sólja  ”Saman Við Tær” - Anton Liljedahl “I Only Want You” - Kristel Lisberg 

Kvørnin melur stakløg

Raske drenge er heiti á sjálvsnevndu debutútgávuni, sum føroyski Ragnar Finsson og belgiski Oscar Beerten góvu út tann 31. juli í ár. 10 skeringar, 5 sangløg og 5 instrumental løg, eru á plátuni, sum er tikin upp í FH studio í Havn og í Vesturkirkjuni. Ragnar Finsson og Oscar Beerten hava í felag lagt tónleikin til rættis og framleitt útgávuna, ið Finnur Hansen hevur tikið upp, ljóðblandað og mastera.

Kvørnin: Raske Drenge

Stongum og Guttesen er heiti á nýggju fløguni, sum vinmennirnir og systkinabørnini úr Sørvági, Jóan Jakku Guttesen og Magnus á Stongum hava latið úr hondum. 9 sangir á føroyskum máli eru á útgávuni, sum Kim Hansen og Terji Rasmussen hava framleitt í felag. Upptøkurnar vórðu gjørdar í Tanggaard studio hjá Terja Rasmussen í Nólsoy og í Bloch studio í Havn. Óli Poulsen hevur ljóðblandað og mastera fløguna í Keypmannahavn.

Kvørnin: Stongum og Guttesen

"Segl" er nýggjunda heildarútgávan í røðini hjá Eivør, síðan hon sum 17 ára gomul gav út sína fyrstu soloplátu, Eivør Pálsdóttir. Eivør kann sostatt hátíðarhalda 20 ár sum útgevandi solistur í árinum 2020. Í hesum sambandi hevur Eyðfinn Jensen hitt Eivør Pálsdóttir til eitt prát um útgávuna "Segl".

Kvørnin: Eivør greiðir frá útgávuni Segl

No 8 er heiti á nýggjastu fløguni við 69 ára gamla)Stanley Samuelsen, ið er ættaður úr Fuglafirði, men seinastu 50 árini havt bústað í Danmark. 12 sangir á føroyskum máli eru á útgávuni, sum er tikin upp í Nora studio, heima hjá Stanley, í Birkerød, stutt norðanfyri Keypmannahavn. Upptøkurnar vóru gjørdar í árunum frá 2011 til 2019, og Stanley hevur sjálvur framleitt, ljóðblandað og mastera útgávuna.

Kvørnin: Stanley No 8

"Starting Over" er heitið á fyrstu solo útgávuni við Páll Brim, sum mong munnu kenna sum ukelele leikara og sangara í bólkinum Danny & The Veetos. Fimm sangir á enskum málið eru á EP’ini, sum Símun Dam hevur tikið upp, ljóðblandað og mastera í SimDam studio í Klaksvík.

Kvørnin: "Starting Over", Páll Brim

Sangirnir, ið verða spældir, eru: Another Day - Land of Maybe America - Havnarmenn Let It Come - Eivør Eg uttan teg - Herborg Torkilsdóttir Eyðfinn Jensen er vertur.

Kvørnin: Fýra føroysk stakløg

Á "Hetjuslóð" eru 9 skeringar, 6 nýskrivaðir føroyskir sangir, tvær danskar fólkavísur og eitt kvæði. Hamradun eru: Pól Arni Holm - sang John Áki Egholm - guitar og kór Heri Reynheim - bass Uni Debess - guitar og kór Finnur Hansen - tangentar, slagverk, fløjtur og kór Rani Christiansen - trummir Harumframt spælir Angelika Hansen violin á fleiri løgum, Tóri Restorff Jacobsen spælir cello, og Thomas Petur Askham, Martin Eidisgaard og Kristian Olsen kvøða.

Kvørnin: "Hetjuslóð", Hamradun

Í Kvørnini verða tónleikaútgávur umrøddar. Serliga eru tað nýggjar føroyskar útgávur, men stundum sleppur útlendskur tónleikur framat. Sendingin er skipað sum pallborðsorðaskifti. Við grøna borðið í útvarpsstovuni eru vanliga vertur og trý tónleikaáhugað. Nakað av útskifting er við borðið. Tað eru umleið seks fólk í alt, sum skiftast um at taka lut. Fyritreyt fyri at sita við pallborðið í Kvørnini er brennandi áhugi fyri tónleiki, dirvi og hugur at siga sína hjartans meining.

hubhopper

Kvørnin

hubhopper